Според црните сататистики веднаш по Соединетите американски држави се Италија и Шпанија . Галопирачки раст има Велика Британија која според бројот на лица кои ја изгубија битката со вирусот изби на третото место, во оваа земја само вчера починаа 674 лица .
Владата во Шпанија во сабота ќе им овозможи на жителите да излезат еден час за да можат индивидуално да спортуваат или да се шетаат.
Министерот за здравство Салвадор Ила треба да го претстави планот што ќе им овозможи на жителите според возраста да можат да излезат на улица.
Во местата со повеќе од 5.000 жители ќе биде воведен распоред кој на улиците ќе го контролира полицијата. Распоредот е поделен за луѓе од три генерации.
Во земјата инфицирани се 239, 639 лица, така што Шпанија сè уште има најголем број пациенти во Европа.
Вчера починаа 268 лица, најмалку во последниот месец.
Премиерот на Русија Михаил Мишустин изјави дека ќе се самоизолира, откако бил позитивен на тестот за коронавирусот. 54-годишниот Мишустин беше прогласен за премиер во јануари. Неговиот позитивен тест дојде во истиот ден кога Русија забележа нови рекордни 7.099 случаи на коронавирус, со што вкупниот број потврдени инфекции е над 114 ,000.
Италија регистрира девет случаи на повторно заразување со коронавирусот
Станува збор за пациенти кои биле отпуштени од болници со негативен резултат по третманот и кои подоцна се разболеле повторно со ковид-19 или имале поблаги симптоми на зараза.
Бројот на новозаразени од ковид-19 во Шведска во изминатите 24 часа порасна 21.092, а вчера починаа 124 лица.
Стапката на смртност во Шведска е значително поголема отколку во многу други земји од Европа и достигна повеќе од 21 на 100.000 луѓе, покажуваат податоците на Универзитетот Џонс Хопкинс.
Шведската Влада ги затвори државните граници за странци кои не живеат во ЕУ и забрани јавни собирања на повеќе од 50 луѓе.
Градинките и основните училишта се отворени, средношколците и студентите учат од дома.