Идејата за уставни измени стана политички токсична по премногу направени отстапки, Македонците се уморни од постојаното поместување на целта и не веруваат дека Бугарија нема да побара нешто ново- вели во интервју за Политико шефот на дипломатијата, Тимчо Муцунски. Потенцира дека Македонија има целосно усогласено законодавство со ЕУ и заслужува праведни и предвидливи евроинтеграции по две децении статус на кандидат. Немаме луксуз за план Б, со нашиот напредок, најмногу придобивки покрај Македонија, ќе има токму Бугарија, оценува Муцунски.

-Понекогаш сме многу фрустрирани поради недостигот од политички резултати. Станавме „студија на случај“ за тоа како билатералните спорови можат да го попречат процесот на проширување на Европската Унија. Да се каже дека кон нас се постапувало неправедно е преблага формулација. Ова е апсолутна злоупотреба на позицијата на една земја членка на Европската Унија,- Тимчо Муцунски - министер за надворешни работи.

Во меѓувреме опозицијата во земјава му забележува на министерот за надворешни зошто водел тајни преговори за деблокада на евроинтеграциите, со тврдење дека владата подготвува терен за прифаќање на францускиот предлог. Велат дека дел од таа стратегија е и патувањето на премиерот кој кажа дека наместо на класичен одмор ќе оди на ексурзија во Белгија летово.

-Брисел во август не е туристичка дестинација. Не е град за екскурзии. Не е место каде што се оди на одмор. Брисел е град на европската бирократија - Европската комисија и Европскиот парламент. Таму се оди само кога имаш конкретна работа со Европската унија. Зошто Христијан Мицкоски токму сега оди во Брисел? - Тимчо Муцунски - министер за надворешни работи.

Власта негира дека се тајни разговорите кои се водат „под радарот“, но не споделувале детали за да не пропаднат обидите. Уште пред еден месец евроамбасадорот Рокас откри дека има дипломатска офанзива, а потврда за тоа имаше и претседателката Сиљановска Давкова. Министерот Муцунски кажа дека се далеку од решение, но се бара начин за деблокада на европскиот пат на Македонија, со тоа што ќе се спречи ново вето во иднина поради идентитетски прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според првичните податоци, во училишните клупи оваа година ќе седнат околу 4.900 првачиња помалку во споредба со лани кога имало 17.250 првачиња.

Иако оваа бројка не е конечна, бидејќи можноста за упис се уште трае, прогнозите на министерката Весна Јаневска се дека нема да се запишат уште повеќе од две илјади, за што смета дека е сериозен показател за негативните демографски трендови во земјава.

Министерката за образование и наука проф. д-р Весна Јаневска и директорката на Државниот испитен центар, Даниела Јовчевска Михајловска изразија задоволство од реализацијата и постигнатите резултати од полагањето на државната матура во јунскиот испитен рок, со средна оценка 3.66. Просекот е речиси идентичен со ланскиот кога изнесуваше 3,69. Најголемо знаење матурантите покажале на полагањето на странските јазици.

На 226 ученици им бил поништен тестот и тие ќе полагаат повторно во август. Дел се фатени како препишуваат на лице место, а дел е утврдено дека препишувале откако им се прегледани тестовите и биле најдени идентични раскази.

Августовската испитна сесија ќе се реализира во четири градови, на 12 август кога се полага странски јазик, а на 14 август е полагањето по мајчин јазик. Полагањето на интерните испити и одбраната на проектните задачи ќе се одвива во периодот од 17 до 24 август.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со ваква порака упатена од пред Министерството за здравство Зружението на онколошки пациенти „ХЕМА – ОНКО“ ја најави новата борба за системско решение на старите проблемите со терапиите и повторно побараа лековите да не доцнат ниту еден ден за да не бидат оставани во неизвесност и страв. Од Здружението порачаа дека иако дел од терапиите наменети за канцер на дојка, простата и дебело црево, што десетина дена не беа достапни на Онкологија веќе пристигнале на Клиниката бараат да се стави крај на праксата пациенти да бидат враќани од Онкологија со изговор „денес, за вас, нема терапија!“.

-Не постојат клинички студии на кои што стои дека ние сега можеме да одложиме терапијата за 10 дена, за две недели или месец дена. Оваа држава во изминатите пет години, постојано, ги држи онколошките пациенти во некаква неизвесност со терапијата без оглед на тоа кој е Министер и кој е власт. Не бараме привилигии, туку она што го сакаме терапијата да е навремена и континуирана,- - Ана Марјановиќ – здружение “ХЕМА-ОНКО“.

Од Министерството за здравство информираат дека пациентите оствариле средба со заменик-министерот Јовица Андовски, и оти се работи на подобрување на достапноста на лековите.

-На средбата беше посочено дека е обезбедено рекордно зголемување на буџетот за Онкологија и дека се работи на подобрување на достапноста и континуитетот на терапијата. За лековите кај кои беа регистрирани доцнења веќе се преземени конкретни мерки. Дел од испораките се реализирани, за дел се склучени нови договори, а за останатите се обезбедуваат привремени решенија до целосно нормализирање на состојбата,- - Министерство за здравство.

Од Здужението „ХЕМА-ОНКО“ јавно побараа онколошките пациенти да не бидат злоупотребувани во дневно – политички цели и да не бидат дел од партиските препекувања. А, посочија и дека проблемите со терапијата, превенцијата, големиот број пациенти и скапите лекови нема да се решат со краткорочни туку со долгорочни мерки- подобри закони и процедури за набавка, подобра дистрибуција и соработка со добавувачите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.