Над 300 учесници на велосипедско-планински фестивал „Осоговска авантура" - Канал 5

Над 300 учесници на велосипедско-планински фестивал „Осоговска авантура"

 Повеќе од 300 велосипедисти, планинари и љубители на природата учествуваа на дводневниот велосипедско-планински фестивал „Осоговска авантура" што во изминатите два дена се одржа на Пониква.

Над 300 учесници на велосипедско-планински фестивал „Осоговска авантура"

Манифестацијата што годинава се одржа по трет пат ја организираа Друштвото за спорт и рекреација „Прв до врв", во соработка со велосипедската група „МТБ Исток" од Кочани и спортски ентузијасти од регионот, а главна цел е популаризација на природните убавини на Осоговието и потенцијалите за планински спортови во овој крај.

-Покрај велосипедисти и граѓани рекреативци од нашата држава, годинава за првпат имаме гости од Бугарија и Србија, a планираме во наредниот период фестивалот да добие и меѓународен карактер. Покрај планинарско-велосипедските тури, учесниците имаа можност да кампуваат, а беше подготвена интересна забавна музичка програма, проследена со локални рецепти за подготвување храна. Како завршница на манифестацијата организиравме авантуристичка велосипедска тура од Пониква до Царев Врв и назад, на патека во должина од 40 километри и висинска разлика од 1.200 метри, истакна Панче Зафиров, претседател на „МТБ Исток".

Поддршка за оддржувањето на фестивалот „Осоговска авантура" дава и локалната самоуправа на Кочани, при што градоначалникот Николчо Илијев нагласи дека тој се вклопува во плановите на општината за натамошен развој и искористување на потенцијалите на Пониква, најавувајќи дека летово ќе започне реализацијата на проектот „Планински велосипедски рај" со кој на Осогово ќе се изградат и уредат две патеки за авантуристички велосипедизам.

Организаторите на манифестацијата најавија дека од догодина очекуваат уште поголема посетеност со учество на гости и од други држави, при што програмата ќе се збогати со планинско трчање, искачување на карпи и слично, а дел од содржините ќе добијат и натпреварувачки карактер со награди за најдобрите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Путин пред медиумите за средбата со Трамп и Си

Претседателот на Русија, Владимир Путин им се обрати на медиумите по трилатералната средба со американскиот претседател Доналд Трамп и кинескиот претседател Си Џинпинг.

Путин пред медиумите за средбата со Трамп и Си

Рускиот лидер истакна дека би сакал трилатералните средби со лидерите на Кина и на Соединетите Држави да продолжат, оценувајќи ја денешната средба како нова страница во историјата. Тој исто така рече дека трилатералната средба, одржана во Шенжен на маргините на самитот на АПЕК, била многу корисна, а дискусијата – слободна и искрена.

По протоколарниот дел од трилатералната средба започна слободна размена на мислења, изјави Путин, додавајќи дека со лидерите на САД и на Кина, Трамп и Си, разговарал и за можната реформа на Обединетите нации.

Путин се осврна и на внатрешнополитичката ситуација во Соединетите Држави, наведувајќи дека таа е сложена, со многубројни противтежи и механизми за одржување на рамнотежата на политичката моќ. На средбата, исто така, се разговараше за прашања поврзани со обезбедувањето слободна пловидба, рече Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Компани се враќа на клупата на Баерн: Се чувствувам добро

Белгискиот тренер Винсент Компани се враќа на клупата на европскиот фудбалски гигант Баерн Минхен по едномесечно отсуство поради здравствени проблеми. 

Компани се враќа на клупата на Баерн: Се чувствувам добро

Белгиецот изјави дека се чувствува добро.

„Беше многу интензивно. Во тој момент, тоа беше ново искуство. Кога ќе погледнам наназад, сè помина совршено. Добив поддршка и од клубот и од лекарите. Многу сум благодарен. Се обидувате брзо да пронајдете внатрешен мир и да ги чекате резултатите. Тоа беше позитивен процес; сите тестови покажаа добри резултати. Морам да кажам дека сум во многу добра здравствена состојба – направивме многу прегледи и сè беше во ред. Сега повторно се чувствувам одлично и пресреќен сум што сум повторно со тимот“, изјави Компани за веб-страницата на клубот.

Во петок, Компани ќе го предводи Баерн на натпреварот од 10. коло во Бундеслигата против Келн. Минатиот месец, за време на еден тренинг, Компани имаше здравствен проблем поради кој пет дена помина во болница. Тој се лекуваше од иритација на мозочните обвивки – воспаление на ткивото што ги опкружува мозокот и 'рбетниот мозок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трагичен крај на холивудски актер: Почина откако го удри автомобил пред домот во Лос Анџелес

Холивудскиот актер Лари Поиндекстер починал синоќа, на 66-годишна возраст, неколку дена откако бил удрен од автомобил додека ја преминувал улицата во населбата Студио Сити во Лос Анџелес, каде што и живеел. 

Трагичен крај на холивудски актер: Почина откако го удри автомобил пред домот во Лос Анџелес

Според медиумските извештаи, актерот бил во болница и чекал операција поради скршени ребра, кога ненадејно починал. Поиндекстер е роден во 1959 година во Далас.

Неговиот татко, Х. Р. Поиндекстер, бил дизајнер на осветлување и сценографија, добитник на наградата „Тони“, а мајка му, Сју Ен Ердман, била оперска пејачка.

Првата телевизиска улога ја добил во 1982 година во една епизода од серијата „A New Day in Eden“, а првата улога во сапуница ја остварил во 1984 година, кога го толкувал ликот на Бен Велч во осум епизоди од серијата „Days of Our Lives“, пренесува „Entertainment Weekly“.

Во 1980-тите години, Поиндекстер се појави во поединечни епизоди од сериите „Happy Days“, „CHiPs“, „Silver Spoons“ и „Growing Pains“, пред да го толкува ликот на Џастин Мур во 23 епизоди од серијата „Santa Barbara“ во 1986 година.

Меѓу другите улоги, тој се појави покрај Семјуел Л. Џексон и Колин Фарел во филмот „С.В.А.Т.“ (S.W.A.T.) од 2003 година, а имаше и мала споредна улога во филмот „Повторно 17“ (17 Again). Тој, исто така, настапуваше и во театар; зад себе Поиндекстер ги остави сопругата, кастинг-директорката Керол Крицер, и нивните синови близнаци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер