Најдобра земја за семејства и воспитување деца - Канал 5

Живот

Најдобра земја за семејства и воспитување деца

 Според истражувањата ставена е на прво место без конкуренција

Најдобра земја за семејства и воспитување деца

Ново истражување открива која држава е најсреќно место за иселениците и најдобра дестинација за воспитување деца. Анализата опфаќа голем број фактори, вклучувајќи ја стапката на криминал, квалитетот на здравствената заштита, образованието и просечните приходи.

Секој година голем број луѓе ја напуштаат својата татковина во потрага за подобар живот. Некои бараат помала корупција, некои подобра клима, додека некои настојуваат да пронајдат среќа каква што не оствариле во својата земја. За оние кои бараат најдобро место за одгледување деца, Норвешка се покажала како непогрешлив избор. Оваа скандинавска земја е прогласена за најсреќна дестинација за иселениците, со што го потврдува статусот на идеално место за нов почеток и квалитетен живот.

Ново истражување на компанијата за миграција Умзуг-365 вклучи низа фактори за да одреди која земја е најдобра за семејствата што се селат. Анализата опфаќала 20 различни параметри, а Норвешка го зазема првото место со вкупна оценка 71,73 од можни 100 поени.

Резултатите не се изненадување за оние запознаени со високиот животен стандард што оваа земја им го нуди на своите граѓани. Дури 94% од семејствата што живеат во Норвешка изјавиле дека се задоволни од својот живот, што е дури за 11% над европскиот просек од 84,7%.

Оваа земја може да се пофали со исклучителен квалитет во здравствената заштита.

Стапката на смртност на мајките во оваа земја е за 81% пониска од европскиот просек, кој изнесува 6.88, на 100.000 живородени деца, додека во Норвешка изнесува 1, 31. Исто така, децата во Норвешка се најчесто здрави со стапка на смртност од 0,31 за возраст до 15 години, што на родителите им дава дополнителна сигурност и мир.

Жителите на Норвешка исто така уживаат во долгиот живот, со оглед што просечниот животен век изнесува 83.3 години, што е значително повисок во однос на европскиот просек од 80,5 години. Според „Светскиот извештај за среќа“(World Happiness Report) од минатата година, Норвешка се најде на седмото место во светот. Овој постојан пласман потврдува дека не станува збор за случајност, туку за резултат на системското вложување во квалитетот на животот на сите граѓани.

Според овој извештај, Финска го зазема првото место со вкупна оцена 67,79, додека Данска го зазема второто место, Исланд е трет, а Шведска е на четвртото место. Со тоа нордиските земји ја потврдија својата доминација како најпожелни дестинации за живот и одгледување деца. Обединетото Кралство се најде на 23-тото место, додека САД паднаа на најниската позиција досега и го зазедоа 24-тото место. Двете земји се рангирани после Израел кој се најде на осмото место и покрај конфликтите во регионот.

На дното на листата како најнесреќна земја повторно се најде Авганистан, а потоа следат Сиера Леоне, Либан, Малави и Зимбабве.

Македонија, според овој извештај за 2025 година, се најде на 86-тото место, додека од земјите во регионот, Србија е на 31-вото место, БиХ на 56. место, Хрватска е рангирана како 72-ра а Словенија е 19-та.

https://www.happierlivesinstitute.org/2025/03/20/the-top-25-happiest-countries-in-2025-plus-our-four-favourite-findings-from-the-2025-world-happiness-report/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Цеца за фотките во бикини

Балканската музичка ѕвезда Светлана Цеца Ражнатовиќ ретко споделува провокативни фотографии, но секое нејзино појавување во бикини предизвикува вистински бум во јавноста. 

Фото: Цеца за фотките во бикини

Пејачката откри зошто одлучила да објави фотографија во бикини и како успева да ја одржи својата беспрекорна линија без строги диети. Иако публиката не е често навикната на разголени фотографии, Цеца предизвикува вистинска помпа на социјалните мрежи кога ќе одлучи да го покаже своето витко тело.

Секојпат кога позира на плажа, нејзиното издание предизвикува лавина реакции и воодушевување кај следбениците.

