Автомобилизам

Најдобри автомобили: Нема дефекти и поправки дури ни по 100.000 километри

Германското списание за автомобили, „Ауто билд“ (Auto Bild), по долгорочни, повеќегодишни тестови на возила коишто траат до 100.000 минати километри, собрале богата база на податоци со десетици модели.

Некои автомобили минале и низ исклучително тешки услови на возење, па списанието ги издвои оние со најмалку дефекти. Следниве автомобили ја постигнаа највисоката оценка.

Најдобар по изминати 100.000 км е „Ауди А-3 спортбек г-трон“ (Audi A3 Sportback g-tron), тестиран во 2017 година. Овој автомобил доби оценка 1+ (во германската терминологија, најдобрата оценка е 1, а најлошата е 5). „Не само што демонстрира висок квалитет и сигурна технологија, туку покажа и минимални слабости во секојдневната употреба и за време на расклопувањето. 'Аудито' немаше никакви маани“, се истакнува. Оценка 1+ има и „Бе-ем-ве М-3“ (BMW M3), тестиран во 2023 година, со мануелен менувач и карбонски ќерамички сопирачки, пренесува „Ревија ХАК“.

Автомобилите се тестираат во сите временски услови - од кратки градски патувања до возење по автопат, така што резултатите не претставуваат само техничка анализа, туку сеопфатна и сигурна слика за издржливост и квалитет, се наведува во написот.

На третото место е „Ауди А-4 авант ТФСИ ултра“ (Audi A4 Avant TFSI ultra) од 2019 година со оценка 1 - без поголеми проблеми. Следи „Ауди А-6 авант 40 ТДИ“ (Audi A6 Avant 40 TDI) (2021), којшто, освен што сензорите за паркирање што постојано пријавуваа грешки, исто така, нема никакви маани. На петтото место е „Бе-ем-ве Зед-4 ес-драјв 30-и“ (BMW Z4 sDrive 30i) (2021) којшто го заврши тестот за издржливост практично без абење и други компликации, никогаш не бараше непланирани посети на работилницата, а и расклопувањето под строг надзор на „ДЕКРА“ не откри никакви дефекти, ниту поголемо абење.

„Сеат атека 1.4 ецо ТСИ стајл“ (Seat Ateka 1.4 Eco TSI Style) (2020) - по возење на долги релации, неколку возачи се пожалија на болки во грбот и вкочанетост. Ова значи „казнен поен“ за автомобилот - покрај другите беспрекорни перформанси. „Фолксваген Т-крос 1.0 ТСИ“ (VW T-Cross 1.0 TSI) (2023) помина 100.000 км без ниту една грешка или дефект, освен безопасната површинска корозија, којашто не влијаеше на неговите перформанси, мотор, менувач, спојка - сè било во совршена состојба, се вели во написот.

Натаму, „Бе-ем-ве 320-д туринг“ (BMW 320d Turing) (2022) издржа 100.000 км со леснотија, освен неколкуте функционални слабости во секојдневната употреба, неколку (претежно минорни) проблеми при расклопување и високата цена...

И „Мазда це-икс-5 скајактив-Д 184 АВД“ (Mazda CX-5 Skajaktiv-D 184 AVD) во 2021 година го помина тестот без никакви значајни дефекти и со беспрекорно сервисирање во работилницата. Нејзиниот 2,2-литарски дизел-мотор не покажа знаци на абење по 100.000 километри. „Сузуки свифт спорт 1.4 бустерџет“ (Suzuki Swift Sport 1.4 Boosterjet) таа 2021., исто така, го заврши тестот без никакви проблеми, освен релативно мала 'рѓа во надолжните елементи. Заштитата од корозија беше недоволна за највисоката оценка.

Тагови: автомобили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Земјата каде што не се остава бакшиш, келнерите трчаат по гостите за да ги вратат парите

Иако оставањето бакшиш во ресторани и кафулиња е вообичаен начин за изразување благодарност за добрата услуга во многу земји, во Јапонија таков потег може да има сосема спротивен ефект.

Во оваа азиска земја, оставањето пари по оброкот се смета за некултурно, па дури и навредливо.

Обичаите поврзани со бакшишот се разликуваат низ светот. Во Обединетото Кралство, Германија, Данска и Шведска, вообичаено е да се остават околу десет проценти од сметката, додека во Франција, Италија и Шпанија луѓето обично оставаат околу пет проценти.

Во САД, оставањето бакшиш е практично задолжително и често се движи меѓу 15 и 20 проценти, без оглед на квалитетот на услугата.

Сепак, во Јапонија важат сосема различни правила. Според Би-Би-Си, повикувајќи се на туристичката агенција InsideJapan Tours, Јапонците сметаат дека обезбедувањето квалитетна услуга е составен дел од нивната работа; следствено, дополнителните пари не се ниту очекувани ниту посакувани.

„И покрај предупредувањата дека бакшишот не е вообичаен во Јапонија, некои туристи сè уште инсистираат да ја покажат својата благодарност со пари, но тоа едноставно не функционира“, изјави Џејмс Манди од InsideJapan Tours за Би-Би-Си.

Тој забележува дека не е невообичаено да се види келнер како истрчува од ресторанот по муштеријата за да врати пари оставени на масата.

Причината за оваа реакција лежи во јапонската култура, каде што квалитетната услуга се зема здраво за готово како прашање на професионална гордост, а не како средство за заработка на дополнителни пари. Искрената благодарност се цени многу повеќе од бакшишот.

Едноставна „оишиката“ - што значи „беше вкусно“ - или „гочисосама дешита“ - израз на благодарност за оброкот - се сметаат за многу посоодветни начини гостинот да покаже задоволство. Придружени со учтив поклон, ваквите зборови имаат многу поголема вредност од парите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Пејачка го покажа бујното деколте

Популарната пејачка Лидија Бачиќ Лили, позната по својата енергија и активната комуникација со обожавателите, повторно го привлече вниманието со својата најнова објава на Инстаграм.

По серијата летни концерти долж крајбрежјето, пејачката сподели неколку фотографии со кратка и едноставна порака, откривајќи интересен моден избор.

Облечена во црн горен дел од бикини од тантела и тексас-здолниште со висок струк, пејачката позираше потпрена на една голема карпа, прикажувајќи опуштена летна комбинација.

Нејзината објава, проследена само со краткиот поздрав „Здраво“, предизвика лавина реакции, а фановите, како и обично, ја опсипаа со комплименти и емотикони во форма на оган и срце.

Атрактивната пејачка и претходно објави фотки во бикини кои со воодушевување беа прифатени од нејзините фанови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.