На поранешната девојка по раскинувањето и напишал 22000 СМС пораки!! - Канал 5

На поранешната девојка по раскинувањето и напишал 22000 СМС пораки!!

Еден 33 годишен Французин се соочува со десет месечна казна затвор и 1300 евра парична казна , поради тоа што по крајот на врската со месеци на телефон ја малтретирал својата екс девојка.

На поранешната девојка по раскинувањето и  напишал 22000 СМС пораки!!
Анонимен Французин заврши во затвор поради вознемирување на својата поранешна девојка, екс девојката ја вознемирувал со повици на мобилен и со СМС пораки , и испратил точно 21 807 пораки.

При својот исказ во судот , тој истакнал дека се обидувал да контактира со својата екс девојка за да ја натера да му плати за завршената работа, која ја воделе заедно кога биле во врска .

-Мислев додека не ми ги врати парите , или ми се заблагодари за парите да ја барам на телефон, објасни 33 годишниот Французин пред судот во Лион.
Според неговите зборови , просечно дневно ја барал својата екс девојка по 73 пати , а кога би се обидела да му го блокира бројот , ја барал од телефоните на своите родители или пак од телефонот на работа.

Судот според агенцијата АФП на момчето му одредило психијатриско лекување и му забранил да контактира со екс девојката .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Постигнат договор меѓу МОН и УКИМ, нема исклучување на струјата

Постигнат договор меѓу Минстерството за оразование и ЕВН за надминување на проблемот со долгот за електрична енергија – исклучување на струјата нема да има, а неплатените обврски МОН ќе ги подмири во наредните денови. 

Постигнат договор меѓу МОН и УКИМ, нема исклучување на струјата

Ова го потврдија од ЕВН за Канал 5 од каде посочија дека не можат да споделат колкав точно е долгот кој УКИМ и четирите факултети кон ЕВН. Пред два дена Машинскиот, Електротехничкиот, Природно-математичкиот и Земјоделскиот факултет, како и зградата на Ректоратот на УКИМ остнаа во неколкучасовн мрак откако им беше исклучена електричната енергија. Како настанал долгот не откриваа ниту реторката на УКИМ која во телефонски разговор само ја потврди информацијата дека проблемот со електричната енергија е надминат и дека не очекуваат повторно да дојде до исклучување.

- Согласно договореното, МОН ќе го подмири заостанатиот долг во текот на наредните денови, со што се создадени услови најавеното исклучување на електричната енергија да не се реализира. Во однос на прашањето за конкретниот долг на УКИМ ве информираме дека станува збор за информации кои произлегуваат од деловниот однос меѓу компанијата и нејзините корисници и од тие причини не би можеле да споделуваме поединечни информации за финансиските обврски на конкретни корисници, посочија од ЕВН.

Но, факултетите не се единсвените должници со неплатени сметки, покажуват поодатоците на Министерството за финансии за третиот квартал од оваа година. Вкупните долгови на државните институции и јавни претпријатија се околу 700 милиони ерва, од кои околу 125 милиони евра се достепани, а не платени долгови за комунлани услуги, греење, комуникација и транспорт.

Долгата должничка листа со години ја предводат Македонски железнци и Транспорт, со долгови од по над 80 милиони евра. Трети се Електрани на Македонија со долг од 40 милиони евра, а јавните здравствени установи вкупно должат над 157 милиони евра.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Почна амaндманската расправа за Предлог буџетот за 2027 година, поднесени 400 амандмани

Со поднесени 400 амандмани почна амандманската расправа на предлог-буџетот за 2027 година. Најголем дел од нив 226 се од СДСМ, 87 од ДУИ, Левица поднесе 83, Алијанса за Албанците три и пратеничката Весна Бендевска еден амандман.

Почна амaндманската расправа за Предлог буџетот за 2027 година, поднесени 400 амандмани

Координаторот на пратеничката група на СДСМ, Оливер Спасовски изјави дека поголемиот дел од нивните забелешки се однесуваат на општински проекти, за подобрување на инфраструктурата, градинки, старечки домови, а меѓу клучните приоритети кои бараат да се вметнат во буџетот за следната година е минимална плата од 600 евра, повисоки плати за јавниот сектор, како и подобри услови во образованието, здравството и за жртвите од насилство.. Според него со владиниот план за буџетот ќе има нови задолжувања, а ќе се крати од реалните потреби на граѓаните.

