На вчерашниот протест во Атина за тригодишнината од железничката несреќа приведени 200 лица, од кои 19 се уапсени - Канал 5

Балкан

На вчерашниот протест во Атина за тригодишнината од железничката несреќа приведени 200 лица, од кои 19 се уапсени

Превентивно пред почетокот, за време и по завршувањето на вчерашниот протест на плоштадот Синтагма пред во центарот на Атина за тригодишнината од железничката несреќа кај Темпи биле приведени 200 лица, од кои 19 се уапсени.

На вчерашниот протест во Атина за тригодишнината од железничката несреќа приведени 200 лица, од кои 19 се уапсени

Превентивно пред почетокот, за време и по завршувањето на вчерашниот протест на плоштадот Синтагма пред во центарот на Атина за тригодишнината од железничката несреќа кај Темпи биле приведени 200 лица, од кои 19 се уапсени, а кај дел од нив биле пронајдени воздушен пиштол, молотови коктели, пиротехнички средства, соопштија од грчката полиција, јави дописничката на МИА од Атина.

На вчерашниот масовен протест, според процените на полицијата присуствуваа околу 40.000 граѓани, а во однос на тензиите по завршувањето на официјалниот дел, од полицијата информираа дека група од околу 50 маскирани лица, која се инфилтрирала во собирот на плоштадот Синтагма, искористувајќи го постепеното заминување на граѓаните, „фрлаа камења и други предмети кон полициските сили“.

- Во рамките на современиот и флексибилен оперативен план изготвен со цел обезбедување услови за заштита на настаните, полицијата, грижејќи се паралелно за безбедно заминување на граѓаните, употреби соодветни средства за спречување на тензии-напади кои ќе ја ставеа во опасност безбедноста на луѓето кои мирно протестираа, соопштија од полицијата.

Кај уапсените 19 лица биле пронајдени и запленети воздушен пиштол, димна бомба, петарди, пепер-спреј, пластични шишиња со камења и чекан, ранец со 12 молотови коктели, седум импровизирани експлозивно-запаливи направи, ракавици, маски и шише со бензин.

Како што вчера објави МИА, тензијата беше на крајот од официјалниот дел и додека голем дел од демонстрантите си заминуваа, а полицијата употреби солзавец, додека пак пред протестот, центарот на Атина беше под силно полициско обезбедување, а на различни локации пред плоштадот Синтагма каде што беше собирот, постоеја полицајци кои ги проверуваа сите пешаци, како и нивните чанти, нешто што беше спроведено дури и за новинарите и фоторепортерите.

Токму поради овие проверки, реагираше Здружението на фоторепортери на Грција кои го осудија „обидот за терор од страна на полицијата“, како и „практиката на грчката полиција да бара проверки на чанти од колеги, да бара физички преглед на фоторепортери и да бара нивно приведување во моментот кога се приближува до плоштадот Синтагма со цел да ги покријат протестите на синдикатите за тригодишнината од Темпи“.

- Бараме веднаш да запре практиката на „проверка“ на колегите фоторепортери кои ја вршат својата работа, како и непотребните и провокативни контроли на граѓаните, соопштија од Здружението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Луѓето после 50-тата година најмногу жалат за овие работи

Според психолозите, една грешка е особено болна.

Луѓето после 50-тата година најмногу жалат за овие работи

Како годините минуваат, животното искуство носи мудрост, но често и соочувања со одлуките што можеле да бидат поинакви. Многу луѓе кои зачекориле во 6-тата деценија нагласуваат дека не жалат толку за нешто што го направиле, туку за пропуштените прилики. Токму затоа психолозите сметаат дека е важно навреме да се препознае вистинската вредност на работите.

Едно од најчестите каења се однесува на посветеноста на работата. Многумина признаваат дека со години бркале кариера и финансиска безбедност, додека семејството, пријателите, сопствените потреби ги ставале во втор план. Дури подоцна сфатиле дека изгубеното време со најблиските е невозможно да се надомести.

