Најдобра претстава на МФКТ „Ристо Шишков“ -„Ричард трети“ на Битолски театар - Канал 5

Култура

Најдобра претстава на МФКТ „Ристо Шишков“ -„Ричард трети“ на Битолски театар

Претставата се занимава со лицемерието, полтронството и пренесува порака дека мора да направиме некаков чекор, да се бориме за својата слобода, потполна слобода како луѓе да одлучуваме. 

Најдобра претстава на МФКТ „Ристо Шишков“ -„Ричард трети“ на Битолски театар

Жири-комисијата на 33. издание на Меѓународниот фестивал на камерен театар „Ристо Шишков“ во состав: Лео Долорес Поповиќ, актер, како претседател на жири-комисијата, Анастас Попдимитров, актер и режисер и Иван Додовски, универзитетски професор и драмски автор, одгледа 12 претстави селектирани во конкуренција за единствената награда за највисоко актерско остварување што го носи името на големиот македонски актер Ристо Шишков, како и за специјалната награда.

Истата за најдобра претстава на Фестивалот, е доделена на „Ричард Трети“ од Вилијам Шекспир, во адаптација и режија на Мартин Мирчевски, во изведба на Народниот театар од Битола.

Главните прашања во оваа претстава се: Зошто имаме потреба да се самоуништуваме ние како вид? Зошто ние како луѓе имаме толку самоуништувачки нагон, сопствениот вид да го сотреме, дали постои некаде во природата некое друго суштество што толку има потреба себеси да се самоуништи? Ние всушност не живееме, ние преживуваме.Треба да се запрашаме колку се гледа некоја хуманистичка перспектива меѓу луѓето, дали гледаме само за себеси, дали нешто не интересира од нашиот тесен круг, дали само ние ако сме среќни, а другите околу нас не се, дали сме ние потполно среќни.Јас мислам дека не сме.Затоа што на тој начин не ја делиме нашата среќа со другите. Претставата се занимава со лицемерието, полтронството и пренесува порака дека мора да направиме некаков чекор, да се бориме за својата слобода, потполна слобода како луѓе да одлучуваме. Треба да размислиме дали таа темна и светла страна во нас е вродена или се учи во текот на животот.

Во претставата играат: Мартин Мирчевски, Илина Чоревска, Маја Андоновска-Илијевски, Викторија Степановска-Јанкуловска, Марија Стефановска, Александар Стефановски, Филип Мирчевски, Кристијан Танчевски. Преводот го направи Драги Михајловски, адаптација и режија Мартин Мирчевски, сценографијата е на Валентин Светозарев, костимографија Андреј Ѓоргиевски – Папаз.

Престижната награда за највисоко актерско остварување „Ристо Шишков“ и’ е доделена на Биљана Драгиќевиќ Пројковска за улогата на Корин Фел во претставата „Гидеоновиот јазол“ од Џона Адамс, во изведба на Драмски театар од Скопје.

Тагови: НУ Народен театар – Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Откриен е идентитетот на исчезнатите лица во пожарот во Брисел- меѓу жртвите и Балканец

Шест лица се потврдени за загинати во пожар што избувна на локацијата за реновирање на кулата Окси на плоштадот Де Брокер во центарот на Брисел вчера наутро.

Откриен е идентитетот на исчезнатите лица во пожарот во Брисел- меѓу жртвите и Балканец

Пет од шесте лица се белгиски државјани, додека едно лице е Романец, според „Хет Лаатсте Ниус“.

Смртните случаи се потврдени доцна синоќа од одделот за несреќи при работа на јавното обвинителство. Портпаролката Валентина Марочи изјави дека спасувачите го отвориле лифтот и пронашле шест тела внатре, кои претходно биле пријавени како исчезнати.

Спасувачките екипи продолжиле да го пребаруваат другото окно за лифт во текот на вечерта, но за среќа таму не пронашле жртви.

Пожарот избувна во окна за лифтови

Пожарот избувнал околу 07:30 часот во окната за лифтови на зградата на плоштадот Де Брокер, каде што поранешното административно седиште на градот Брисел се трансформира во комплекс со мешана намена во самиот центар на главниот град.

Според јавното обвинителство, околу 250 лица биле на градилиштето во времето на пожарот. По евакуацијата на зградата, шест работници, за кои се верува дека се белгиски или романски државјани, се пријавени како исчезнати.

Градилиштето е затворено и запечатено како дел од истрагата

Во истрагата учествуваат противпожарни и форензички експерти, како и полицијата на Брисел-Главен град/Иксел, инспектори од Националниот институт за социјално осигурување и Инспекторатот за заштита при работа.

Истражителите сега ќе се обидат да ја утврдат причината за несреќата и да го реконструираат точниот тек на настаните.

Доколку истрагата дозволи, ажурирано соопштение ќе биде објавено подоцна следната недела, соопшти обвинителството.

Кралот Филип и премиерот Барт де Вевер го посетија плоштадот Де Брук во вторник попладне за да се сретнат со пожарникарите и службите за итни случаи вклучени во интервенцијата.

Тагови: Брисел пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Избегната е голема трагедија во Валенсија- луѓе во паника бегаат од зграда што се урива (ВИДЕО)

Застрашувачкиот момент кога одеднаш се сруши станбена зграда беше снимен, само неколку моменти откако жителите избегаа за да си го спасат животот кога слушнаа чудни звуци.

