Најголемата бламажа во британската историја: Војна изгубена поради шрафцигери - Канал 5

Најголемата бламажа во британската историја: Војна изгубена поради шрафцигери

Недоволниот број на шрафцигери за отворање на сандаците со залихите од 480.000 куршуми е причината за најспектакуларниот пораз во историјата на британскиот колонијализам.

Најголемата бламажа во британската историја: Војна изгубена поради шрафцигери
Тогаш воините од јужноафриканското племе Зулу, опремени само со копја и штитови од воловска кожа, ја поразиле добро наоружаната британска војска.

Добро познатото британско чувство за организација, кое и ден денес се спомнува дури и низ примери за воведување ред во поранешните британски колонии, катастрофално потфрлило во еден таков обид за цивилизирање на “недоволно зрелите“ народи, за кои, според уверувањето на британската администрација, би било подобро за нив да се грижи некој попаметен.

Дека никој не е претплатен на памет, се покажало во судирот на британските војници со африканското племе Зулу, во текот на настојувањето на Британија во 19 век да го прошири своето политичко и економско влијание на црниот континент. Лордот Челмсфорд, главниот командант во Јужна Африка, оценил дека независното кралство Зулу претставува закана за британските тенденции, а тензиите го достигнале својот климакс кога водачот на ова африканско племе, Цетшвајо, одбил на Челмсфорд да му ги испорача своите сонародници, кои Британците ги обвиниле за убиство на неколку свои војници.

Тоа било повод Британците да го нападнат кралството Зулу, а првиот судир се одиграл на 22 јануари 1879 година, познат во историјата како битката за Исандвану. Спроти британските војници, кои биле наоружани со најсовременото оружје во тоа време, воините од племето Зулу тргнале само со копја и штитови од воловска кожа и со само неколку пушки, со кои и не знаеле да ракуваат.

Британците, освен оружје, имале и голема самодоверба во својата воена сила и логистиката. Но пред себе имале непријател кој израснал во воена култура, чии припадници поминувале низ тешки воени обуки, биле добро обучени, организирани и многу мотивирани да ја одбранат својата територија. Освен недостатокот на вистински информации за противникот, Британците не го познавале теренот, а поради претераната самодоверба, се покажало дека немале добро разработена тактика во случај на повлекување.


Воините од племето Зулу нападнале жестоко, не отстапувајќи ни во случаите кога биле ранети. Изненадени од таквата храброст, британските војници започнале брзоплето да пукаат и набргу останале без муниција. Крајот на битката го дочекале само 55 преживеани Британци, меѓу кои и Хорас Смит Дориен, кој подоцна изјавил дека имало многу тактички грешки, но како најпресудно за поразот го навел фактот што не можеле да ги отворат сандаците со муниција.

Иако сведоштвата на останатите преживеани од битката не се сосема согласни со оваа изјава, сепак се укажувало на тоа дека немало доволно муниција.

Имено, кога на Британците им снемало муниција, и покрај залихите од 480.000 куршуми,не можеле да ги користат бидејќи биле спакувани во сандаци прицврстени со по девет шрафови, а во логорот имало само два шрафцигери!

Доставувањето на муницијата течело многу бавно, а не помогнале ни обидите сандаците да се отворат со секири.

Кога останале без куршуми, војниците ги напуштале своите позиции и така ја ослабувале одбраната, што непријателот успешно го искористил.

После повлекувањето на британските војници, воините од племето Зулу темелно го опљачкале логорот на Британците, но до ден денес не е познато што се случило со шрафцигерите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Џенифер Лопез позира во боди со длабоко деколте (ФОТО)

Џенифер Лопез повторно привлече внимание со објава на Инстаграм.

Џенифер Лопез позира во боди со длабоко деколте (ФОТО)

57-годишната пејачка сподели неколку фотографии по тренинг, на кои позира во кафеаво боди со длабоко деколте. Освен што ја покажува својата фигура, таа откри и со што сака да се почасти по тренингот - колачиња и млеко.

„Вежбајте и јадете колачиња. Рамнотежа“, напиша таа покрај фотографиите.

Во коментарите набрзо почнаа да го фалат нејзиниот изглед. „Прекрасна жена“, „Совршенство“ и „Ти си мојата најголема инспирација“ се само дел од пораките што ги оставија нејзините следбеници.

Најави концертен филм

Лопез го претстави и својот нов проект, концертниот филм „The JLO Show: Live in Las Vegas“, кој ги носи најинтересните моменти од нејзините настапи во Лас Вегас оваа година.

Премиерата е закажана за Денот на благодарноста, 26 ноември, на американската телевизиска мрежа „CBS“ и стриминг платформата „Paramount+“. „Со ова шоу, сакам да раскажам кратка приказна и да им оддам почит на сите забавувачи кои стоеле на оваа сцена пред мене“, рече Лопез во најавата.

Таа се подготвувала за настапи до 13 часа на ден

Пред премиерата, пејачката и порача на публиката да не престанува да танцува, без оглед на животните предизвици.

