– Во последното деноноќие во Албанија регистрирани се само пет новозаразени со ковид-19,со што вкупната бројка достигна 969 лица. Во исто време во списокот на излекувани се впишани 13лица или вкупно до сега битката со невидливиот непријател ја добиле 771лице односно 80 отсто од вкупната бројка на заболени. Активни на болеста се се 167 лица, а болнички се лекуваат само 14, од нив тројца се на интензивна терапија. Битката со коронавирусот ја изгубиле 31 пациент,кои боледувале и од други болести. Од 20 април во Албанија нема починат од коронавирус. Со последно направени 204 тестови, до сега вкупно се тестирани 13.825 сомнителни случаи.
– Само еден нов случај на ковид-19 од анализирани 2.647 примероци во изминатите 24 часа соопшти Министерството за здравство на Кипар. Од почетокот на епидемијата, заразени со новиот коронавирус се 923 лица.
– Уште две лица во Грција починаа од Ковид-19, а денеска беа соопштени три нови случаи. Бројот на заразени со новиот коронавирус се зголеми на 2.853 лица, а од почетокот на епидемијата починаа 168 лица.
– Во изминатите 24 часа во Хрватска се регситрирани три нови случаи на зараза. Вкупниот број на заразени во државата е зголемен на 2.237. Еден човек го загуби животот со што вкупниот број на смртни случаи е 97.
– САД со 1.570.583 потврдени случаи се држава со најмногу заразени. Следуваат Русија (308.705), Шпанија (278.803), Бразил (271.885), Велика Британија (248.818), Италија (226.699), Франција (180.809), Германија (177.827) и Турција (151.615). Останати држави со повеќе од 50.000 потврдени случаи на заразување со Ковид-19 се Иран (124.603), Индија (106.886), Перу (99.483), Кина (82.965), Канада (79.112), Саудиска Арабија (59.854), Белгија (55.791) и Мексико (54.346).