Најмалиот Кју-ар-код во светот впишан во Гинисовата книга на рекорди - Канал 5

Живот

Најмалиот Кју-ар-код во светот впишан во Гинисовата книга на рекорди

Најмалиот Кју-ар-код во светот има површина од само 1,98 квадратни микрометри. 

Најмалиот Кју-ар-код во светот впишан во Гинисовата книга на рекорди

Тоа значи дека е помал од повеќето бактерии, не може да се види дури ни со светлосен микроскоп, туку само со електронски микроскоп, и поради тоа, тој е впишан во Гинисовата книга на рекорди.

Интересно е што новиот Кју-ар-код е за 37 отсто помал од претходниот носител на светски рекорд. Новиот рекорд е потврден во присуство на сведоци, а независна верификација беше спроведена во Универзитетот на Виена, објави порталот „Фосбајтс“ (Fossbytes).

Центарот за електронска микроскопија во австриската престолнина, каде што беше прочитан кодот, исто така, одигра посебна улога во проектот. Професорот Пол Мајерхофер од Институтот за наука и технологија на материјали во Виена објаснува дека микрометарските структури не се невообичаени денес, па дури е можно и да се манипулираат поединечни атоми.

- Проблемот се јавува кога структурите треба да се направат стабилни и читливи на долг рок. Атомите се движат со текот на времето, празнините се пополнуваат, а информациите исчезнуваат. Затоа, тимот разви екстремно мал, но стабилен и повеќекратно читлив Кју-ар-код. Сепак, само големината не е она што го прави овој потфат револуционерен. Структурите во микрометарски размер не се невообичаени денес, но предизвикот е да се направат трајни и сигурни за долгорочно складирање на податоци, истакна проф. Мајерхофер.

Клучот за успех лежи во материјалот. Научниците користеле тенок керамички слој (т.н. „серабајт“), којшто вообичаено се користи за зачувување податоци и заштита на високо-перформансни алатки и може да издржи екстремни услови.

Потенцијалот е во тоа што повеќе од два терабајти податоци може да се складираат на површината на страница во А-4 (големина на просечен училиштен учебник). За разлика од другите носители на податоци, керамичките записи не бараат енергија и се доста трајни.

Во време кога центрите за податоци трошат огромни количини енергија, со испуштање јаглерод-диоксид, оваа технологија отвора врата кон поекономично и поеколошко дигитално складирање податоци.

- Живееме во време кога сме преплавени со информации, но нашето знаење се складира на краткотрајни носители, вели Александар Кирнбауер од компанијата „Серабајт“ (Cerabyte).

Додека древните народи го врежувале знаењето во камен, иднината на современите информации е во керамичкото складирање. Принципот е сличен – податоците се запишуваат во стабилни, инертни материјали што ќе траат со години и векови, велат научниците. Но, истражувачите нагласуваат дека ова е само почеток. Се планираат тестирања на нови материјали, зголемена брзина на запишување и керамички мемориски системи, што би го направило долгорочното складирање на податоци практично и еколошки прифатливо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувенстус со нова понуда за Емилијано Мартинез

Јувентус е блиску до ангажирање на еден од најдобрите светски голмани, Емилијано Мартинез.

Јувенстус со нова понуда за Емилијано Мартинез

Според Дејвид Орнштајн, доверлив новинар на „Скај Спортс“ и „Атлетик“, претставниците на клубот од Торино доставиле нова, подобрена понуда до Астон Вила, а договорот меѓу двата клуба е сè поблизу.

Јувентус е подготвен да плати пакет вреден 10 милиони евра, структуриран како фиксен износ од 7 милиони евра плус 3 милиони евра во вид на бонуси поврзани со учинокот. Сепак, клубот од Бирмингем во моментов инсистира на 10 милиони евра во загарантирани средства, па преговорите се фокусираат токму на структурата на плаќањето.

Личните услови не претставуваат проблем Орнштајн нагласува дека личните услови меѓу 33-годишниот аргентински интернационалец и „Старата дама“ воопшто не претставуваат пречка. Мартинез изрази силна желба да се пресели на стадионот „Алијанц“ и е подготвен да го прифати понудениот повеќегодишен договор.

Трансферот дополнително го поткрепува фактот што Астон Вила веќе е длабоко во преговори за ангажирање на голман-замена; следствено на тоа, се очекува клубовите да постигнат компромис и наскоро да го финализираат договорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер