Национален самит за дигитална, енергетска и безбедна критична инфраструктура - Канал 5

Македонија

Национален самит за дигитална, енергетска и безбедна критична инфраструктура

Самитот пред се е посветен на безбедноста и енергетската транзиција и планирањето преку презентација на одлични примери од светот кои брзо може да се имплементираат кај нас.

Национален самит за дигитална, енергетска и безбедна критична инфраструктура

Во дигиталниот свет податоците се елементарниот приоритет и како такви мора да се третираат со највисоко ниво на доверба и сигурност, а институциите имаат обврска да ги штитат транспарентно, правично и по сите европски стандарди поради што земјава мора да има сопствено решение за справување со сајбер предизвиците, порача министерот за дигитална трансформација Стефан Андоновски на отворањето на Националниот самит за дигитална, енергетска и безбедна критична инфраструктура.

На самитот, чија цел е да го подигне нивото на одржливо планирање на дигиталната и енергетската инфраструктура, нејзината безбедност и транзиција и да создаде сигурна и светла иднина за генерациите што доаѓаат, своето искуство го презентираат компании од светски рамки со долгогодишно искуство во полето на дигитализацијата и енергетиката. Самитот пред се е посветен на безбедноста и енергетската транзиција и планирањето преку презентација на одлични примери од светот кои брзо може да се имплементираат кај нас.

- Живееме во време кога енергетските системи не се системи сами по себе, туку се длабоко поврзани со ИКТ системите на државата и се двигател и основа на македонската економија. Затоа безбедноста, одржливоста и адаптибилноста на овие системи мора да е на врвот на нашите приоритети, рече Андоновски.

Порача дека првиот дел од сајбер безбедноста е опоравувањето по сајбер катастрофи, вториот дел заштита на податоците, третиот дел решение за опоравување од рамсовер напади и четвртиот дел е што тоа значи во поглед на инвестициите во македонската економија.

- Секоја држава треба да ја гледа сајбер безбедноста како дел од националната безбедност, бидејќи денеска нападите не се само против компаниите, тие се против училиштата, болниците, енергетските системи, водоводите, телекомуникациите, социјалните фондови,... Тоа се напади против секојдневниот живот на граѓаните и против функционирањето на бизнисот, посочи Андоновски.

Се соочуваме, додаде, со сет на комплицирани и многу почести закани и затоа градиме нови стандарди и стратегии за одбрана, вклучувајќи ја и Националната стратегија за сајбер безбедност.

- Не можеме со сајбер стратегијата, ниту со било која друга стратегија да гарантираме дека нема да се случат сајбер напади, но треба да се осигураме дека кога ќе се случат да имаме капацитети брзо и сигурно да го вратиме во функционалност дадениот критичен систем. Македонија мора да има сопствено решение за справување со сајбер предизвиците, а не решение што исклучиво зависи од странски локации, туку внатрешно направен систем кој ќе гарантира дека и во најлошо сценарио државата, институциите и компаниите може да продолжат непречено да функционираат, потенцира Андоновски.

Тоа, како што рече, значи целосно искористување на „Дизастери кавери дата центарот“ во Прилеп, но и изградба на нови и максимално искористување на домашните ресурси во таа насока.

Министерката за енергетика, рударство и минерални суровини Сања Божиновска посочи дека имаме мисија да изградиме безбедна, одржлива и отпорна критична инфраструктура која ќе ја поддржи економијата.

-Критичната инфраструктура особено во енергетскиот сектор не е само технички систем, тоа е основа за економски развој, за социјална стабилност и национална безбедност. Сведоци сме на зголемени сајбер напади врз критичната инфраструктура што ја истакнува потребата од зајакнување на нашите капацитети за сајбер безбедност, рече Божиновска.

Порача дека дигиталната трансформација е клучна во енергетскиот сектор за ефикасно управување со ресурсите и обезбедување на сигурна енергетска мрежа.

-Интеграцијата на обновливите извори на енергија (ОИЕ) како соларната и енергијата од ветерот бара модернизација на инфраструктурата и примена на напредни технологии за управување и заштита. Меѓународните искуства покажуваат дека инвестициите во ОИЕ не само што придонесуваат за енергетска независност, туку ја зголемуваат и енергетската безбедност, посочи Божиновска и додаде дека имаме потенцијал да станеме регионален лидер во енергетската транзиција.

Нагласи дека во соработка меѓу јавниот и приватниот сектор може да се развијат иновативни решенија кои ќе ја зајакнат инфраструктурата и ќе обезбедат одржлив економски развој. Порача дека очекува дискусиите и презентациите од денешниот настан да придонесат за формирање на конкретни стратегии и иницијативи кои ќе ја унапредат инфраструктурата и ќе ја подготват за предизвиците на иднината.

Извозот на ИКТ услугите од земјава е над 500 милиони евра годишно, а увозот е помалку од 200 милиони.

Тагови: самит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Кинотеката во септември: Филмот како историја и отворена културна територија

Септемвриската програма на Кинотеката на Македонија повторно ја потврдува нејзината суштинска улога како простор во кој филмот не е само средство за гледање, туку и начин на паметење, преиспитување и откривање на различните лица на кинематографијата

Кинотеката во септември: Филмот како историја и отворена културна територија

Септемвриската програма на Кинотеката на Македонија повторно ја потврдува нејзината суштинска улога како простор во кој филмот не е само средство за гледање, туку и начин на паметење, преиспитување и откривање на различните лица на кинематографијата. Програмата обединува дела од македонската продукција, филмови од поширокиот балкански простор, класици на светската кинематографија, неми и класични филмови, како и посебни програмски целини посветени на хрватскиот филм и на филмската и културната традиција.

Месецот започнува со „Сведок“ на Митко Панов, драма во која потрагата по сведок на воени злосторства постепено се претвора во сложена приказна за вината, правдата, политичката меморија и границите на поделбата меѓу доброто и злото. Филмот, снимен на македонски, хрватски и ирски локации, отвора простор за преиспитување на едноставните историски и морални категории, особено во општествата што сè уште живеат со последиците од насилното минато.

Во продолжение, септемвриската програма се свртува кон класичниот американски филм со неколку значајни остварувања. „Beat the Devil“ на Џон Хјустон, со Хамфри Богарт, Џенифер Џонс и Питер Лоре, е иронична и жанровски разиграна авантуристичка комедија во која режисерот ги превртува конвенциите на авантуристичкиот филм и ги претвора алчноста, измамата и човечката слабост во црна комедија на апсурдот.

„Suddenly“, политичкиот трилер на Луис Ален со Френк Синатра, ја гради својата тензија врз идејата за атентат и опасноста што ненадејно навлегува во навидум мирната секојдневност. Филмот е истовремено и интересен пример за атмосферата на американската жанровска кинематографија од педесеттите години, кога стравот, политичката параноја и насилството постепено стануваат дел од популарната филмска имагинација.

Посебно место има и „Angel and the Badman“ на Џејмс Едвард Грант, класичен вестерн со Џон Вејн, во кој мотивот на преобразбата станува основа за приказна за насилството, искупувањето и можноста човекот да избере поинаков живот. Традиционалниот вестерн овде добива и морална димензија, спротивставувајќи ги културата на оружјето и логиката на одмаздата со идејата за ненасилство и човечка промена.

Септември носи и посебна целина посветена на немиот и класичниот филм, со која Кинотеката повторно ја нагласува потребата од курирано присуство на филмското наследство во современиот културен простор. Ваквите проекции се потсетување дека историјата на филмот е жива уметничка традиција која и денес може да вибрира со својата естетика, јазик и радикалност.

Во рамките на месецот е предвидена и програмата „Денови на хрватскиот филм“, која отвора простор за претставување на хрватската кинематографија во нејзините различни историски, естетски и тематски пројави. Во таа смисла, програмата е и можност за повторно согледување на заедничките културни и филмски врски на просторот на поранешна Југославија, како и на специфичните патишта по кои се развивале националните кинематографии.

Месецот завршува со „The Man with the Golden Arm“ на Ото Премингер, еден од значајните филмови на американскиот филмски модернизам од педесеттите години. Со својата смела тематизација на зависноста, социјалната маргинализација и човечката слабост, филмот претставува дело што во своето време ги поместил границите на она што холивудскиот филм можел отворено да прикаже. Воедно, визуелниот и графичкиот стил на Премингер останува еден од препознатливите примери за модернизацијата на американскиот филмски израз.

Така конципирана, септемвриската програма ја потврдува филмската разновидност како една од најголемите вредности на Кинотеката. Од македонскиот филм до класичниот Холивуд, од балканските трауми до европските културни судири, од вестернот и политичкиот трилер до немиот филм и регионалната кинематографија, септември нуди повеќе увиди во спектарот на кинематографската уметност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер