Над 3.000 Швеѓани веќе имаат вграден чип, следни на ред се Италијанците - Канал 5

Технологија

Над 3.000 Швеѓани веќе имаат вграден чип, следни на ред се Италијанците

Компанијата „Biohax“ успешно го спровела проектот за вградување на поткожни чипови во Шведска.

Над 3.000 Швеѓани веќе имаат вграден чип, следни на ред се Италијанците

Дути три илјади луѓе одлучиле да си вградат чип, а поддршка им дале и локалните власти воведувајќи можност за плаќање на железничка карта со чипот. Сега во компанијата „Biohax“ се надеваат на големо пробивање на пазарот во ЕУ.

Втора станица за ширење на бизнисот е Италија, пишува „Еуроњуз“. Ерик Ларсен, Швеѓанец на чело на тамошниот огранот, наведува дека се чека само одобрение од министерството за здравство на Италија.

Кога ќе се добие одобрението, се очекува во Минано и Рим да се вградат чипови кај околу 2.500 луѓе.

„Оваа технологија е настаната за да ни помогне. Тоа е како да имате мали супермоќи“, објаснува Ларсен.

„Поголем број од луѓето не сфаќаат дека нашите чипови немаат „GPS“ и дека ние не ги следиме клиентите. Но јасно ми е дека луѓето се плашат затоа што за слична технологија имаат впечаток само од холивудските филмови“, вели Ларсен.

„Лично не гледам ништо лошо. Тоа е пасивна технологија, ја контролира сопственикот. Треба да се биде многу блиску за податоците да се отчитаат. Ни вградувањето не е болно, како да ве каснала пчела“, вели Мартин Левин, кој веќе три години има два чипа на рацете, чие вградување го чинече 150 долари.

„Станува збор за истата технолопгија како и кај банкарските картички, и ризиците се исти. Постои можност некој да фати сигнал. Уште поголема компликација е ако идните верзии ги следат податоците за вашето здравје или ако содржат други приватни информации“, вели Роб Ван Ајк од Европскио институт за иднина на приватноста.

Компанијатга истакнува дека нема причина за страв. Голема револуција и масовно користење на чиповите очекуваат со развојот на технологија со која чипот ќе функционира како паричник.

„Се надевам дека плаќањето ќе стане главна функција. Очекувам иднина во која чипот ќе стане некоја врста на мобилен идентитет“, вели Левин. Преговорите за Италија веќе се водат во тој правец со „Водафон“ и „Пеј Пал“, а британската компанија „Био Тек“ развива технологија за бесконтактни чип плаќања и се надеваат дека во скоро време ќе има резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Предавство во УЕФА – Инфантино има нов најдобар пријател

Ситуацијата пред изборот за нов претседател на ФИФА полека се вжештува. Дали Џани Инфантино и понатаму ќе ја води светската фудбалска асоцијација ФИФА по неговите контроверзни одлуки во последниот период. 

Предавство во УЕФА – Инфантино има нов најдобар пријател

По низата погрешни потези на Џани Инфантино, се чини дека се зголемуваат шансите тој да биде сменет на гласањето во март.

Европските федерации, пак, не го послушаа Инфантино и застанаа на страната на УЕФА.

Сепак, една голема федерација – француската – би можела да ги изневери останатите и да застане зад Инфантино.

Филип Дијало, претседателот на FFF, досега јавно се воздржуваше од коментар за ова прашање и сè уште официјално не ја повлекол својата поддршка за Инфантино.

УЕФА стравува дека Франција ќе го изневери планираниот бојкот и дека Диало е „новиот најдобар пријател“ на Инфантино.

Во меѓувреме, француската територија Нова Каледонија, која главно гласа исто како Франција, објави соопштение во кое го поддржува Инфантино.

Новинарот Ромен Молина, во видеото насловено „Француско предавство“, истакнува дека Диало одлучува самостојно и дека останатите членови на Извршниот одбор на ФФФ не биле информирани. За да го замени актуелниот претседател на ФИФА, на УЕФА ќе ѝ бидат потребни 106 гласа против Инфантино од вкупно 211 членки. Европа има 55 членки.

Тагови: Инфантино ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: За две години просечната плата е зголемена за околу 9 000 денари

За две години просечната плата е зголемена за околу 9 000 денари, економските политики на Владата на ВМРО-ДПМНЕ даваат резултати.

ВМРО-ДПМНЕ: За две години просечната плата е зголемена за околу 9 000 денари

Владата предводена од ВМРО-ДПМНЕ води одговорни економски политики и стабилно управува со јавните финансии а мерките и политиките даваат конкретни резултати кои се мерливи а граѓаните ги чувствуваат во семејните буџети.

За само две години од владата на ВМРО-ДПМНЕ просечната нето-плата е зголемена од 40,496 денари на 48,779 денари, според податоците на Државниот завод за статистика. Тоа се околу 9 000 денари повеќе за работниците.

Номиналниот раст на платите во 2024та година изнесуваше 12,6%, а во 2025та година растот продолжи со 9,6%. Годинава се очекува дополнително зголемување поголемо од 8%.

За разлика од периодот на СДС кога имаше пад од 2,9 % во 2022 година, во 2024та година платите пораснаа за 8,8% а во 2025та година за дополнителни 5,3%.

Освен што растат платите, расте и реалната куповна моќ на граѓаните. Ова го потврдуваат и најновите податоци на Евростат каде мерено според куповната моќ потврдуваат дека вредноста на бруто минималната плата во Македонија во јули во 2026та година е повисока од сите земји на Западниот Балкан.

Ова се резултати што не може да ги анулира хистеријата на СДС со нивната реторика за наводни кризи и колапси. Сите релевантни институции потврдија дека платите во Македонија растат а кај граѓаните се слеваат повеќе пари за разлика од минатото.

Владата на ВМРО-ДПМНЕ останува посветена на привлекување на нови странски инвестиции, создавање на стабилна економска клима, раст на платите, отворање на нови работни места и подобрување на животниот стандард на граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Што договараше Мицкоски „под радар“ на екскурзијата во Брисел?

Што точно договараше Христијан Мицкоски во Брисел додека беше на „екскурзија“ со семејството?

СДСМ: Што договараше Мицкоски „под радар“ на екскурзијата во Брисел?

Разговори што не се официјални. Средби што не се пријавени преку Министерството за надворешни работи.

Преговори за иднината на државата, без ниту еден претставник на Владата.

Како е можно премиерот на една држава да оди на „неофицијални“ разговори за клучното прашање - европската иднина на Македонија, без знаење и без учество на дипломатијата?

Како е можно шефот на државата да носи со себе сопруга и деца на средби од кои зависи судбината на два милиони граѓани?

Одговорот е еден и јасен:

Мицкоски ја третира Македонија како своја приватна сопственост.

Тој одлучува сам.

Тој преговара сам.

Додека Тимчо Муцунски зборува за разговори „под радарот“, Мицкоски тие разговори ги води лично, во семеен аранжман, далеку од очите на јавноста и институциите.

Ова не е државничка одговорност. Ова е приватизација на државата.

Граѓаните имаат право да знаат:

Што е договорено?

Што е прифатено?

Што е скриено?

Македонија не е приватна фирма на Мицкоски, иако тој ја гледа така.

И нејзината иднина не се договара на семејни екскурзии.

Скопје, 15.8.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер