Националната установа „Стоби“ годинава од Министерството за култура и туризам доби 9,8 милиони денари, една третина повеќе од ланските 6,1 милион денари - Канал 5

Култура

Националната установа „Стоби“ годинава од Министерството за култура и туризам доби 9,8 милиони денари, една третина повеќе од ланските 6,1 милион денари

Министерството за култура и туризам во рамки на годинашната програма за 2026 година за Националната  установа „Стоби“ годинава издвои вкупен буџет  9.8 милиони  денари, што е за една третина повеќе од лани кога беа издвоени 6.1 милион

Националната установа „Стоби“ годинава од Министерството за култура и туризам доби 9,8 милиони денари, една третина повеќе од ланските 6,1 милион денари

Како што информира за МИА директорката на установата, археологот д-р Силвана Блажевска, годинава во археолошкиот локалитет Стоби ќе се работи на конзервација и истражување на многу значајни проекти, како што е Театарот и Градбата со арки позната како библиотеката во Стоби, а ќе се работи и на конзервација и доистражување на архитектонските остатоци од Резиденцијален и комерцијален кварт од рановизантиско Стоби. Во зависност од временските услови, работите треба да почнат до крајот на април.

За проекти од областа на заштитата на културното наследство, Министерството за култура и туризам издвои 8 милиони денари за шест проекти: првиот и еден од најзначајните е продолжувањето со конзервација, реставрација, реконструкција и археолошко доистражување на објектот Римски театар во Стоби.

Втор, исто така, голем проект е конзервација, реставрација и археолошки доистражувања на Градбата со арки или позната како библиотеката во Стоби. Третиот значаен проект на кој археолозите ќе работат годинава е конзервација и доистражување на архитектонските остатоци од Резиденцијален и комерцијален кварт од рановизантиско Стоби и четвртиот - конзерваторско-реставраторски работи и археолошки доистражувања на Северозападниот бедем во Стоби - фаза 1.

Како и секоја година, одобрени се средства и за тековно одржување и партерно уредување на археолошкиот локалитет Стоби. Годинава ќе се работи и на основен проект за конзервација, реставрација, конструктивно зајакнување на објект Стара железничка станица и негова адаптација во Центар за посетители Археолошки локалитет Стоби – фаза партерно и внатрешно уредување.

Од проектите од областа на музејската дејност за 2026 годна одобрени се вкупно 1,8 милион денари, од кои 900.000 денари за четири проекти: Конзервација и реставрација на opus sectile мозаична декорација на дрвен мобилијар откриен во Епископската резиденција во Стоби, реализација на основен проект за конзервација и реставрација на керамика и стакло од збирката на НУ„Стоби“, набавка на конзерваторски метеријали за лабраторијата и изработка на постаменти за камени споменици во лапидариумот. Воедно за набавка на опрема на конзерваторската лабораторија се издвоени уште 900 илјади денари.

Како што информира директорката Блажевска, првите два големи проекта, кои во зависност од временските услови ќе почнат да се реализираат кон крајот на април, се конзервација, реставрација и археолошки доистражувања на Градбата со арки или позната како библиотеката во Стоби и напоредно ќе се работи на конзервација и доистражување на архитектонските остатоци од Резиденцијален и комерцијален кварт од рановизантиско Стоби.

Инаку, секоја прва недела во месецот, па така и утре, 1 март, посетата во археолошкиот локалитет Стоби за сите посетители е бесплатна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Австријка нападната од ајкула за време на екскурзија на Бахамите

Триесет и седумгодишна Австријка се здоби со тешки повреди при напад од ајкула на Бахамите, додека учествуваше во туристичка екскурзија што вклучуваше пливање со делфини.

Австријка нападната од ајкула за време на екскурзија на Бахамите

Инцидентот се случил на околу 5,5 километри од брегот на островот Бимини, потврди бахамската полиција, пренесува „ABC News“.

Според официјалните извештаи, жената претрпела тешка повреда на десниот скочен зглоб. Нападот се случил завчера, а веднаш потоа – околу 17:30 часот – таа била пренесена во Клиниката во Бимини.

Поради сериозноста на повредите, 37-годишната жена набрзо била префрлена со хеликоптер во Њу Провиденс, главниот и најнаселен остров на Бахамите, на понатамошно лекување.

Бахамската полиција започна истрага за да ги утврди сите околности на нападот.

Тагови: ајкула Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Таен разговор во ВИП-ложата: Камерите ги снимиле Тејлор Свифт и Том Круз на натпревар

Камерите ги снимиле Тејлор Свифт и Том Круз на натпревар, а експерт за читање од усни ја откри темата на нивниот разговор.

