Од клубот на младински политики се предложени две опции. Матурантите да полагаат два екстерни испити, а за интерните да се изведе средна оценка од четирите години или пак да се полагаат предметите по скратена постапка.
Бленди Ходаи, претседателот на Сојузот на средношколци вели дека за нив прифатлива е првата опција, но сепак конечна одлука ќе донесат по состанокот со останатите членови на Сојузот.
За овие решенија не се потребни законски измени, иако претходно пратениците на ВМРО-ДПМНЕ доставија Предлог-измени на Законот за средно образование. Пратеничката од владеачкото мнозинство Моника Зајкова се надева дека предложените опции ќе бидат прифатиливи за сите засегнати страни.
-Низ дебатата се отворија оптимални предлог решенија кои се надевам ќе бидат прифатливи и за учениците но и за МОН и владата.Скратувањето на програмите произлегува од наставата од ковид кризата.Не можност да се следат предавањата и оскудните технички проблеми,вели Моника Зајкова- пратеник.
Матурантите во понеделникот го прекинаа бојкотот на онлајн наставата тврдејќи дека имаат поддршка од над 70 пратеници , ден потоа остварија средба со премиерот Зоран Заев од кого добија ветување дека Владата ќе работи на изнаоѓање на заедничко компромисно решение кое ќе биде во полза на матурантите.