Таа вели дека случувањата со висока корупија се загрижувачки, бидејќи владеењето на моќни луѓе ги направиле слаби институциите, што е јасен показател дека се потребни итни реформи во правосудството.

„ Очекувам судот и јавниот обвинител да почнат да постапуваат. Не смееме како досега да останеме мирни, и така некои кои се нашле на црните листи да си продолжат со своите редовни активности. Ако јавните обвинители треба да постапуваат по допрен глас, треба да постапат и во случајов. / Во спротивно, ние не реагираме тогаш кога мора и на тој начин го толерираме беззаконието. “-Гордана Сиљановска Давкова – претседателка на Македонија.

Премиерот Мицкоски вели дека надградената црна листа со Груби и Беџети е доказ за тоа што тој и неговата партија го зборувале во минатото. Тој оценува дека обелоденување на корумпираните ќе има и во иднина.

„ Mногупати во минатото зборувавме за сето ова за кое и официјално сега нашите стратешки партнери и меѓународната заедница го посочуваат. Можам да кажам дека во периодот што следува уште многу потврди на сето она што сме го имале како сомневање ќе излезе во јавноста и јавноста ќе биде запознаена. “ - Христијан Мицкоски – претседател на Влада.

Вицепремиерот од „Вреди“ Изет Меџити, кој претходно беше дел од ДУИ, потсетува дека од овие причини кои сега ги посочува САД, тој и неколкумина високи функционери бараа прочистување на партијата.

„ Одлуката на американскиот Стејт Департмент за ставање на Артан Груби на т.н. црна листа забранувајќи му влез во САД е доказ дека се’ што сме зборувале било на место и сме биле во право. Бевме во право кога се боревме против корупцијата. / Да имаше сила Али Ахмети да му застане на падот на Артан Груби, да му го пресечеше патот на корупцијата, да го запираше Артан на патот на соработката со Сашо Мијалков и Никола Груевски ДУИ можеби и немаше да отиде во опозиција. „ Изет Меџити – вицепремиер, коалиција „Вреди“.

И СДСМ и ВМРО-ДПМНЕ ја прокоментираа одлуката на Стејт Департментот за Груби и Беџети.

„ СДСМ ја поздравува одлуката на Стејт Департментот на САД за ставање на нови лица на црната листа. СДСМ смета дека е исклучително значајна поддршката од нашите стратешки партнери во борбата со корупцијата во Македонија. “-Јованка Тренчевска – пратеник на СДСМ.

„ Само ЈО и правосудството во Македонија уште не гледаат криминал кај него. ДУИ со години поставува судии и обвинители, а врвот на таа партија ги користи така поставените кадри за да управува со судските одлуки. Голем број судии и обвинители се под нивен плашт. Артан Груби е колега на Венко Филипче, тие го узурпираа судството. “-Бране Петрушевски – пратеник на ВМРО-ДПМНЕ.

Освен Артан Груби и Енвер Беџети, изминатиот период Стејт Департментот во неколку наврати имаше проширување на американската црна листа со политичари и бизнисмени од Македонија поради значителна корупција. Меѓу нив Никола Груевски, Сашо Мијалков, Орце Камчев, Рамиз Мерко, Стевчо Јакимовски, Катица Јанева.

Поранешниот вицепремиер Артан Груби и апелацискиот судија Енвер Беџети се ставени на американската црна листа поради политичко мешање и обиди за оцрнување на судството во државата, соопшти на денешната прес-конференција американската абасадорка во земјава, Анџела Агелер. Таа подвлече дека нив и на нивните најблиски им е забранет влезот во САД, а во Вашингтон во меѓувреме се разгледуваат и дополнителни санкции. Какви би биле тие Агелер не можеше да открие повеќе детали, но кажа дека постојат повеќе видови на санкции во САД меѓу нив и трговски и финансиски, како и за членовите на семејствата.