Таен разговор во ВИП-ложата: Камерите ги снимиле Тејлор Свифт и Том Круз на натпревар

Невообичаена средба меѓу светска поп-ѕвезда Тејлор Свифт и славен холивудски актер, Том Круз привлече огромно внимание во јавноста за време на неодамнешниот натпревар помеѓу Канзас Сити Чифс и Денвер Бронкос.

Свифт пристигнала на стадионот за да го поддржи својот партнер, играчот на Чифс, Тревис Келс, а Круз ѝ се придружил во ВИП ложата, каде што се снимени како водат интимен разговор.

Виралното видео брзо го привлече вниманието на експертите, а професионален читач на усни Ајриш Стар, успеал да дешифрира дел од нивниот дијалог .

Според неговите наводи, Свифт го започнала разговорот коментирајќи ја импресивната атмосфера.

„Она што навистина ми се допаѓа е енергијата и начинот на кој е организирана публиката“, рекла Свифт. Иако одговорот на Круз не е сосема јасен, експертот за читање од усни тврди дека славниот актер ѝ го свртел вниманието кон нејзините професионални обврски.

„Можеби не си свесна за тоа, но имаш работа што треба да ја завршиш“, наводно рекол Круз. Откако накратко го спуштила пијалакот и потврдно кимнала со главата, Круз наводно упатил загонетна забелешка за „држење на еден “ и за тоа дека ова е „последен пат“, иако поширокиот контекст и точната цел на овие изјави остануваат целосно непознати за јавноста.

Тагови: Тејлор Свифт Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тренчевска: 1 милијарда евра е зголемена дупката во ПИОМ, арамијата Мицкоски ги загрозува пензиите

Арамијата Мицкоски и неговата криминална власт го доведоа Фондот за ПИОМ во сериозен ризик.

Тренчевска: 1 милијарда евра е зголемена дупката во ПИОМ, арамијата Мицкоски ги загрозува пензиите

Состојбата е алармантна, дупката во Фондот Мицкоски ја зголеми на 1 милијарда евра!

Тоа се над 14% од целиот буџет!

Во ризик е исплатата на пензиите.

ПИОМ веќе не може да се полни од придонеси, криминалната банда го доведе до неодржливост.

ВМРО-ОКГ и Мицкоски имаат план само како да украде пари од граѓаните, се друго растураат.

Ја задолжија државата со 4 милијарди нов долг за само две години - секоја недела ново задолжување за криминални партиски тендери.

Луксузи, нов авион, скапи партиски настани, 5,5 милиони евра за прослава - за граѓаните ништо, нула денари, нула мерки.

Како неговата влада гарантира дека пензиите ќе се исплаќаат на време кога нема никаква проекција, нема рок до кога ПИОМ ќе зависи од Буџетот.

Од први јули, оваа година, придонесот на ПИОМ е зголемен за 1% односно, процентот што одеше во Агенција во вработување го прераспределиле во Фондот за пензиско.

И повторно дупката е зголемена на 1 милијарди евра.

Дополнително, арамијата Мицкоски го доведува во ризик и вториот пензиски столб.

Најавите за вториот пензиски столб се движат од национализација до „реконструкција“.

Граѓаните кои со години уплаќале може да останат без својата заштеда и без потпора на веќе ниските пензии.

Ова е класична импровизација и неодговорно поигрување со иднината и сигурноста на граѓаните и на идните пензионери.

Пензионерите бараат фонд што функционира, а не празни приказни и ветувања од Арамија и неговата банда.

Затоа бараме јавен одговор: како дупката од 1 милијарда евра ќе се пополни? Од каде точно ќе се покрие, кои мерки го намалуваат дефицитот и до кој датум.

Без јасен план и конкретни мерки, уверувањата на ВМРО се само политичко покритие за власт која пензиите ги користи како парола, а финансискиот товар го префрла врз граѓаните.

Се работи за стотици илјади луѓе, кои работеле, учествувале во полнењето на пензискиот систем.

За пензионерите кои денес зависат од својата пензија за лекови, храна и сметки, и заслужуваат сигурност.

За идните пензионери, кои денес работат, плаќаат придонеси и со право очекуваат еден ден да имаат сигурна и достоинствена пензија.

Пензиите не се милостина од Мицкоски. Пензиите се право. Пензискиот фонд е обврска на државата.

Прес конференција на СДСМ, Јована Тренчевска - потпретседателка

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер