Најмалку 23 лица повредени во земјотресот во североисточна Јапонија кој предизвика цунами - Канал 5

Свет

Најмалку 23 лица повредени во земјотресот во североисточна Јапонија кој предизвика цунами

 Во силниот земјотрес, кој вчера ја погоди североисточна Јапонија, повредени се 23 лица. Потресот предизвика и цунами со бранови високи до 70 сантиметри во населени места по пацифичкото крајбрежје, соопштија локалните власти.

Најмалку 23 лица повредени во земјотресот во североисточна Јапонија кој предизвика цунами

Едно лице е тешко повредено, соопшти Агенцијата за пожари и природни непогоди. Повеќето од повредените биле погодени од паѓање предмети, јави јапонската телевизија НХК.

Околу 800 домаќинства останале без електрична енергија, информира главниот секретар на кабинетот, Минору Кихара. Тој изјави дека во нуклеарните електрани во регионот се вршат проверки и досега не се откриени неправилности.

Кихара додаде дека е запрен сообраќајот на брзите возови „шинкасен“, а прекинато е и движењето на неколку регионални линии.

Јапонската Влада соопшти дека сè уште се проценуваат штетите од земјотресот, кој ја погоди земјата околу 23:15 часот по локално време (16:15 часот по средноевропско време). Епицентарот бил во Пацификот, околу 80 километри од брегот на Аомори.

Премиерката Санае Такаичи изјави дека е формиран кризен штаб за брза процена на состојбата. - Приоритет ни е заштитата на животите на луѓето и правиме сè што е во наша моќ, рече Такаичи.

Бранови од 70 сантиметри се измерени во пристаништето Куџи во префектура Ивате, јужно од Аомори, а по крајбрежните населени места регистрирани се бранови до 50 сантиметри.

Националната метеоролошка служба соопшти дека магнитудата на земјотресот е коригирана на 7,5 и издаде предупредување за цунами до 3 метри на одредени локации. Метеоролозите предупредија и на можни силни вторични потреси во следните денови, со малку зголемен ризик од земјотрес со магнитуда околу 8, како и нови цунами по североисточното крајбрежје од Чиба до Хокаидо.

Агенцијата апелираше жителите на 182 општини во регионот во наредната недела да бидат подготвени за можни нови непогоди.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во моментов состојбата со пожарот на Халкидики е подобрена

Во моментов состојбата со пожарот на Халкидики е подобрена, информираа властите во Грција во однос на големиот пожар кај Сивири, посочувајќи дека по морски пат било евакуирано 481 лице, пренесува МИА.

Во моментов состојбата со пожарот на Халкидики е подобрена

Со чамци и бродови на крајбрежната и противпожарната служба, но и со траект што сообраќа од Солун до островите од групата споради, туристи и жители успешно, по морски пат беа евакуирани од Сивири.

YouTube video

Сивири е целосно евакуирано, а според информациите на МИА не е дозволено никој да се врати во градот, а во прекин е сообраќајот во поширокиот регион.

Оние кои не го напуштија Сивири по копнен пат, беа евакуирани од плажа, земајќи ги со себе само основните неопходни работи.

Од МНР велат дека по избувнувањето на пожарот во Сивири на првиот крак на полуостровот Халкидики во Грција, македонски државјани телефонски се обратиле до нашето дипломатско-конзуларното претставништво во Солун од каде што им биле пренесени упатствата и насоките издадени од надлежните грчки власти.

+389 75 268 736, КОНЗУЛАТОТ ВО СОЛУН: +30 694 526 8068 И +389 71 323 001“, [email protected]

Тагови: пожар Халкидики

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со сончеви периоди и температура до 34 степени

Според извештајот на УХМР времето денес ќе биде променливо облачно со сончеви периоди. Ќе дува слаб до умерен ветер од северен правец. 

Променливо облачно со сончеви периоди и температура до 34 степени

Попладне ќе има локална нестабилност со пороен дожд, грмежи и наместа услови за краткотрајно невреме со силен ветер и појава на град. Максималната температура ќе биде во интервал од 28 до 34 степени.

Во Скопје, сончево со мала до умерена облачност. Ќе дува слаб до умерен ветер од северен правец. Максималната температура ќе достигне 33 степени.

КОЛИЧИНА НА ВРНЕЖИ за изминатите 24 часа во (l/m2)

13 Виница, 8 Штип 4 Берово, 2 Битола.

Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Јапонија погодена од рекордни врнежи. Илјадници заглавени на аеродром, четворица загинати во поплавите

Рекордните врнежи што во петокот го зафатија Јапонија предизвикаа сообраќаен хаос и оставија илјадници патници заглавени на аеродромот „Нарита“ во Токио. 

Видео: Јапонија погодена од рекордни врнежи. Илјадници заглавени на аеродром, четворица загинати во поплавите

Најмалку четири лица загинаа во поплавите, а многу домаќинства останаа без електрична енергија. Во делови од префектурата Чиба, која граничи со Токио, за 24 часа наврнаа повеќе од 360 милиметри дожд, поплавувајќи патишта и железнички пруги среде една од најпрометните празнични недели во земјата, пренесува Ројтерс.

Јапонските власти потврдија четири смртни случаи, вклучително и лице заглавено во потопено возило. По едно лице сè уште се трага. Поради обемот на штетите, испратена е војска да помогне во спасувачките и санациските активности.

Според податоците на компанијата „Токио Електрик Пауер“ (Tokyo Electric Power), во петокот наутро повеќе од 22.000 домаќинства останале без електрична енергија. Во градот Чиба, една од областите што претрпеа најголеми штети, стотици луѓе ја поминале ноќта во привремени центри за евакуација, поставени во јавни објекти.

Портпарол на аеродромот „Нарита“ изјави дека околу 7.000 луѓе останале заглавени во терминалот поради прекинот на сообраќајните врски. Тој додаде дека, сепак, се очекувало сите летови планирани за петок да полетаат навреме.

Од „Џапан ерлајнс“ (Japan Airlines) посочија дека се можни доцнења, но дека засега нема планови за откажување на летовите.

На снимките од јавниот радиодифузер NHK се гледаат стотици патници како спијат на подот од терминалот, покриени со ќебиња што им ги обезбедило аеродромското персоналот, заедно со храна и вода.

„Никогаш нема да го заборавиме ова патување“, изјави за NHK еден американски патник кој останал заглавен на аеродромот со своето семејство.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер