На патеката кон Пониква се одржа првиот ридско-брзински натпревар во автомобилизам - Канал 5

Автомобилизам

На патеката кон Пониква се одржа првиот ридско-брзински натпревар во автомобилизам

Организатор на трката беше Автомобилистичката федерација на Македонија.

На патеката кон Пониква се одржа првиот ридско-брзински натпревар во автомобилизам

На патеката кон туристичкиот центар Пониква на Осоговските Планини денеска се одржа меѓународната авто-рели трка што се бодува за шампионатот на Централноевропската зона на Светската автомобилистичка федерација (FIA-CEZ), како и за домашниот шампионат за ридско брзински натпревари.

Организатор на трката беше Автомобилистичката федерација на Македонија со техничка поддршка од авто клубот „Перформанс“ од Скопје и од Здружението на возачите – Кочани.

На натпреварот учествуваа триесетина домашни, како и возачи од Србија, Црна Гора, Словенија, Босна и Херцеговина, Косово и Полска, кои возеа на патеката долга 5,3 километри, од локацијата над градската депонија до рамнината на регионалниот пат кон Пониква, пред Шумската куќа.

Во бодувањето за FIA-CEZ во групата 1 победи дебитантот на трката на Пониква, Армин Мујкановиќ од Босна и Херцеговина, кој возеше со лиценца на „Сплитски аутоклуб“ од Хрватска. Во групата 2 првопласиран беше Грегорж Дуда од „Дуда моторспорт“ од Полска, кој веќе десетина години е редовен учесник на ридско брзинскиот натпревар на Пониква, а на второто место се пласираше Милан Костадиновиќ од АМК „Војновиќ РТ“ од Србија. Во групата 3 патеката најбрзо ја извози гостинот од Словенија, Анже Довјак од АМД „Горица“, а во групата 4 првото место го освои Ванчо Мизовски од АК „Пероформанс“. Меѓу возачите во групата 5 првопласиран беше Филип Кунчер од АК „Подгорица рејсинг тим“ од Црна Гора, втор домашниот возач Александар Ангеловски од АК „Перформанс“, а третото место го освои Влатко Костовски од АКК „Проспорт“. Во категоријата 2 најбрз беше Гентјан Шакири од Албанија кој возеше автомобил формула 3.

Кај бодувањето за домашниот шампионат се возеа две трки, при што во првото возење во класата Е1 1200 првото место му припадна на Игор Наумовски од АКК „Фичо“, додека второто место го освои неговиот клупски колега и дебитант на трката, Стефан Силјаноски. Во класата Е1 1400 најбрз беше Ѓорѓи Наков од АК „Перформанс“, второ место за Ангелчо Димов од АКК „Фичо“, кој првпат возеше на Пониква и трето место Коста Костадиновски од АК „Стефановски РТ“. Најдобар во класата Е1 1600 беше искусниот Орхан Амет од АК „Перформанс“, зад него со десетина стотинки заостанување се најде Златко Трајановски од АКК „Проспорт“, а трет беше Душко Јанакиевски од АК „Перформанс“. Во класата Е1 2000 имаше силна конкуренција и мала разлика во резултатите, а првото место му припадна на кочанецот Дејан Манасиев од АКК „Проспорт“, втор беше Александар Ангеловски од АК „Перформанс“, а трет Даниел Блажевски од АКК „Проспорт“. Во категоријата Е1 2000+ првото место го освои Влатко Костовски од АКК „Проспорт“.

На втората трка во класата Е1 1200 беа постигнати истите резултати како и во првата, односно првото и второто место ги освоија возачите на АКК „Фичо“, Игор Наумовски и Стефан Силјаноски. Во класата Е1 1400 повторно најбрз беше Ѓорѓи Наков, а зад него се најде Коста Костадиновски. Првото место во категоријата Е1 1600 го освои Душко Јанакиевскки, второпласиран беше Златко Трајановски, а Орхан Амет имаше проблеми со возилото и се најде на третото место. Во класата Е1 2000 дојде до промена во пласманот, прв беше Александар Ангелевски, кој имаше и најбрзо време на минувње на патеката, второпласиран беше Даниел Блажевски, а третото место му припадна на Дејан Манасиев. Во категоријата Е1 2000+ првото место повторно го освои Влатко Костовски.

Во клупска конкуренција и во двете возења за домашниот шампионат имашпе идентични резултати, при што првото место го освои АК „Перформанс“, второто АКК Проспорт“, а третото место му припадна на АКК „Фичо“.

Поради проблеми со возилата петмина возачи не обезбедија пласман во домашниот шампионат, а во бодувањето за FIA-CEZ еден возач од Косово излета од патеката, го оштети возилото и не ја заврши трката.

Во септември на Пониква ќе се одржи и вториот ридско брзински натпревар во автомобилизам за домашниот шампионат и за FIA-CEZ бодувањето. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Познато е колку Том Холанд би можел да заработи на новиот Спајдермен

Том Холанд би можел да заработи помеѓу 20 и 25 милиони долари за својата улога во филмот "Spider-Man: Brand New Day" .

Познато е колку Том Холанд би можел да заработи на новиот Спајдермен

Оваа сума ја вклучува основниот хонорар и бонусите поврзани со заработката од бокс-офисот. Новиот акционен хит во режија на Дестин Даниел Кретон веќе го сруши американскиот рекорд на филмот „Avengers: Endgame“ за заработка во текот на првиот викенд од објавувањето, пишува „The Hollywood Reporter“.

YouTube video

Патот на Холанд до мултимилионски хонорар

Кога актерот се приклучи на кинематографскиот универзум на Марвел во „Captain America: Civil War“ во 2016 година, тој заработи околу 250.000 долари, според „CheatSheet“. После тоа, неговиот хонорар брзо растеше.

За „Spider-Man: Homecoming“ во 2017 година, тој доби 1,5 милиони долари, од кои 500.000 долари беа фиксен хонорар, а остатокот беа бонуси. Две години подоцна, тој заработи 4 милиони долари за „Far From Home“, додека се проценува дека добил околу 10 милиони долари за „No Way Home“ од 2021 година.

Филмот веќе надмина 1 милијарда долари приходи

„THR“ вчера објави дека „Brand New Day“ веќе надмина 1 милијарда долари приходи во кината ширум светот. „Sony Pictures“ потврди дека филмот, во кој глумат и Зендаја и Сејди Синк, заработил 1,05 милијарди долари за само шест дена од објавувањето. Ова го прави само втор филм во историјата што го сторил тоа за толку краток временски период.

Филмот „Avengers: Endgame“ заработил 1,2 милијарди долари ширум светот во својот прв викенд во април 2019 година. „Sony“ истакнува дека новиот „Спајдермен“ го срушил американскиот рекорд на „Endgame“, кој изнесувал 357,1 милиони долари. Сепак, „Endgame“ сè уште го држи светскиот рекорд за заработка во првиот викенд, со 1,2 милијарди долари, додека „Brand New Day“ заработил 932 милиони долари во истиот период.

Извор: Индекс.хр

Тагови: Спајдермен Том Холанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Во Ново Село денеска мирни млади социјалдемократи го пречекаа Христијан Мицкоски со едноставна порака, Гостивар се труе, вие сте виновни.

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Мирно. Културно. Без насилство.

Одговорот на организираната криминална група беше класичен: пратија околу десетмина да им се закануваат, да ги нападнат и да ги замолчат.

Меѓу нив и шофер на градоначалникот на Ново Село, Наско Димитриев.

Вчера поднесуваа кривични пријави за навреда.

Денеска праќаат насилници.

Ова е нивото на власт што ја води Мицкоски.

Кога нема аргументи - праќаат луѓе да тепаат.

Кога нема резултати - шират страв.

Кога народот прашува за труењето во Гостивар - тие напаѓаат млади.

Мицкоски ја загуби контролата.

Се плаши од вистината.

Се плаши од народот.

Се плаши од младите.

Затоа што младите не се купуваат со лаги.

Не се плашат од закани.

И не молчат додека цела Македонија се труе.

СДСМ бара од МВР веднаш да ги идентификува и уапси сите учесници во нападот.

Сите до еден. Без селективност. Без заштита.

А на младите социјалдемократи им порачуваме јасно:

Не сте сами!

Нема да ве замолчат.

Борбата против насилството и криминалната власт продолжува.

Народот е буден.

И стравот веќе не е на нивна страна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер