Најмалку 20 загинати, од кои петмина новинари во израелски напад на болница во Газа- стигна осуда од целиот свет - Канал 5

Свет

Најмалку 20 загинати, од кои петмина новинари во израелски напад на болница во Газа- стигна осуда од целиот свет

Израелскиот премиер Бенјамин Нетанјаху денеска изрази жалење за нападот врз болницата Насер во Кан Јунис во Појасот Газа, во кој загинаа 20 лица, вклучувајќи пет новинари.

Најмалку 20 загинати, од кои петмина новинари во израелски напад на болница во Газа- стигна осуда од целиот свет

„Израел длабоко жали за трагичната несреќа што се случи денес во болницата Насер во Газа. Израел ја цени работата на новинарите, медицинскиот персонал и сите цивили“, рече Нетанјаху.

Следат осуди

Дражавите го осудуваат израелскиот напад врз болницата Насер во Газа, во кој беа убиени новинари, здравствени работници и цивили, а американскиот претседател Доналд Трамп изјави дека „не е среќен поради тоа“ и дека е потребно да се „заврши кошмарот“, објави Франс 24. .

Денеска Израел ја нападна болницата Насер во јужниот дел на Појасот Газа. Меѓу загинатите се пет новинари кои работеа за Ројтерс, Асошиејтед Прес, Ал Џезира и други медиумски куќи.

Трамп изрази незадоволство од израелскиот напад врз болница во Газа во кој загинаа најмалку 20 лица, велејќи дека не бил однапред информиран за нападот.

Трамп: Па, не сум среќен

„Па, не сум среќен поради тоа. Не сакам да го гледам. Во исто време, мора да го завршиме тој... кошмар“, изјави Трамп пред новинарите во Белата куќа. Израелската војска призна дека го нападнала подрачјето на болницата Насер и рече дека началникот на Генералштабот наредил истрага.

Во соопштението, Израелските одбранбени сили (ИДФ) изразија жалење за штетата предизвикана на „независни лица“ и рекоа дека тие не ги таргетирале новинарите.

Макрон: Неприфатливо

Францускиот претседател Емануел Макрон рече дека израелските напади врз болница во Газа се „неприфатливи“, а германското Министерство за надворешни работи повика на истрага за нападот во објава на X и рече дека е шокирано од убиствата на неколку новинари, членови на службите за итни случаи и цивили.

Генералниот секретар на ОН, Антонио Гутереш, остро го осуди израелскиот напад врз болница во Газа и повика на брза и непристрасна истрага. Шефот на Светската здравствена организација (СЗО) се придружи на осудата на нападите и го повика Израел да престане да ги таргетира здравствените установи.

„Прекинете го огнот сега“

„Додека луѓето во Газа гладуваат, нивниот веќе ограничен пристап до здравствена заштита е дополнително осакатен од повторените напади“, предупреди генералниот директор на СЗО, Тедрос Аданом Гебрејесус, на X.

„Не можеме доволно гласно да го кажеме: СТОП на нападите врз здравствената заштита. Прекини го огнот сега!“, се вели во соопштението.

Тој рече дека 50 лица се ранети во нападите, вклучувајќи и сериозно болни пациенти кои веќе примале нега.

Тагови: Газа новинари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер