Шоу биз

Најголемото промашување на Мет Гала е Памела Андерсон- лани блескаше, а сега разочара (ФОТО)

Канадско-американската актерка Памела Андерсон ги шокираше сите на овогодинешната Мет Гала во Музејот на уметност Метрополитен во Њујорк.

Додека минатата година на Мет Гала таа се истакна во прекрасен кремаст фустан, длабоко деколте и коса украсена со пердуви, оваа година се одлучи за чудна, сомнителна фризура и здодевен, безличен сив фустан. Минатогодишната сјајна фатална жена сега оставаше впечаток на уморна жена на средна возраст, објави Пипл.

Кога го кажувам името Памела Андерсон, што замислувате? Жена со долга, распуштена руса коса? Не повеќе. Иако нејзината препознатлива руса боја на косата остана непроменета, вибрациите сега се сосема различни.

Некогаш долга до градите, косата сега ѝ е малку над должината на брадата, исечена право во еден слој и малку извлечена нанадвор на краевите. Шишките ѝ се исто така исечени право по должина и сега стојат високо над веѓите - тенки како молив и високо закривени како ѕвезда од немиот филм од 1930-тите. Остриот агол на кројот ги истакнува нејзините јаболчници и става уште поголем акцент на нејзиното иконско лице.

Изборот на сива тоалета е исто така сомнителен, бидејќи платинестата коса бара златни тонови кои даваат допир на живот, наместо избледено лице.

Тагови: Мет Гала 2025 Памела Андерсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.