Наградени 24 дела на конкурсот за класична музика - Канал 5

Култура

Наградени 24 дела на конкурсот за класична музика

Доајени на македонската класична музика, автори од поновата генерација, но и студенти се меѓу наградените на Конкурсот за стимулација на творештвото од областа на класичната музика кој Министерството за култура го распишува втора година по ред.

Наградени 24 дела на конкурсот за класична музика
Од вкупно поднесени 34 апликации наградени се 24 дела во 11 категории, додека за три категории (композиции за мелодиски инструмент, композиции со духовен карактер за мешан хор и композиции за квартет) на конкурсот не пристигнала ниту една апликација.

За резултатите од конкурсот на денешната прес-конференција во Скопје информираше министерката за кутура Елизабета Канческа-Милевска. Таа подвлече дека преку овој конкурс, кој, според неа, е еден од најефективните кои ги спроведува Министерството во насока на соодветно вреднување и стимулација на творештвото на македонските автори, досега фондот на музичките дела од овој жанр се зголеми четирикратно.

- На четирите конкурсни рокови кои се спроведоа во 2014 и 2015 година е поддржано создавањето на вкупно 91 композиција на 39 македонски автори кои се наградени со износ од 10,4 милиони денари. Овие податоци доволно говорат дека сме на вистинскиот пат во нашите заложби за поддршка на авторите и уметниците во нашата држава во нашите напори за корекција на многу состојби во културата, во нашите настојувања за соодветна стимулација на домашното творештво и негова афирмација во меѓународен контекст, рече Канческа-Милевска.

Таа потенцира дека е од огромна важност што најголем дел од поддржаните композиции веќе се изведоа пред македонската публика и тоа во рамките на концертите на Македонската филхармонија, како и на 38. издание на Деновите на македонската музика.

-Убедена сум дека преку настапите на наменски создадениот оркестар „Контемпора“ наскоро пред македонската, но и странската јавност ќе бидат изведени и останатите дела кои се наградени на овие конкурсни рокови, рече министерката за култура упатувајќи честитки до наградените автори.

Според одлуката на стручните комисии во кои освен претставници од Сојузот на композитори на Македонија (СОКОМ) и Сојузот на музичките уметници членуваа и други реномирани домашни и странски автори и репродуктивни уметници, доделени се девет први награди со вкупен износ од 1.390.000 денари, девет втори награди од 1.135.000 денари и шест трети награди со вкупен износ од 810.000 денари.

Конкурсот за стимулација на творештвото од областа на класичната музика, кој се распишува втора година по ред, го поздравија уметниците од повозрасната генерација, но и новите надежи на македонската класична музика.

Композиторите доајени Љубомир Бранѓолица, (награден за мјузикл во катергоријата за мултимедијална музичко-сценска композиција) и Александар Џамбазов (награден во категоријата свечена композиција за мешан хор и симфониски оркестар) го оценија конкурсот како поттик особено за младите генерации.

- Она што можеме да го кажеме ние го кажуваме со ноти. Задоволни сме од оваа поддршка особено кон младата надежна композиторска мисла за да имаат желба да се докажат и да го искажат својот талент бидејќи најголемиот успех на Македонија е токму од областа на музиката и нашиот вонсериски Симон Трпчески, рече Џамбазов.

Авторите од помладата генерација Дамјан Темков и Дарија Андовска особено го потенцираа придонесот на конкурсот на Министерството за култура во однос на растот на творештвото во областа на класичната музика и создавањето моќна млада генерација композитори.

Марко Коловски, член на една од стручните комисии, оцени дека особено радува фактот што има и напредок во однос на сериозниот пристап и квалитетот на поднесените партитури.

- Би сакал истата сериозност да се примени и во пренесувањето на чувствата и емоциите искажани во музиката и дека крајната цел на секој автор треба да биде да стигне до слушателите. Не мислам дека овој тип музика – класичната музика треба да биде масовна, но секако авторите треба да имаат на ум дека треба да допрат до слушателите, рече Коловски.

Композиторот Сони Петровски изрази задоволство од зголемувањето на музичкото творештво и потенцира дека изминатите години голем број дела од композициите кои беа наградени на конкурсите се изведоа не само на сцените во Македонија, туку и надвор од земјата.

На почетокот на следната година од Министерството за култура најавија дека ќе биде објавен и новиот конкурс за кој очекуваат интерес да пројават домашните автори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер