Пронајдена е во 1919 г. во Долината на кралевите, а еве зошто на научниците не им е сеедно кога ќе се спомне нејзиното име.

Заборавете на Тутанкамон, приказната за проклетството и разните суеверија. Најмистериозна е мумијата Башири, која ниту еден научник не се осмелил да ја допре во текот на 106-те години откако е пронајдена во Долината на кралевите. Од 1919 година, мистериозната (недопирлива) мумија откриена од познатиот археолог Хауард Картер привлекува огромно внимание.

Мумијата Башири се карактеризира со уникатниот начин на замотување на завоите околу телото на починатиот - што претходно не е забележано.

Неверојатно деталниот начин на завиткување на мумијата сугерира дека станува збор за некој богат благородник.

Сепак, идентитетот на мумијата никогаш не бил откриен бидејќи отстранувањето на сложените завои би ја уништило мумијата засекогаш.

Снимката со КТ скен покажала дека се работи за маж висок околу 155 сантиметри.

Се верува дека мумијата датира од Птоломејската ера, кога техниките на балсамирање биле врвни.

Мумијата Башири е изложена во музеј во Каиро, а еден детаљ кој особено привлекува внимание се внимателно замотаните завои преку лицето на мумијата, кои наликуваат на архитектонскиот дизајн на пирамидите.

Иако одвиткувањето на завоите е единствениот начин да се дознае вистината, научниците стравуваат дека тоа неповратно ќе ги уништи уникатните завои.

Украсите на мумијата привлекуваат големо внимание, телото е опкружено со божиците Изида и Нефтис, како и четирите синови на Хорус.

Овие детали покажуваат дека тој бил моќен и богат човек.

Единствената вистинска трага е името на гробницата, кое се изговара „Башири“ или „Нену“, а научниците не можат да се согласат околу точниот превод.

Сè додека не се измисли некоја друга технологија, никој нема да ја допре мистериозната мумија Башири, пренесува Дејли меил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.