Таа ја одржа својата последна серија концерти во Лас Вегас во март, а подготовките, според извори за Дејли Меил, биле исклучително напорни. Наводно, таа вежбала кореографија со танчерите во танцово студио во Северен Холивуд до 13 часа на ден, сакајќи да ѝ пружи на публиката најдобра можна изведба.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спортски автомобил во кој возачот седи како мотоциклист (ФОТО)

„Sanrivatti One“ е хипер автомобил со V10 мотор од 800 КС и необична положба за возење.

Спортски автомобил во кој возачот седи како мотоциклист (ФОТО)

„Sanrivatti One“ е нов хипер автомобил дизајниран исклучиво за возење на тркачки патеки, а неговата најголема карактеристика не е моторот, туку сосема поинаква положба за возење.

Наместо вообичаената положба за седење, возачот „лежи“ на стомак, со рацете испружени кон воланот и нозете повлечени назад кон педалите.

Проектот го презентираше Сантијаго Санчез Риверо, кој го нарече овој аранжман „Apex Position“.

Инспирацијата доаѓа од мотоциклистичките трки, а целта е да му се обезбеди на возачот значително подобро видно поле.

Според конструкторите, вертикалното видно поле е 28 степени, додека кај хипер автомобилот што се користи за споредба е 15,5 степени.

И покрај својата необична позиција, „Sanrivatti One“ задржува класичен волан и педали, наместо џојстици што се користат во некои експериментални тркачки автомобили.

Бидејќи овој автомобил е без преседан, купувачите ќе мора да поминат низ посебна програма за обука. Санчез Риверо планира да организира еден вид клуб каде што сопствениците ќе научат како да го возат автомобилот.

Под каросеријата инспирирана од борбен авион се наоѓа атмосферски 5,5-литарски „Judd V10“ мотор. Целната моќност е 800 КС при 9.000 вртежи во минута, со околу 700 Nm вртежен момент.

Моќта се пренесува на тркалата преку секвенцијален шестстепен менувач „Hewland“.

Конструкцијата е базирана на карбонски монокок, а целната тежина без течности е само 1.100 кг. Дизајнираната максимална брзина е 322 км/ч.

Важно е да се напомене дека сите горенаведени бројки се целни вредности засега, бидејќи развојот, тестирањето и хомологацијата се уште се во тек.

Првите испораки до клиентите не се очекуваат до 2030 година. Дотогаш, малиот тим зад проектот ќе треба да докаже дека необичната положба на возење всушност носи предности на тркачката патека.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Насилни судири во Берлин: Полицијата ги удира демонстрантите (ВИДЕО)

Нов протест на иницијативата „Gen Z regelt“ во Берлин во саботата навечер доведе до судири меѓу демонстрантите и полицијата.

Насилни судири во Берлин: Полицијата ги удира демонстрантите (ВИДЕО)

Видео објавено на социјалната мрежа „X“ покажува како полицијата турка и совладува група млади луѓе во вагон на метрото.

Според полициските податоци, околу 1.200 луѓе поминале низ западниот дел на Берлин во еден момент, иако собирот бил регистриран само за 100 учесници.

Колоната тргнала околу 17 часот од Савињи Плејс во областа Шарлоттенбург, поминала по Курфирстендам и се разотишла на станицата Халенсе, објавува Тагесшпигел .

Портпаролката на полицијата изјави во недела наутро дека 20 лица се привремено уапсени, вклучително и за поставување огномет, отпор при апсење и напад на полицајци.

Поднесени се 28 кривични пријави, вклучително и за нарушување на јавниот ред, напад на службени лица и кршење на прописите за експлозиви.

Тројца полицајци се повредени, додека полицијата не даде информации за повредени демонстранти.

Портпаролката додаде дека податоците сè уште се обработуваат и дека бројките би можеле да се променат.

Обид за пробивање на полицискиот кордон

Како што објави полицијата на својот „WhatsApp“ канал, учесниците се обиделе да го пробијат полицискиот кордон на чело на колоната пред да тргнат.

Полицијата ги запрела со туркање и удирање со тупаници.

На теренот имало околу 700 полицајци, а колоната била запрена неколку пати за време на нејзиното движење.

На митингот биле извикувани слогани против Израел и германскиот канцелар Фридрих Мерц, додека полицијата изјави дека неколку пати биле скандирани и слогани против полицијата.

Тагесшпигел пишува дека биле видени палестински и курдски знамиња и дека митингот не бил исклучиво студентски протест, бидејќи присуствувале и левичарски групи и пропалестински активисти.

Организаторите го опишаа митингот како мирен и се дистанцираа од насилство и екстремизам.

Портпаролката на полицијата рече дека протестот бил во голема мера мирен и дека нема оштетени продавници на Курфирстендам.

Најавен е европски штрајк на младите

Иницијативата „Gen Z regelt“ протестира против лошите услови во училиштата, задолжителната воена служба и намалувањата на универзитетите и социјалното осигурување.

На крајот на октомври, таа организираше протести во повеќе од 30 германски градови, а во Берлин, околу 5.000 луѓе се собраа пред Бранденбуршката порта, според полициските податоци.

Најавен е европски штрајк на младите за 20 ноември, а организаторите пријавија 15.000 учесници само во Берлин.

Се очекуваат протести и во Франција, Италија, Шпанија, Белгија и Обединетото Кралство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер