Над 60 проценти од жителите на ЕУ лани купувале онлајн - Канал 5

Живот

Над 60 проценти од жителите на ЕУ лани купувале онлајн

Во текот на 2024 година 60,2 отсто од жителите на ЕУ на возраст од 16 до 74 години нарачувале стоки или услуги преку интернет, покажуваат податоците на Европската статистичка служба – Евростат.

Над 60 проценти од жителите на ЕУ лани купувале онлајн

Од вкупно 240-те статистички региони на ЕУ, во 23 преку интернет купувале најмалку 80 отсто од тамошните жители. Меѓу нив спаѓаат сите 12 региони во Холандија и сите три во Ирска, потоа три од четирите региони во Данска, три во Шведска, како и чешкиот регион Прага.

Највисока стапка од 91,5 отсто се бележи во холандскиот регион Утрехт, по што следува соседниот Флеволанд со 89,5, пред северниот и западниот ирски регион со по 88,3 проценти.

Стапка на онјалн купување од 60 до 80 отсто има во цела Естонија, Кипар, Луксембург, Малта, Словачка, Финска и континентална Франција, во цела Германија, со исклучок на Саксонија, во цела Австрија, со исклучок на Штаерска, во преостанатите делови на Данска, Чешка и Шведска, во девет региони на Белгија, пет во Унгарија, четири во Шпанија, три во Полска и во грчкиот регион што ги опфаќа островите во Егејското Море.

Од 40 до 60 проценти удел има во преостанатите делови на Белгија, Грција, Полска, Унгарија и Шпанија, потоа во цела Летонија, Литванија, континентална Португалија, Словенија и Хрватска, во северна и централна Италија, два региони во Романија, југозападниот регион на Бугарија, како и во Саксонија и Штаерска.

Под 40 отсто удел на жители влучени во онлајн трговијата има во јужна Италија, преостанатите делови на Бугарија и Романија, на португалските острови Азори и Мадеира и во француските прекуморски територии.

Најмал процент на жителите кои купуваат преку интернет од 21,7 отсто има во југоисточниот бугарски регион, пред францускиот карипски остров Гвадалупе со 24,2 и регионот Северозападна Бугарија со 24,9 проценти.

Тагови: ЕУ онлајн купување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер