Други спортови

Најбрзиот Американец освои уште три златни медали , собори децениски рекорди во пливање

Американецот Кејлеб Дресел продолжи со доминацијата на Светското првенство во пливање што се одржува во кинескиот град Гванжу.

Дресел денеска во својата богата колекција , додаде уште три златни медали и тоа во конкуренција поединечно на 50 метри слободно , на 100 метри пеперутка и во штафетата 4х100 метри слободно. Дресел за 20 дена ќе наполни 23 години.

Во дисциплината на 50 метри , тој го собори 10 години стариот рекорд на Бразилецот Цезар Сиело. Со досегашните резултати и уривањето на рекордите на до сега најбрзиот Американец , Мајкл Фелпс, Дресел би можел да освои рекордни седум златни медали на Светското првенство во Гванжу.

До денеска тој има освоено шест златни и еден сребрен медал , со што ќе го надмине сопствениот рекорд постигнат пред две години во Будимпешта.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии. 

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.

Овој книжевен настан завршува на 24 април, чии врати се затвораат во 20 часот.

Македонија

Политички профил со кандидатката за претседателка – Гордана Силјановска Давкова

Во централните вести во 18 часот денеска ќе го емитуваме профилот на Гордана Силјановска Давкова.

Во продолжение дел од профилот.

притисни ентер