Најавена е целосна реконструкција на Железничката станица во Скопје - Канал 5

Македонија

Најавена е целосна реконструкција на Железничката станица во Скопје

Железничката станица во Скопје повеќе нема да биде турбо фолк хаб и големо рекламно пано – вака првиот човек на железници инфраструктура, Синиша Ивановски, ја најави реконструкцијата на железничката станица.

Најавена е целосна реконструкција на Железничката станица во Скопје

Во следната година и половина ќе треба да биде готов проектот, да се обезбеди финансирањето и истата да се заврши во следните 5 до 6 години, бидејќи планот е истовремено да се пушти заедно со брзата пруга на Коридор 10 и железничкиот крак до Меѓународниот аеродром Скопје.

Активностите ќе се спроведуваат во соработка со Градежниот и Арихитектонскиот факултет, параелелно со проектирањето на железничката ќе има и проекти за ремонт на пругата Зелениково – Велес, како и санација на неколку свлечишта и мостат на Црна Река, кој во 2022 година делумно се урна.

„Ако сметаме дека од прилика од почетокот на градбата на брзата пруга треба околу 5 години до крајот претпоставуваме дека околу 2 години би ни требало за градежни работи за целосна реконструкција на оваа станица што би значело ако завршиме со проект за година дена од денеска до година ипол после тоа за финансирање или ќе се оди со државниот буџет, или заем на класичните заеми што ги имаме до сега со ЕИБ, ЕБРД, со комерцијални банки, но не ја исклучувам можноста оваа железничка станица да влезе во стратешкото партнерство со Велика Британија...Железници транспорт го следи целиот процес и ќе имаме нови возови нови локомотиви...“- - Синиша Ивановски – директор на Железници Инфраструктура.

Во однос на брзата пруга, Ивановски вели во најголем дел ќе се задржи постоечката траса, а во студиите кои ќе се прават во следните неколку месеци ќе треба да се утврди каде ќе биде новата траса.

Задача на градежниот факултет ќе биде целосна реконструкција и рехбилитација на елемнтите на пругата на железничкиот коридор 10.

„Нас ние потребна и постојната железничка линија која што ја имаме таа може да се користи во најмала рака за тежок сообраќај и индустријата, додека брзата пруга ќе си има додадена вредност....Градежниот факултет веќе е екипиран излезен на терен ги знаеме проблемите ќе се одвиваат сегментно во фази уште ведаш ќе се започне со полесните фази....“ - Јосиф Јосифовски – декан на градежен факултет.

Реконструкцијата на железничката станива ќе се прави со зачувување на основниот изглед како што е направено во 1981 според проектот на Кензо Танге но со нови модерни елементри по

„Внимателно ќе иг преиспитаме оргиналните аспекти на проектот на Кензо Танге ќе бидеме многу внимателни, софистицирано да ги редизајнираме аспектите на дизајнот но исто така да пружиме нешто ново што сметаме ќе претставува додадена вредност на она што денес претставуваат железничките станици...“- европски стандарди,- Анета Христова Поповска – Декан на Архитектонски факултет.

Според најавите ќе се менуваат инсталациите, греењето, ладењето, ќе има промена на содржини, ќе има аптеки и други комерцијални содржини, но доградби нема да се дозволуваат и се што е сега надовр од првичниот прокет ќе биде отстрането.

YouTube video

Тагови: локалните избори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„iPhone 18 Pro“ ќе биде многу поскап, но дали ќе има ист простор за складирање?

Се чини дека „iPhone 18 Pro“ би можел да биде значително поскап од сегашниот модел, а според новите извештаи, нема да има поголем основен капацитет за складирање.

„iPhone 18 Pro“ ќе биде многу поскап, но дали ќе има ист простор за складирање?

Тајванската истражувачка фирма „TrendForce“ проценува дека цената на компонентите за „iPhone 18 Pro“ ќе биде речиси 40 проценти повисока отколку за „iPhone 17 Pro“. И покрај ова, основниот модел на „iPhone 18 Pro“ наводно ќе има 256 GB внатрешна меморија, што моментално го нуди „iPhone 17 Pro“.

Ова значи дека капацитетот за складирање на моделот „Pro“ би изгледал вака:

• iPhone 16 Pro - 128 GB

• iPhone 17 Pro - 256 GB

• iPhone 18 Pro - 256 GB

„TrendForce“ не го спомена конкретно „iPhone 18 Pro Max“ во извештајот, но „Apple“ ги понуди моделите „Pro“ и „Pro Max“ со ист почетен капацитет за складирање за претходните две генерации, па се очекува дека истото би можело да важи и за новата генерација, објавува „MacRumors“.

Доаѓа повисока цена

Сепак, фактот дека основниот капацитет останува ист не значи дека цената ќе остане иста. Напротив, „TrendForce“ наведува дека зголемувањето на цените за моделот „iPhone 18 Pro“ е практично „неизбежно“, првенствено поради зголемените трошоци за компонентите.

Посебен проблем е меморијата. Цената на „RAM“ меморијата значително се зголеми поради моменталниот недостиг на мемориски чипови, додека се очекува цената на меморијата за складирање и новиот чип „A20 Pro“ исто така да се зголеми.

Според претходните информации, почетната цена на „iPhone 18 Pro“ во САД би можела да биде за 200 до 300 долари повисока од „iPhone 17 Pro“.

Во тој случај, „iPhone 18 Pro“ би можел да започне од дури 1.399 долари, додека почетната цена на „iPhone 18 Pro Max“ би можела да достигне 1.499 долари.

Извор: Б92

Тагови: iPhone 18 Pro

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер