1. Кинескиот мозаик на линии
Едни сметаат дека ова е таен воен полигон додека други мислат дека станува збор за порака од посетителите од вселената.
Овие чудно поставени линии се наоѓаат на координатите 40°27'28.56″N, 93°23'34.42″E. Не постојат многу информации за овие чудни, но сепак убави линии врежани во пустината во провинцијата Гансу Шенг во Кина.
2. Камената кукла
Пронајдена во јули 1889 година во Напма, во Ајдахо, оваа мала камена кукла го здогледа светлото на денот при ископување на бунар и потоа го предизвика интересот на научниците ширум светот. Без сомнеж, направена е од човечка рака, пронајдена е на длабочина од 100 метри со што може да се пресмета дека е настаната многу пред овде за прв пат да се појави човек.
3. Камен календар
Во египетскиот дел на пустината Сахара лежат најстарите познати астрономски наместени камења во светот – Набта. Илјада години пред Стоунхенџ луѓето поставиле камења во форма на круг на брегот на езеро кое уште одамна е пресушено. Камењата високи три метри биле донесени на локацијата уште пред 6.000 години. Иако денес ова подрачје на Египет е пустина без врнежи, некогаш тука живееле одамна изумрени бизони.
Ископувањата покажуваат дека овој регион некогаш бил многу населен. Прашањето за што служеле овие камења се уште нема одговор. Додека некои сметаат дека служеле како календар, други сметаат дека овде биле принесувани жртви на боговите.
4. Древен вселенски брод
Не станува збор за летало, туку за цртеж во пештера кој датира 5 илјади години пред Христа, а се наоѓа во Јапонија.
5. Силата на пирамидите
Во нивните ѕидови е вграден минералот мика, а најблискиот каменолом во кој се наоѓа овој минерал е во Бразил.
Овие пирамиди се наоѓаат во Теотијуакан, во Мексико. Во нивните ѕидови е вграден минерал познат под називот мика, Она што зачудува е фактот дека најблискиот каменолом во кој се наоѓа овој минерал е во Бразил, илјадници километри оддалечен од пирамидите. Прашањето кое се поставува е зошто древните градители минале толкав пат за да го вградат овој минерал во ѕидовите на пирамидите. Дали со помош на овој минерал апсорбирале некоја одамна заборавена енергија за да го сочуваат овој град ?!
6. Фосилизираниот џин
Овој џин е пронајден во Ирска во 1895 година. Висок е 3,6 метри. Откриен е при минирањето на блиските планини. Освен неговата величина, зачудува и фактот што на секое стапало и на рацете има по шест прсти.
7. Потопените пирамиди
На кубанскиот брег на неколку места има потопени пирамиди. Ги пронашле американски археолози и веднаш разгласиле дека ја пронашле Атлантида. Не постојат никакви пишани записи за кој град би можело да станува збор, па остануваат само претпоставки....
8. Џиновите од Невада
Постои легенда за 4 метри високите црвенокоси луѓе кои живееле во Невада. Легендата за тие луѓе ја пренесуваат индиските племиња. Подоцнежните ископувања на подрачјето на невада резултирале со ископување на големи човечки черепи и два скелета. Еден со висина од 2,8 метри, а другиот со 3,5 метри.
9. Мостот на кучешка смрт
Ова е мост од кој кучињата вршат самоубиство. Се наоѓа во Шкотска, изграден е во 1859 година и станал познат по тоа што многу кучиња скокнале од него без никаква причина. Локалните сопственици на кучиња го избегнуваат ова место затоа што кучињата во негова близина стануваат чудни и вијат, а тие кои ќе избегаат од ременот скокаат од него во 50 метри длабоката бездна.
10 Алуминиумскиот тег
Можеби се чини дека постои објаснување за алуминиумскиот тег, но фактот дека е изграден од чист алуминиум и е стар околу 500 години, говори дека нешто чудно е поврзано околу него. Имено, алуминиумот никогаш во природата не доаѓа како чист метал, туку во мешавина со други метали. Ако се земе предвид дека алуминиумот е откриен дури во 1808 година, а неговото производство почнало во 1885 година, овој тег станува се почуден.
11. Чинијата Лоладоф
Оваа чинија е стара 12 илјади години. Изработена е од камен и пронајдена е во Непал. На чинијата е претставен вселенски брод во форма на диск, но и фигура која потсетува на човеколик посетител од вселената.
