Свет

Над 60 загинати во САД во ураганот „Хелен“, најмногу жртви поради паднати стебла (ВИДЕО)

Жителите на југоисточните држави денеска почнаа со чистење и поправка откако ветерот на ураганот Хелена, силниот дожд и невремето предизвикаа катастрофални поплави од Флорида до Вирџинија, оставајќи многумина без струја и уништени домови, патишта...

Најмалку 60 луѓе ги загубија животите во невремето, соопштија државните и локалните власти во Јужна Каролина, Флорида, Џорџија, Северна Каролина и Вирџинија. Се стравува дека бројот на загинати може да биде поголем, објави Си-Ен-Ен.

Осигурителните компании и прогнозерите ја проценуваат штетата предизвикана од ураганот Хелен за време на викендот помеѓу 15 и повеќе од 100 милијарди долари. По целосната проценка на штетата на имотот, податоците ќе бидат попрецизни.

Администраторката на Федералната агенција за управување со вонредни состојби, Дин Крисвел, денеска изјави дека е забележана голема штета на водоводните и комуникациските системи и на критичните сообраќајни правци.

Крисвел, гостинка во емисијата „Соочи се со нацијата“ на Си-Би-Ес, рече дека американската влада има доволно ресурси и може успешно да се справи со последиците од катастрофата, но посочи дека закрепнувањето ќе биде тешко.

Во погодените подрачја е испратена флаширана вода, а инженерскиот корпус на Армијата ќе започне со проценка на штетите на водоводните системи со цел што поскоро да бидат оперативни.

„Обновувањето може да биде доста комплицирано. Во овие пет држави, различните поправки и општото опоравувањето ќе бидат многу комплицирани“, рече Крисвел, додавајќи дека приближно 2,7 милиони корисници денеска останале без струја.

Најобилните врнежи ја погодија западната Северна Каролина, со речиси 76 сантиметри дожд во округот Јанси, објави Метеоролошкиот центар на Националната метеоролошка служба. Јужна Каролина има најголем број жртви. Локалните власти известуваат за 24 смртни случаи. Многумина загинале кога врз нив паднале дрвја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби околу тендер за чистење на граничните премини и терминалите, во периодот од јули 2023 до март 2024 година.

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

View this post on Instagram

A post shared by Александар Вучић (@avucic)

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.