Зборувајќи за фотографите од Кипар кои своевремено предизвика вистински бум на интернет, пејачката ги објасни причините поради кои ја објавила: „Ретко објавувам попровокативни фотографии – не затоа што се срамам од своето тело, туку едноставно зависи од моментот и од тоа што сакам или не сакам во одреден момент. Искрено, најмногу се чувствувам опуштено кога сум закопчана до грло, што е сосема природно. Се трудам, без разлика што носам или што фотографирам, тоа да биде соодветно, бидејќи границата е многу тенка. А и што друго би можеле да фотографирате на море, освен во бикини?“, изјави мегапопуларната Цеца.

Цеца Ражнатовиќ изгледа подобро од кога било, а неодамна откри како ја довела својата линија до совршенство. Пејачката успеа да ослабе дури 8,5 килограми за само еден месец, без строги диети, гладување и опасни препарати.

Наместо опасни „кратенки“, Цеца се одлучи за режим што потсетува на автофагија.

Тагови: Цеца Ражнатовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Сабаленка ужива во танга

Сабаленка позира во танга, објавата од плажа собра над 300.000 лајкови.

Фото: Сабаленка ужива во танга

Белоруската тенисерка Арина Сабаленка е на заслужен одмор по исцрпувачката сезона.

По исцрпувачката натпреварувачка година, втората тенисерка во светот, Арина Сабаленка, одлучи да направи пауза од турнирите и да замине на одмор, од каде што редовно ги известува своите фанови.

Нејзината најнова објава од плажа, на која носи танга, предизвика огромна реакција на социјалните мрежи, собирајќи над 300.000 допаѓања во рекордно време.

Во описот на фотографијата, белоруската тенисерка накратко наведе дека слободното време го поминува комбинирајќи релаксација на сонце со повремени тренинзи.

Кон крајот на сезоната, таа ја загуби водечката позиција на ВТА-листата, која ја презеде Елена Рибакина.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Супер дерби на „Алијана арената “во Минхен – Борусија му „украде“ бод на Баерн

Фудбалерите на Баерн и Борусија Дортмунд во германското супер дерби одиграа без победник  2:2 , во рамките на 8. коло од Бундеслигата. Милионерите од Дортмунд успеаја да надоместат негатива во самиот финиш.

Супер дерби на „Алијана арената “во Минхен – Борусија му „украде“ бод на Баерн

Се чинеше дека Баварците ќе го задржат водството, но Фабио Силва го замолкна Минхен во 89-тата минута и му донесе голем бод на Дортмунд.

Првото полувреме го одбележа поништен гол на Џоб Белингем, како и неколку добри шанси на двете страни. Во 34-тата минута, Дортмунд ја затресе мрежата преку англискиот играч за врска, но голот беше поништен по прегледување на снимката (ВАР) поради офсајд.

Четири минути подоцна, Баерн ја казни пропуштената шанса на ривалот, откако Конрад Лајмер најдобро реагираше на одбиената топка и им донесе водство на домаќините.

Дортмунд потоа успеа да возврати. Во 60-тата минута, Карни Чуквуемека ја испрати топката во шеснаесетникот, а Серу Гираси го совлада голманот со прецизен удар во долниот лев агол и го израмни резултатот.

Шест минути подоцна, Баерн повторно поведе. Хари Кејн ја упати топката со глава пред голот, а Дајо Упамекано се најде на вистинското место и погоди за 2:1. Претходно, Англичанецот имаше можност да постигне гол од пенал, но во 56-тата минута ја погоди пречката.

Кејн повторно беше блиску до погодок во 75-тата минута, но неговиот удар заврши во стативата. Кога се чинеше дека Баерн сепак ќе го задржи водството, на сцена стапи Фабио Силва.

Во 89-тата минута, Португалецот ја искористи топката што стигна до него во шеснаесетникот и со прецизен удар во долниот лев агол ги постави конечните 2:2. Баерн имаше уште една голема шанса во судиското надополнување, но ударот на Ленарт Карл заврши во пречката. Така, Дортмунд успеа да избегне пораз во Минхен, додека домаќинот може да жали за пропуштените шанси и испуштеното водство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер