Автомобилизам

На вонреден сервис се повлекуваат 77 Бугати автомобили во САД

Американската агенција за безбедност на патиштата прогласи повлекување за 77 Бугати автомобили продадени на територија на САД.

На вонреден сервис ќе оди дури и суперлуксузниот модел Диво.

Не се случува често да пристигнал вести за повлекување на вакви автомобили. Обично се смета дека овие возила, кои се прават во мали серии и имаат огромна цена, се совршени.

Во реалноста сепак не е така, па од време на време се појавуваат информации за фабричка грешка кај ваков вид на автомобили.

Овој пат станува збор за Бугати, зад чие име стои најмоќната автомобилска групација на светот, германски Фолксваген.

Националната агенција за безбедност на патиштата објави дури две повчекувања за автомобили од марката Бугати, кои опфаќаат 77 возила од овој произведувач.

Станува збор за моделите Чирон, Чирон Спорт и Диво, кој чини дури 5 милиони евра. Првото повлекување се однесува на 74 примероци од трите модели кои се изработени помеѓу 2017 и 2020 година, а второт се однесува на 4 возила од 2020 година.

Поголемото повлекување на вонреден сервис бара едноставна софтверска интервенција на електронскиот систем за стабилност. Националната агенција за безбедност на патиштата наведува дека поради тој проблем постои опасност од сообраќани незгоди.

Другото повлекување на сервис со кое се опфатени само 4 возила, се однесува на задната лева погонска осовина, која по одредени околности може да се скрши.

Бугати превентивно ќе го замени овој спрен дел на автомобилити за кои смета дека се ризични.

Инаку, ова е трет пат во последните неколку години Бугати да повлече одреден број на возила. Претходното повлекување беше во 2018 поради проблем со воздушните преничиња во моделот Чирон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е кинески шпион.

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.