Голем број од луѓето жалат за тоа што немале повеќе храброст да ги следат своите соништа. Некои никогаш не ја промениле работата што не ги исполнувала, други не отпатувале на места за кои мечтаеле, а трети се откажале од сопствениот талент поради стравот од неуспех и осуда од околината.

Исто така, луѓето најчесто жалеле што го запоставувале своето здравје, се хранеле нездраво, физичката активност изостанувала, па хроничниот стрес и одложувањето на лекарските прегледи често оставаат видливи последици во подоцнежните години. Затоа стручните лица нагласуваат дека вложувањето во здравјето во текот на целиот живот е исплатливо.

Многу луѓе после 50-тата признаваат дека премногу размислувале за тоа што ќе кажат другите. Носеле одлуки за да исполнат туѓи очекувања, наместо да живеат во согласност со сопствените желби и вредности. Дури подоцна, сфаќаат колку пропуштиле обидувајќи се да им удоволат на сите.

Луѓето често се каат и за неизговорените зборови. Жалат што почесто не велеле „те сакам“, што не простиле на време или што не одржувале контакт со драги личности. Кога некого ќе изгубат или патиштата ќе им се разминат, станува јасно колку искреноста и блискоста се важни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Ако климата ви работи цела ноќ, правите голема грешка, последиците ќе ги почувствувате веќе следното утро

Една едноставна промена во начинот на кој ја користите климата, ќе ви го подобри сонот и ќе ја намали потрошувачката на електрична енергија.

Ако климата ви работи цела ноќ, правите голема грешка, последиците ќе ги почувствувате веќе следното утро

Будење во 4.30 наутро со вклучен клима - уред кој и понатаму работи на 21 степен можеби делува како последица на летната спарнина, но стручните лица предупредуваат дека тоа би можело да е знак дека температурата во просторијата не е оптимално наместена за квалитетен сон. Специјалистот за одржување на домот Алвин Пулинс нагласува дека разладената просторија може да помогне при спиење, но премногу ладен простор го нарушува одморот.

Кога температурата ќе падне под пријатната граница, телото почнува да троши енергија за загревање наместо на одмор, што може да доведе до тоа да се разбудите уморни иако сте спиеле 7 часа или повеќе.

Клима – уредот може да го наруши сонот

Проблемот настанува во текот на ноќта, кога надворешната температура дополнително паѓа, па климата продолжува да дува ладен воздух во веќе разладена просторија. Во овие услови, телото се грчи, сонот е со прекини, па лицето може да се буди повеќепати во текот на ноќта.

Стручните лица препорачуваат користење на тајмер кој ќе го исклучи клима-уредот по еден до два часа.

Студениот воздух може да предизвика тегоби

Освен температурата, дополнителен проблем претставува струењето на воздухот што уредот го создава во просторот. Со ладниот воздух може да се шири прашина, полен и грини, што кај поосетливите лица може да предизвика чувство на суво грло, кивање и чешање на очите. Сувиот воздух може да предизвика чувство на отежнато дишење и непријатност во текот на ноќта.

Експертите предупредуваат и на влијанието на студениот воздух насочен директно кон телото, особено вратот и грбот. Овој проток може да предизвика напнатост во мускулите и утринска вкочанетост, особено кај лица кои имаат проблем со зглобови и ‘рбет.

Како правилно да го користите клима – уредот?

Не треба да го занемарите ни финансискиот аспект, бидејќи повеќечасовно ноќно користење на климата за време на летните месеци може значајно да ја зголеми потрошувачката на електричната енергија. Стручните лица за греење и ладење истакнуваат дека со исклучување на уредот во текот на ноќта не штедите само пари, туку и го продолжувате неговиот век на траење.

Наместо непрекината работа на климата, се препорачува комбинација од проветрување пред спиење и спуштање на ролетната во текот на денот, како и користење на тајмер. Лесна памучна постелнина и пасивни начини на разладување може дополнително да помогнат во одржување на пријатната температура во текот на ноќта без потреба климата да работи непрекинато.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер