Шоу биз

Награда за животно дело за Де Ниро на отворањето на Фестивалот во Кан

На свеченото отворање на 78. Кански филмски фестивал денеска, американскиот глумец Роберт де Ниро (81) треба да добие почесна „Златна палма“ за животно дело.

- Имам толку блиски чувства за Фестивалот во Кан, истакна Де Ниро кога минатиот месец беше објавена денешната награда. - Особено сега, кога има толку многу во светот што нѐ разделува - Кан нè зближува - раскажувачи, филмаџии, обожаватели и пријатели... Тоа е како да се враќам дома, додаде глумецот.

Отворањето на настанот ќе биде проследено и со проекција на „Partir un jour“ („Напушти еден ден“) на француската режисерка Амели Бонин - филм којшто ја раскажува приказната за жена која го напушта родниот град за да изгради сопствен живот, но мора да се врати поради семеен итен случај. Инаку, 22 филма годинава се борат за „Златната палма“.

Меѓу првичните фаворити се „Умри, љубов моја“ на Лин Ремзи, со Џенифер Лоренс и Роберт Патинсон и „Едингтон“ на Ари Астер, со Педро Паскал, Ема Стоун и Хоакин Феникс. Историската драма „Гледајќи во сонцето“ на германскиот режисер Маша Шилински е исто така меѓу најочекуваните филмски новитети.

Натаму, еден од документарните филмови е портрет на украинскиот претседател Володимир Зеленски. Меѓу нив има и репортажа од фронтот снимена меѓу февруари и април 2025 година, од страна на францускиот репортер Бернар-Анри Леви, како и приказна за армијата раскажана од украински автор.

Фестивалот ќе трае до 24 мај.

Надвор од главната конкуренција, деби-режисерските остварувања на Кристен Стјуарт (филмот „Хронологија на водата“) и на Скарлет Јохансон („Великата Елеонор“) ќе бидат прикажани како „необични и нетрадиционални“ приказни. Минатогодишниот победник беше американскиот филм-оскаровец „Анора“ во режија на Шон Бејкер.

Тагови: Роберт де Ниро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а во текот на денот сончево и релативно топло.

Ќе дува слаб ветер од променлив правец. Минималната температура ќе биде во интервал од -3 до 6, а максималната ќе достигне од 22 до 29 степени.

Во Скопје, сончево и релативно топло со слаб ветер од јужен правец. Минималната температура ќе се спушти до 3, а максималната ќе достигне до 27 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и утринските температури ќе бидат во пораст. Услови за локален дожд ќе има во петок.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивна активност на СВР Куманово за зголемување на свеста кај возачите да не управуваат возило под дејство на алкохол

Во рамки на активноста беа користени специјални наочари, кои им овозможуваат на граѓаните да ја увидат намалената способност за управување возило доколку се под дејство на алкохол.

Вчера (03.10.2026), полициски службеници од Отсекот за превенција при СВР Куманово и Општинскиот совет за превенција во Куманово реализираа сообраќајна превентивна активност за подигање на свеста на граѓаните и степенот на сообраќајна култура, а посебен акцент беше ставен на свесноста кај возачите да не управуваат возила под дејство на алкохол, со оглед на тоа дека алкохолот сериозно ги намалува возачките вештини, ги нарушува психомоторните способности и претставува сериозна закана по нивната и безбедноста на останатите учесници во сообраќајот.

Во рамки на активноста беа користени специјални наочари, кои им овозможуваат на граѓаните да ја увидат намалената способност за управување возило доколку се под дејство на алкохол.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кучето кое влета на стадионот стана „славно“ (ФОТО)

Во дуелот со Шкотска кој донесе разочарување за македонските навивачи, куче кое влета на теренот и заради кое имаше прекин во првото полувреме, се чини стана голем хит.

Моментот кога овој натрапник влета на теренот беше реристриран на видео снимките а дел од светските спортски портали и списанија буквално го врамија на насловните страници. Кучето кратко беше на теренот по што го напушти стадионот.

Scotland lead against North Macedonia thanks to Kieron Bowie's goal, but one home supporter in particular was not happy about it... A dog invaded the pitch at the Toše Proeski Arena in Skopje shortly afterwards and took a liking to left-back Sebastian Herrera. https://t.co/mSLelPsqCl
— The Athletic | Football (@TheAthleticFC) October 3, 2026

Тагови: куче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.