Избегната е голема трагедија во Валенсија- луѓе во паника бегаат од зграда што се урива (ВИДЕО)

Жителите избегаа од сигурна смрт откако се евакуираа од трикатна зграда во Бенитусеро, во близина на Валенсија, Шпанија, непосредно пред да се сруши на земја.

Шокантните снимки покажуваат мали делови од зградата како почнуваат да се откинуваат додека парчиња од фасадата и ѕидот паѓаат на земја.

За неколку секунди, целата структура се превртува и се урива во катастрофален колапс, оставајќи зад себе само куп урнатини. Огромен облак од густа прашина се крева во воздухот, целосно покривајќи го местото на несреќата, објави Ел Паис.

Ужаснатите сведоци може да се слушнат како врескаат од ужас додека зградата исчезнува пред нивните очи. Чудо е што зградата била празна во времето на уривањето.

Драматична евакуација за време на натпреварот

Жителите го гледаа натпреварот на Шпанија на Светското првенство против Франција и потенцијалното финале против Англија кога слушнаа чудни звуци што доаѓаа од зградата.

Плашејќи се од најлошото, тие ги повикаа службите за итни случаи и истрчаа надвор.

Полицијата и пожарникарите брзо поставија безбедносен кордон околу зградата, осигурувајќи се дека никој не е повреден во катастрофалниот колапс.

Тревогата беше подигната околу 22 часот по локално време, при што Шпанија водеше со 1-0 благодарение на пеналот на Микел Ојарзабал.

Спасувачките екипи, исто така, евакуираа соседна зграда како мерка на претпазливост.

Причина за колапсот се претходни катастрофи

Се верува дека колапсот е поврзан со градежните работи што се изведуваа на соседна парцела.

„Зграда се урна синоќа во Бенитусер, без жртви. Жителите на зградата, која се наоѓа на улицата Лас Америкас и веднаш до градилиште, претходно беа евакуирани откако забележаа пукнатини и слушнаа звуци“, потврдија локалните пожарникари во објава на социјалните медиуми.

Не беше веднаш јасно утрово колку луѓе беа погодени од инцидентот, ниту каде ќе бидат привремено сместени.

Бенитусер беше една од областите најтешко погодени од катастрофалните бури и поплави во регионот Валенсија во октомври 2024 година, кои однесоа повеќе од 230 животи.

Тагови: Валенсија зграда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Сопругата на Меси во центарот на вниманието на отворањето на бутикот на Викторија Бекам (ФОТО)

Додека Лионел Меси се подготвува за полуфиналето на Светското првенство помеѓу Аргентина и Англија, неговата сопруга Антонела Рокуцо накратко го замени фудбалот со мода. 

Сопругата на Меси во центарот на вниманието на отворањето на бутикот на Викторија Бекам (ФОТО)

Во Мајами, таа присуствуваше на ексклузивен настан организиран од Викторија Бекам по повод отворањето на нејзиниот нов бутик.

Антонела беше меѓу гостите на отворањето на привремената продавница „House of Victoria“ во луксузниот трговски центар Bal Harbor Shops, каде што ја поддржа поранешната членка на групата Spice Girls, а денес успешна модна дизајнерка.

Антонела блескаше во црна тоалета

За оваа пригода, сопругата на аргентинскиот фудбалер избра елегантен црн фустан кој ја истакнуваше нејзината фигура, а позираше со Викторија Бекам пред продавницата.

За отворањето на нејзиниот прв самостоен поп-ап бутик во Соединетите Американски Држави, Викторија носеше раскошен сатенски фустан во боја на шампањ со суптилен сјај. Во такво издание, таа ги пречека гостите на настанот, на кој се собраа многу познати лица од светот на модата и забавата.

Поддршка на социјалните мрежи

По вечерта, Викторија Бекам сподели фотографии од отворањето на социјалните мрежи и им се заблагодари на сите што дојдоа да го поддржат нејзиниот нов проект. „Голема благодарност до сите што дојдоа да го прослават отворањето на нашиот простор во продавниците „Бал Харбор“ со нас. Каква неверојатна ноќ!“, напиша таа.

Антонела објави фотографии од настанот и на Инстаграм, каде што ја следат повеќе од 40 милиони луѓе, со пораката: „Го славиме новиот дом на Викторија Бекам во Мајами. Ви посакувам се најдобро.“

Викторија одговори со благодарност: „Ви благодарам што бевте со мене на забавата.“ Во коментарите имаше комплименти за изгледот на Антонела, а нејзините следбеници ја опишаа како елегантна и убава.

Пријателство што започна во Интер Мајами

Семејствата Бекам и Меси се зближија откако Лионел Меси пристигна во Интер Мајами во 2023 година. Дејвид Бекам, ко-сопственик на клубот, одигра важна улога во неговото доаѓање во МЛС лигата, каде што Меси денес е капитен на тимот.

Оттогаш, двете семејства често се гледаат заедно на натпревари, приватни настани и добротворни настани во Мајами, а нивното пријателство стана едно од најпознатите меѓу спортските и јавните личности во градот.

Тагови: Викторија Бекам Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер