Свет

Над 3000 новозаболени во Франција , властите бараат носење маски на работните места

Властите во Франција ќе предложат носење маски на работните места бидејќи земјата се бори со нов бран на инфекција со коронавирус, а повеќе од 3.000 заразени се пријавени во изминатите 24 часа.

Министерството за здравство објави 3.310 нови инфекции со коронавирус, бележејќи голем број четврти ден по ред. Бројот на кластери што се испитуваат се зголеми од 17 на 252, според ажурираните податоци на веб-страницата.

Поради зголемување на бројот на заразени лица, Велика Британија воведе карантин во траење од 14 дена за луѓето кои доаѓаат од Франција од саботата наутро, а властите во Париз ги проширија градските зони каде е задолжително да се носи маска на отворено.

Министерката за труд Елизабет Борн изјави во разговорите со претставниците на работодавците и синдикатите во вторникот дека тие предлагаат маските да бидат задолжителни на колективните работни места.

„Темата во сите стручни дискусии е вредноста на носењето маски кога неколку луѓе се на мал простор“, рече Борн во интервју за францускиот весник „Ле Журнал ду Диманш“.

Лекарите сè повеќе бараат маски да се носат на работното место, а HCSP, тело кое ја советува владата за здравствената политика, издаде препорака во која се повикува маските да бидат задолжителни во сите јавни простории.

Поради зголемувањето на бројот на заразени оваа недела, седумдневниот просек на ново заразени е над прагот на 2.000 случаи, за прв пат од април, кога Франција се најде во еден од најстрогите карантини во Европа.

Во последните денови имало помалку случаи на ковид-19 во болниците, иако се зголемил бројот на нови инфекции, а експертите предупредуваат за ширење на вирусот кај помладите.

Сепак, најновите бројки покажуваат благо дневно зголемување на бројот на хоспитализирани лица, 4857 во однос на 4828 претходниот ден и зголемување на пациентите на интензивна нега од 367 на 376.

Шоу биз

Стивен Спилберг откри за кој филм жали

Иако денес важи за еден од најуспешните режисери кои некогаш живееле, Стивен Спилберг зад себе има филмови за кои и денес жали.

И покрај тоа што работел на хорор филмовите „Jaws“ и „Poltergeist“, Спилберг смета дека вториот филм од серијата Индијана Џонс, „Indiana Jones and the Temple of Doom“, е премногу мрачен и не се гордее со тоа.

- Не бев задоволен од „Temple of Doom“. Беше премногу темно, премногу таинствено, премногу застрашувачко. Мислам дека беше пострашно од „Poltergeist“ – изјави Спилберг, пренесе „LADbible“ и додава „Нема ни зрнце мои чувства во „ Temple of Doom “. Проблемот со правењето продолженија е што не можеш да им угодиш на сите“.

Извор: Аваз

Здравје

САД ќе инвестираат милиони долари да се спречи ширењето на птичјиот грип кај стоката и луѓето

Американската сојузна влада планира да потроши милиони долари за спречување на ширењето на птичји грип во стадата и фармите за млеко за да се спречи вирусот да мутира и се прошири меѓу луѓето, изјави денеска службено лице.

Според експертите, вирусот моментално циркулира низ пилешките фарми и говедата меѓутоа неодамнешното префрлање на вирусот и кај млечните крави е причина за узбуна бидејќи постои загриженост дека колку подолго се шири меѓу животните може да ги инфицира и луѓето.

-Нашата мисија е да го запреме ова како настан исклучиво поврзан со животните. Конечно, сакаме да го елминираме вирусот во индустријата и со текот на времето да развиеме вакцина за да спречиме уште една појава на N5H1 во стоката, изјави денеска министерот за земјоделие Том Вилсак.

Инвестицијата доаѓа по критиките од страна на јавните здравствени експерти до владата дека не се тестира доволно стока или работници изложени на инфицираните стада, со што се загрозува способноста на САД брзо да одговори на мутациите на вирусот. Според новиот план, владата ќе ги компензира оштетените фармери за трошоците поврзани со вирусот и ќе ги финансира напорите за негово лоцирање и следење.

Досега е забележан само еден случај на човек заразен од птичји груп, и тоа во Тексас, каде првпат беше регистрирана епидемија меѓу млечни крави.

Сега, со новите напори за лоцирање на вирусот Министерството за земјоделие (УСДА) објави дека четири дополнителни стада во Мичиген и едно во Колораде се тестирани позитивни за птичји грип со што сега се инфицирани се вкупно 42 стада во девет држави. /МИА

Свет

Белгија: Помош од 9 мил. евра за санирање на оштетената енергетска инфраструктура на Украина

Белгија ќе додели дополнителна помош од девет милиони евра за да помогне во санирањето на оштетената енергетска инфраструктура во Украина, објави денеска белгиската министерка за развојна соработка Каролин Женез.

„Со помош на ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воената поддршка, и овие средства ќе помогнат да се изгради отпорноста на Украина", рече министерката.