Токму амандманот за зголемување на минималната плата во јавниот сектор беше меѓу првите на амандманската расправа во Комисијата за финансирање и буџет, на која присуствуваше заменик министерот за финансии Николче Јанкуловски. Тој рече дека Владата максимално се залагала за зголемување на платите, но барањето на СДСМ беше одбиено.

-Со буџетот за 2027 обезбедуваме дополнителни плус 3,4 милијарди денари, за плати во јавниот сектор, што претставува зголемување од околу 6,3 проценти во однос на оваа година. Од овие причини амандманот не се прифаќа. Николче Јанкуловски - заменик-министер за финансии.

Амандманската расправа за буџетот трае вкупно шест дена. Со предлог-буџетот за следната година се планирани вкупни приходи од 395,4 милијарди денари, што е за 5,7 проценти повеќе од 2026 година.

Расходите се проектирани на 440,4 милијарди денари, односно зголемување од 4,8 проценти. Буџетскиот дефицит е планиран на 45 милијарди денари, или 3,5 проценти од бруто-домашниот производ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка, повторно ја отвори дилемата кога конечно ќе се стави крај на проблемот со добитокот што со години ги мачи кривопаланчани.

Иако пред новинарите требаше да се обратат министерот Борче Серафимовски, директорот на Агенцијата за храна и ветеринарство, Јовица Андовски, и градоначалникот Сашко Митовски, прес-конференцијата не се одржа.

Од Министерството за Канал 5 објаснуваат дека причината за одложувањето е потребата од дополнителна меѓуинституционална координација и допрецизирање на акцискиот план.

„Денешната прес-конференција е одложена бидејќи во текот на меѓуинституционалната комуникација и координација се отворија нови прашања околу организацијата на веќе утврдените активности. Поради тоа, се појави потреба од допрецизирање на одредени делови од Акцискиот план пред неговото понатамошно институционално процесирање. Подготовката е во завршна фаза, во моментов се допрецизираат обврските на секоја институција и редоследот по кој ќе се исполнуваат обврските. Штом биде усвоен од страна на Владата, Министерството за земјоделство, шумарство и водостопанство ќе ја соопшти временската рамка за граѓаните да бидат информирани кога ќе започнат активностите.“ – Министерство за земјоделство, шумарство и водостопанство.

Од друга страна, градоначалникот на Крива Паланка, Сашко Митовски, во денешното гостување во утринската програма на Канал 5 изрази жалење поради одложувањето на прес-конференцијата.

Како што досега на многу пати говореше Митовски, АХВ треба да биде носител на оперативната акција за заловување на добитокот, по што животните ќе преминат во надлежност на Агенцијата за управување со одземен имот. Во акцијата треба да биде вклучено и МВР, додека Општината и јавните претпријатија ќе обезбедат логистичка поддршка.

„Верував дека еве денеска можеме да имаме првично решение. Иако сметам дека ова кое е ставено на хартија е почеток на решавање на проблемот. Допрва ќе следи теренската активност и решение на проблемот. Имаме донесено решенија за одземање на добитокот. Единствено агенциите државни АХВ и сл. коишто се надлежни во дадената состојба треба да постапат по самите решенија.“ изјави – Сашко Митовски, градоначалник на Крива Паланка .

Во меѓувреме, Агенцијата за храна и ветеринарство потврди дека досега се заловени 96 говеда од како што општината тврди дека се 1.000.Како главни пречки ги посочува непристапниот терен и опструкциите од поранешните сопственици

Додека Владата во вторник, 24 ноември, треба да го разгледува акцискиот план, револтираните жители на Крива Паланка за утре, во 11 часот, најавуваат протест под мотото „Стоп на кравите“, со блокада на магистралниот пат, барајќи конечно и трајно решение за долгогодишниот проблем со добитокот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер