Европа

Национален штрајк во Италија: Засегнати железницата, транспортот, образованието и здравството

Во Италија денеска се одржува 24-часовен национален штрајк организиран од водечките синдикални организации во земјата, јавуваат италијанските медиуми.

Штрајкот е придружен со демонстрации на многу места, а главна причина се мерките предвидени во предлог-буџетот за следната година.

Штрајкувачите бараат повеќе инвестиции во образованието, здравството и транспортот, драстично намалување на трошоците за одбрана, достоинствено плаќање на трудот, индексирање на пензиите според инфлацијата, како и закон за минимална саатница, пишува „Месаџеро“.

Организаторите, исто така, повикуваат на запирање на воената поддршка за Израел и изразуваат солидарност со палестинскиот народ. Штрајкот е насочен и против разликите во плаќањето на мажите и жените, како и против приватизацијата на енергетските, поштенските и телекомуникациските компании, јавниот превоз, заштитата на животната средина, здравството и образовниот систем.

Штрајкот има сериозни последици врз транспортот и јавните служби:

Штрајкот започна синоќа во 21 часот по локално време и ќе трае до 21 часот вечерва. И покрај тоа, законот гарантира одвивање на одредени меѓурегионални линии во одредени временски појаси.

Засегнат е и локалниот градски превоз, со тоа што постојат различни гарантирани временски појаси за сообраќај во различни региони и градови. Таксистите не штрајкуваат.

Во штрајкот се вклучени авиоперсоналот и аеродромските службеници, што може да доведе до доцнење или откажување на летови. Патниците се советуваат да го проверат статусот на своите летови. И во авиотранспортот има загарантирани периоди за извршување на летови.

Професорите се приклучуваат на штрајкот, што може да предизвика нарушувања во образовниот процес.

Здравствениот сектор исто така штрајкува, но итните операции и суштинските здравствени активности ќе се извршуваат. Пациентите со закажани прегледи може да бидат презакажани на друг датум.

Ова е еден од неколкуте национални штрајкови што се одржаа во Италија од почетокот на есента, а следниот е закажан за 12 декември.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Врховниот суд ги поништи царините на Трамп; САД ќе вратат 81 милијарда долари

Владата на САД исплати десетици милијарди долари поврат на средства за царини упплатени пред одлуката на Врховниот суд да ги прогласи за незаконски, според податоците за буџетот објавени во понеделник.

Царините беа клучен дел од економската политика на претседателот Доналд Трамп откако тој ја презеде функцијата минатата година, но судот поништи голем дел од нив во февруари, објавува „Гардијан“.

Според објавените податоци, Соединетите Американски Држави исплатија 81 милијарда долари поврат на царини во текот на тековната фискална година, која започна во октомври 2025 година.

За споредба, само 5 милијарди долари беа исплатени во истиот период минатата година. Службеник на Министерството за финансии им потврди на новинарите дека огромниот пораст речиси целосно се должи на пресудата на Врховниот суд. Тој додаде дека поголемиот дел од повратните средства се издадени во текот на мај и јуни.

Трамп ги претстави царините како решение за сите економски проблеми - почнувајќи од враќање на производството во Америка и обезбедување подобри трговски договори, па сè до намалување на дефицитот на федералниот буџет.

Сепак, буџетскиот дефицит, кој малку се намали минатата година токму поради приходите од царини, сега повторно расте. Во првите девет месеци од фискалната година, тој достигна 1,367 трилиони долари, што е зголемување од 2 проценти. Во исто време, и другите расходи се зголемија.

САД потрошија повеќе од 1 трилион долари само за камати на својот долг - зголемување од 14 проценти - додека воените трошоци се зголемија за 5 проценти поради војната на Блискиот Исток.

Тагови: Доналд Трамп САД царини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Расчистен случајот со насилството врз малолетничка во Куманово, поднесена кривична пријава против 18-годишна девојка и две малолетнички

СВР Куманово поднесе кривична пријава против П.А. (18) од село Лојане, општина Липково, како и против две малолетнички на возраст од 14 и 15 години од Куманово.

СВР Куманово поднесе кривична пријава против П.А. (18) од село Лојане, општина Липково, како и против две малолетнички на возраст од 14 и 15 години од Куманово, поради постоење основи на сомнение дека сториле кривично дело „насилство“ по член 386 став 3 од Кривичниот законик.

Пријавените на 13.03.2026 околу 18:00 часот, повикале 14-годишно девојче да излезе од нејзиниот дом, по што ја убедиле да влезе во просторија во близина на спортскиот центар „Соколана“ во Куманово. Таму најпрвин ја навредувале, а потоа и физички ја нападнале, при што целиот настан го снимале со мобилен телефон.

По извршеното насилство, осомничените ѝ се заканиле на малолетничката да не го пријавува настанот и да не зборува за снименото видео, заканувајќи ѝ се дека во спротивно ќе ѝ се случи нешто уште полошо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За 2 години Влада на ВМРО-ДПМНЕ над 60 спортски проекти со вредност од над 21 милион евра

За 2 години Влада на ВМРО-ДПМНЕ над 60 спортски проекти со вредност од над 21 милион евра, продолжуваат инвестициите во спортот низ државата.

Владата предводена од ВМРО-ДПМНЕ инвестира во спортската инфраструктура и го враќа спортот на местото што го заслужува, меѓу клучните национални приоритети.

Со конкретни инвестиции во спортската инфраструктура, се создаваат подобри услови за развој на младите, за спорт и за нови спортски успеси.

Во изминатите две години се реализирани и започнати 60 спортски проекти, со вкупна вредност од над 21 милион евра. Овие инвестиции не претставуваат само изградба и реконструкција на објекти, туку вложување во генерациите што доаѓаат и создавање здрави животни навики.

За 2 години се реконструираа и започнаа повеќе капитални инфраструктурни проекти, меѓу кои спортската сала „Расадник“, атлетските патеки во Велес и во Гевгелија, спортската сала во Радовиш.

Започна реконструкцијата на спортската сала на УКИМ, изградбата на нови спортски сали во Општина Аеродром, во Крушево и во Воената академија во Скопје, како и изградбата на новите трибини на градскиот стадион во Тетово.

Се градат нови спортски сали, реконструираат атлетски патеки, се градат мултифункционални игралишта, стадиони и базени кои ќе овозможат илјадници деца, млади и рекреативци да спортуваат во современи и безбедни услови.

Владата на ВМРО-ДПМНЕ овозможува да се создаваат предуслови за развој на врвниот спорт и да се организираат спортски настани кои ќе придонесат и за локалниот економски развој.

Владата на ВМРО-ДПМНЕ останува посветена на реализација на нови капитални проекти, затоа што силната спортска инфраструктура е темел за успешен спорт, поздрави генерации и посилна Македонија.

Владата предводена од ВМРО-ДПМНЕ ќе продолжи со инвестициите во спортот, бидејќи тие носат вредност со децении, а придобивките од нив ќе ги чувствуваат и сегашните и идните генерации.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.