-Поради нивните напори да се мешаат и да ја оцрнат работата на судството, и под оваа ознака, на нив и на членовите на нивното потесно семејство им е забранет влез во САД. Дополнителни санкции исто така се разгледуваат во Вашингтон. Согласно американските закони, ние мора да назначиме поединци за кои е докажано дека учествувале во значителна и штетна корупција, без разлика на нивните улоги, минати или сегашни. Се вели дека „Правдата е слепа“, бидејќи мора да биде непристрасна и објективна кон сите, без разлика на нивната политичка партија, пол, етничка припадност или позиција - Агелер.

Агелер најави дека црната листа ќе се проширува и со други имиња кои не се само политичари. Како што кажа, американскиот Стејт департмент нема да ги достави доказите против Артан Груби и Енвер Беџети на македонските власти, поради строгите правила во САД за почитување на приватноста. Но, ако доказите за Груби и Беџети се лесно достапни за САД, тогаш се и за македонските институции и судството кои треба да постапат, порача амбасадорката.

-Ние сме обврзани согласно закон да ги назначиме и да ги санкционираме тие индивидуи за кои имаме силни докази за криминална корупција. Што ќе се случува понатаму, зависи од спроведувањето на законот и судството во оваа земја. Но, би кажала дека доколку ние ги собереме тие докази, можат и тие, изјави Агелер.

Иако, одлуката беше соопштена во време на зовриени етничките тензии, закани за дестабилизација и почеток на жестока битка со корупцијата и криминалот, Агелер вели дека за тајминот воопшто не се одлучувало, туку таа е резултат на процедурите што се водат во Стејт Департментот..

-Соопштението беше дадено вчера, како дел од поголема програма на Вашингтон за меѓународниот ден за борба против корупција, што е на 9 декември, значи тоа е одличен тајминг за нас. Ние на планираме на било каков начин, ниту пак контролираме што Вашингтон прави во смисла на процесирање на одредени случаи... и иако многу ги поздравувам владините изјави за реформа во судството, ова немаше никаква поврзаност со тоа. Многу од нашите други акции се во поддршка на потребните реформи секој ден, секој ден од годината – Агелер.

За одлуката на Стејт Департментот да го стави на црна листа поранешниот прв вицепремиер и најблизок соработник на Ахмети, се огласија денеска и од Мала Речица. Во краткото соопштение велат дека „ќе ја почитуваат одлуката на Стејт департментот на САД. Како партија, остануваме посветени на стратешката соработка со Соединетите Американски Држави и на зајакнување на демократските вредности и транспарентноста“, соопштија од ДУИ.

Синоќа , преку објава на социјалните мрежи се огласи и Артан Груби.. „Оваа одлука ме засега директно и лично, напиша Груби, додавајќи дека ќе се ангажира и максимално, заедно со партнерите за целосно да го обели ова прашање“.

Ова го потврди кавадаречкиот градоначалник Митко Јанчев, одговарајќи на прашање од советникот во Советот на Општината, Горан Кузмановски.

Натка Китева, кустос историчарка во Музеј галеријата во Кавадарци, појаснува денеска за МИА дека станува збор за Маркова кула, што се наоѓа во најстарото градско јадро познато под името „Полана“, а таму денес се наоѓа и истоимениот мал парк. Позната е уште како Маркова или Турска кула и се наоѓа во Кулевското маало.

- Не е познато кој ја изградил, но со сигурност се знае дека имала одбранбен карактер како и останатите кули што се граделе во тој период. Средновековната кула под која започнало формирањето на градот е изградена од камен и малтер, а ѕидовите достигнуваат дебелина до 1 метар. По својата форма таа е со квадратна основа и е висока околу 20 метри, споделува Китева.

Кулата е на пет ката, а внатрешноста била изградена од квалитетно дабово дрво.

- Првиот и вториот кат се без прозорци, а на третиот има само еден тесен, мал прозорец. На четвртиот и петтиот кат има по три прозорци со железни решетки. На јужниот ѕид од четвртиот кат поставен е отвор за одбрана, а до прозорецот е нанесен симс од камен од каде е бранет пристапот во тврдината. Се раскажува дека оттука се фрлани камења, можело да се истура жешко масло и слично, подвлекува Китева.

На петтиот кат постои отвор што служел за одвод на нечиста вода. Единствен влез кулата имала на вториот кат, а пристапот до него бил направен со камени скали.