Лорен Беркли од САД предизвика низа негативни реакции откако ѝ дозволила на својата шестгодишна ќерка да потроши повеќе од 350 евра на шминка и козметика, со цел да види кои брендови ќе ги избере.

Беркли откри дека нејзината ќерка не ги користи социјалните мрежи и нема поим кои брендови во моментов доминираат на пазарот.

@bahamasyogini 10 year old sephora haul #sephorahaul #sephorakids #drunkelephant @Drunk Elephant #summerfridays #haul #momtok #beautytok #veblen #conspicuousconsumption ♬ original sound - your yoga mom 🤸🏼‍♀️

– Како некој што се занимава со маркетинг, бев многу љубопитна да дознаам дали децата ќе изберат одредени производи според нивниот изглед или поради влијанието што го имаат брендовите на социјалните мрежи и во јавноста – изјави Беркли.

Оваа мајка ја однела својата ќерка во популарна продавница за козметика и ѝ дозволила слободно да избира производи две минути. Бидејќи девојчето избрало само четири производи, Беркли ѝ дозволила да продолжи со купувањето.

- Ова беше еден вид социјален експеримент. Сакав да видам дали ќе купи производи од два бренда поради шареното пакување. Грејс има само шест години, па не ѝ дозволувам да користи социјални мрежи и немам намера да ѝ го дозволам тоа барем до 15-тата или 16-тата година - јасна е Беркли, а пренесува британски „Сан“.

Таа го објави видеото на Тикток, кое за кратко време имаше повеќе од два милиони прегледи и 143.000 „лајкови“. Корисниците на социјалните мрежи брзо ги споделија своите мислења, многумина ја критикуваа мајката затоа што ѝ дозволила на нејзината ќерка да потроши толку многу пари на производи за кои сметаат дека се несоодветни за нејзината возраст.

- Зошто намерно се обидуваш да ѝ ја уништиш кожата? Козметиката може да ѝ ја уништи бариерата на кожата, таа е уште дете, не прави го тоа!

- Хидратантниот крем со сјај содржи хијалуронска киселина. На детето навистина не му треба тоа!

- На некои луѓе им е потребна дозвола за родителство пред да имаат деца.

- Оваа жена веројатно го гледа своето дете само додека снима видеа. Најверојатно, девочето поголем дел од времето поминува со дадилка.

- Зошто го правиш тоа, мамо? Подобро однесете ја во продавница за играчки – гласеа дел од коментарите под виралното видео на Беркли.

Беркли не сакала да ги игнорира критиките на нејзините придружници под видеото, па напишала:

- Ви благодарам што ме посрамотивте.

Но, ни по овој нејзин одговор, коментарите за нејзиниот екперимент не стивнуваа, но сепак беа поблаги.

-Сите како деца имавме сјај за усни и си игравме со кал, преправајќи се дека е маска за лице.

-Маските за лице и сјајот за усни се очекувани производи што едно девојче би ги одбрало од продавница за козметика – коментирале луѓето.

Овој случај покрена жестока дебата на социјалните мрежи за правилно воспитување на децата и одговорноста кај родителите во изборот на производи за деца. Додека едни ја осудуваа Беркли што ѝ дозволила на нејзината шестгодишна ќерка да потроши голема сума пари на козметика, други ја бранеа мајката, посочувајќи дека тоа е дел од созревањето и истражувањето.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.