Најавена хотел-кула „Трамп тауер“ на Голд Коуст во Австралија - Канал 5

Живот

Најавена хотел-кула „Трамп тауер“ на Голд Коуст во Австралија

Компанијата за недвижности „Алтус“ денеска потврди дека е постигнат договор за изградба на зграда „Трамп тауер“ на источниот австралиски Златен Брег - Голд Коуст, пренесе ДПА.

Најавена хотел-кула „Трамп тауер“ на Голд Коуст во Австралија

- Развојот на хотелот кула „Трамп интернејшнл“ на Голд Коуст е мојата цел речиси 20 години, и тоа ќе биде највисоката зграда во Австралија пред крајот на оваа деценија - изјави извршниот директор на „Алтус“, Дејвид Јанг. - Со висина од 340 метри и 91 кат, ќе ја надмине зградата „Австралија 108“ во Мелбурн за 15 метри и ќе ги остави сите други австралиски одморалишта зад себе кога станува збор за луксуз... Изградбата на кулата во рамките на крајбрежните одморалишта Сурферс парадајс на Голд Коуст требаше да почне оваа година - додаде Јанг.

Австралискиот радиодифузер Еј-би-си“ (ABC) објави дека инвеститорите веќе имаат одобрение од надлежните власти за кула од 89 ката. Во тој контекст, заменик-градоначалникот Марк Хамел изјави дека дополнителните два ката на идната „Трамп тауер“ допрва ќе треба да се разгледуваат.

Според податоците, сепак, во истиот комплеск се планира друга зграда од 393 метри и 101 кат, што веројатно нема да ѝ дозволи на новата кула на брендот на претседателот на САД и бизнисмен, Доналд Трамп, да биде највисока во државата-континент. Јанг вели дека конечниот договор бил потпишан во февруари во имотот Мар-а-Лаго на Трамп во американската сојузна држава Флорида.

- Сега сме длабоко во процес на дизајнирање, инженерство, изградба и опремување што ќе чини малку помалку од 1,5 милијарди австралиски долари (милијарда американски долари / 850 милиони евра, з.п.) и ќе го донесе водечкиот светски бренд на хотели и одморалишта на нашите брегови. Тоа ќе биде австралиски, а не американски проект, и одлуките за мебелот ќе ги донесе подружницата на „Алтус“ во рамките на барањата за дизајн на Трамп, нагласи австралискиот инвеститор.

Јанг рече и дека, сепак, над влезната врата на зградата ќе стои натпис „Трамп“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Гаши, со претставниците на Националната фондација за демократија и Институтот за европска политика

Средба на претседателот на Собранието, Африм Гаши, со претставниците на Националната фондација за демократија и Институтот за европска политика

Средба на Гаши, со претставниците на Националната фондација за демократија и Институтот за европска политика

Претседателот на Собранието, Африм Гаши, денес оствари работна средба со претставниците на Националната фондација за демократија (НФД), Тања Драмац Јириес, заменик-директорка за Европа, и Ардита Абази Имери, програмска директорка во Институтот за европска политика (ИЕП), со кои разговараше за стратешките приоритети за наредните години, со посебен фокус на отвореноста на институцијата кон граѓаните и дигитализацијата на Собранието.

За време на средбата, претседателот на Собранието ја истакна својата визија за давање нова димензија на Собранието и негово трансформирање во транспарентна и отворена институција водена од демократските вредности и принципи. Во овој контекст, тој ги информираше за достигнувањата во областа на дигитализацијата, зголемувањето на институционалната транспарентност и поголемата вклученост на граѓанското општество во парламентарните процеси.

Претседателот, исто така, стави посебен акцент на важноста на проектите што ја трансформираа интеракцијата на Собранието со јавноста, истакнувајќи ја дебатната анкета, која ја опиша како еден од најуспешните и најпрофесионалните проекти спроведени досега. Овој процес, спроведен во соработка со Институтот за европска политика, овозможи директно вклучување на граѓаните во дискусиите за прашањата од јавен интерес, зајакнувајќи го дијалогот меѓу Собранието и граѓаните.

Претставниците на НФД и ИЕП го оценија напредокот постигнат кон модернизацијата и отвореноста на Собранието и ја изразија својата подготвеност да продолжат да ги поддржуваат иницијативите и проектите што ја зајакнуваат демократската култура, политичкиот дијалог и граѓанското учество во парламентарните процеси.

YouTube video

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер