На „Охридско лето" вечерва концерт на дуото Даниел Роланд и Маја Богдановиќ - Канал 5

Култура

На „Охридско лето" вечерва концерт на дуото Даниел Роланд и Маја Богдановиќ

Музичката фестивалска програма на „Охридско лето" продолжува вечерва со концертот на уметниците Маја Богдановиќ на виолончело и виолинистот Даниел Роланд.

На „Охридско лето" вечерва концерт на дуото Даниел Роланд и Маја Богдановиќ

По синоќешното свечено отворање и спектаклот што го донесоа уметниците од Националната опера и балет, музичката фестивалска програма на „Охридско лето" продолжува вечерва со концертот на уметниците Маја Богдановиќ на виолончело и виолинистот Даниел Роланд.

Холандско-англискиот виолинист Даниел Роланд и српско-француската виолончелистка Маја Богдановиќ ги спојуваат своите неверојатни енергии во исклучително музичко партнерство. Од основањето на нивното дуо во 2018 година тие настапуваат на бројни фестивали во Европа, САД и Јужна Америка освојувајќи ја публиката со нивната страст, нежност и авантуристички конципирана програма, како и со нивната иновативност и прекрасно чувство за меѓусебно надополнување и музичка комуникација. Редовно се гости на холандската радио-телевизија и се особено посветени на проширување на релативно малиот репертоар за оваа комбинација инструменти. Нивното неодамна издадено ЦД за компанијата „Challenge Records" вклучува светски премиери и дела од Пендерецки, Солима, Васкс, Нисинман и е одлично примено од музичката критика. Американскиот магазин „American Record Review" пишува „Исклучително- неверојатно богатство, комплетно уживање", додека пак дневниот холандски весник „Ханделсблад" го опишува како „магична средба на виолончелото и виолината".

Даниел Роланд се етаблира на интернационалната музичка сцена како разновиден, комуникативен и харизматичен изведувач со широк репертоар од барок до современа музика. Во изминатите концертни сезони настапува со оркестри од Тромсо на северот на Норвешка до оркестрите во Кејптаун, а соработува со водечки диригенти како: Хајнц Холигер, Јаап ван Цвејден, Франсоа Ксавиер Рот, Лоренс Фостер, Росен Миланов и Андреј Борејко. Тој е посветен камерен музичар, неговите настапи му носат соработки со истакнати музичари меѓу кои и: Иври Гитлис, Хајнц Холигер, Жил Апап, Ана Федорова, Александер Лонквих, Нино Гветадзе Мајкл Колинс, Николас Даниел, Владиимир Менделсох, Ларс Вогт, Алберто Месирка, Вилард Вајт и Елвис Костело. Во 2005 година Даниел го основа Интернационалниот музички фестивал Штифт во регионот Твенте во источна Холандија. Фестивалот е меѓународно признат поради интимниот карактер, авантуристичка програма и прекрасна атмосфера. Дванаесет години Роланд беше водач на познатиот „Бродски" квартет со кој настапуваше ширум светот и со кој остваруваше многу снимени изданија меѓу кои и познатиот циклус на дела од Шостакович. Даниел Роланд предава на Кралскиот колеџ за музика во Лондон.

Маја Богдановиќ се вбројува во најдобрите виолончелисти на денешницата. Концертно настапува со „Тонхале" оркестарот во Цирих, со Филхармонијата во Токио, со Минхенскиот камерен оркестар, Белградската филхармонија, Берлинскиот симфониски оркестар и оркестарот на РТВ Словенија. Како камерен музичар таа е чест гостин на фестивали за камерна музика ширум светот настапувајќи со исклучителни уметници како: Марта Аргерич, Јуриј Башмет, Јулијан Рахлин, Нино Гветадзе, Немања Радуловиќ и Мариана Ширнијан. Има издадено неколку носачи на звук за компаниите „Лиринкс" и „Нимбус", а нејзиното соло-рецитално ЦД „Источен ветер" е снимено за „Орхид класикс" со пијанистката Марија Белоусова. Посебно место во репертоарот на Маја

Богдановиќ заземаат делата од современите автори, па така таа премиерно изведува дела од: Николас Бакри, Софија Губајдулина, Кшиштоф Пендерецки, Филип Сојерс, Исидора Жебељан и др.

Нејзината соработка со легендарниот композитор Кшиштоф Пендерецки започнува во 2008 година со настапите со Белградската, а потоа и Словенечката филхармонија каде го изведува неговиот втор концерт за виолончело и оркестар под диригентската палка на самиот композитор, а подоцна заедно го снимаат истото дело за издавачката компанија „DUX". Маја Богдановиќ е лауреат на повеќе меѓународни натпревари, а образованието го стекнува на конзерваториумот за музика во Париз на кој дипломира и магистрира во класата на Мишел Штраус, а камерна музика посетува кај Пјер-Лорен Аимар и Итамар Голан. По студиите во Париз се усовршува во Берлин под водство на Јенс Петер Маинц, а посетува мајсторски курсеви кај Бернард Гринхаус, Албан Герхард и Хајнрих Шиф.

Концертот на дуото е од 21 часот, на сцената во катедралната црква „Света Софија".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Среде ММА борба ѝ испаднале градите, од тоа заработи богатство на OnlyFans (ВИДЕО)

Мексиканската ММА борачка Лусеро Акоста (32) имаше инцидент за време на борбата против Канаѓанката Шенон Кларк на настанот од Лигата на професионални борци (PFL) одржан на 16 октомври во Чикаго. 

Среде ММА борба ѝ испаднале градите, од тоа заработи богатство на OnlyFans (ВИДЕО)

За време на третата рунда, нејзиниот спортски градник се помести, оставајќи ги нејзините гради накратко изложени на телевизиските камери. Видеото стана вирално на социјалните мрежи, а Акоста по борбата објави дека инцидентот ѝ донел дополнителен приход на OnlyFans.

Акоста, позната по прекарот Ла Лоба, го имаше своето деби за организацијата PFL во Чикаго. Таа добро ја отвори борбата, но Кларк постепено ја презеде контролата. Во третата рунда, Канаѓанката ја собори противничката и почна да ја удира додека лежеше на подот.

За време на таа размена на удари, горниот дел од спортската опрема на Акоста се исфрли, оставајќи ја едната нејзина града изложена. Боречката ја продолжи борбата, но судијата ја запре по една минута и 59 секунди од третата рунда, а победата ѝ беше доделена на Кларк со технички нокаут.

Таа откри дека инцидентот ѝ донел профит

По борбата, Акоста се огласи на Инстаграм и објасни дека поради снимката што се прошири на интернет, интересот за нејзиниот профил на платформата OnlyFans, каде што објавува содржина за претплатници, се зголемил. „Дополнителна заработка на OnlyFans затоа што моите брадавици беа видливи за време на преносот во живо на PFL. Слатко. Официјален спонзор“, напиша мексиканската борачка.

Во друга објава, таа ја наведе и бројката од 500.000, за која американските медиуми претпоставуваат дека се однесува на долари, или приближно 446.000 евра. Сепак, Акоста не објасни дали таа сума претставува вкупна заработка, дополнителен приход од претплатници или нешто друго. Таа дури и не понуди доказ за плаќање, па затоа наведената сума сè уште не е независно потврдена.

Таа има повеќе од 500 илјади следбеници

Пред да дојде во PFL, Акоста настапуваше во организацијата Combate Global, каде што стана препознатлива по својот агресивен начин на борба. Пред поразот од Кларк, таа имаше четири победи по ред помеѓу септември 2022 и април 2025 година.

Поразот во Чикаго беше нејзин трет во професионалната кариера и прв со технички нокаут. Нејзиниот моментален сооднос е шест победи и три порази, додека Кларк со оваа победа достигна сооднос од 9:1.

Мексиканката е популарна и надвор од ММА спортот. Таа има повеќе од 500.000 следбеници на Инстаграм, а претходно привлече внимание со видеа од подводен тренинг во бикини. Таа го користи OnlyFans како дополнителен извор на приход, а по последната борба тврди дека бројот на претплатници ѝ значително пораснал.

Тагови: гради ММА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции .

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции кои го зголемуваат ризикот од фатални предозирања, објавува Би-Би-Си.

Иако бројот на смртни случаи од предозирање во САД се намали од врвот од околу 110.000 во 2022 година на околу 70.000 минатата година, експертите предупредуваат дека кризата не е завршена, туку се менува поради зголемената преваленца на синтетички опиоиди и други хемиски супстанции.

Тие не знаат кои супстанции ги земаат

Фентанилот, синтетички опиоид кој е помеѓу 50 и 100 пати посилен од хероинот, често се меша со други супстанции, вклучувајќи синтетички седативи како што се ксилазин и медетомидин.

Ваквите комбинации го отежнуваат уште повеќе лекувањето на предозирањата, бидејќи налоксонот, лек што се користи за враќање на ефектите на опиоидите, не делува на овие седативи.

Според Би-Би-Си, последиците се особено видливи во градови како што се Колумбус, Охајо, и Чикаго, Илиноис, каде што корисниците на дрога честопати не знаат кои супстанции всушност ги земаат.

Скот Сандерс, кој раководи со организација за поддршка на луѓе кои се опоравуваат од зависност во Колумбус, рече дека проблемот се проширил и на корисниците на стимуланси, вклучувајќи крек кокаин, кој може да се меша со фентанил без нивно знаење.

Тој рече дека во округот Франклин, каде што се наоѓа Колумбус, 78 проценти од смртните случаи од предозирање во изминатите 12 месеци биле поврзани со стимуланси.

Дополнителен предизвик за безбедносните служби

Експертите, исто така, предупредуваат за појава на рани и сериозни оштетувања на кожата поврзани со употребата на ксилазин, додека комбинирањето на повеќе синтетички супстанции ја зголемува непредвидливоста на нивните ефекти.

Новите начини за шверцување дрога претставуваат дополнителен предизвик за безбедносните служби. Затворот во округот Кук во Чикаго, еден од најголемите во Соединетите Американски Држави, забележа скок на смртните случаи во 2023 година поврзани со синтетички дроги доставени до затворениците вградени во страниците на книгите и писмата.

Шерифот на округот Кук, Том Дарт, изјави дека затворските службеници морале да ги променат безбедносните процедури, а сега и да ја проверуваат поштата за влага за да откријат хартија натопена во недозволени супстанции.

Дарт верува дека проблемот не може да се реши само со полициски мерки и пресретнување на поштата, туку дека е потребна многу поголема инвестиција во програми за лекување на зависност и закрепнување.

Според него, ширењето на синтетичките дроги го отежнува уште повеќе справувањето со шверцот, бидејќи некои супстанции можат да се произведуваат во импровизирани лаборатории, без потреба од традиционални синџири на снабдување.

Снабдувањето со дрога постојано се менува

Претседателот на САД, Доналд Трамп, ги прогласи нарко-картелите за „терористи“ и ја означи дрогата фентанил, моќен синтетички опиоид, како „оружје за масовно уништување“.

Сепак, снабдувањето со дрога се менува и постојано се дизајнираат нови смртоносни синтетички лекови, вклучувајќи моќен седатив за животни познат на улица како „транк“.

Би-Би-Си известува дека кризата со дрогата во САД се променила во текот на децениите, од хероин и опиоиди на рецепт до фентанил и нови синтетички соединенија, додека експертите предупредуваат дека непредвидливиот состав на уличните дроги претставува зголемен ризик за корисниците.

Покрај борбата против шверцот, организациите што работат со зависници ја нагласуваат важноста на достапниот третман, програмите за превенција и тестирањето за дрога, со цел да се намали бројот на предозирања и да се спасат животи.

Тагови: дрога фентанил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем глад во Авганистан- погодени се 20 милиони луѓе

Се очекува речиси 19,2 милиони луѓе во Авганистан да се соочат со акутна несигурност во исхраната оваа зима поради недостаток на средства, предупреди Канцеларијата на Обединетите нации за координација на хуманитарни прашања (OCHA).

Голем глад во Авганистан- погодени се 20 милиони луѓе

Помеѓу септември и октомври, 15,9 милиони луѓе, или речиси еден од тројца Авганистанци, се соочуваат со акутна несигурност во исхраната на кризно ниво или полошо, изјави Олга Черевко, портпаролка на OCHA во Авганистан, за новинарите во Женева.

Оваа зима, рече таа, пет милиони луѓе би можеле да се соочат со вонредни нивоа на глад.

„Се очекува повеќе од четири милиони деца на возраст од шест месеци до пет години да имаат потреба од третман за акутна неухранетост следната година, вклучувајќи речиси 1,1 милион деца со акутна неухранетост“, рече таа.

20 милиони луѓе се изложени на ризик

Околу една третина од центрите за исхрана се затворени или прекинати со работа, делумно поради намалување на средствата. „Кога овие услуги ќе исчезнат, последиците можат да бидат неповратни, особено за децата“, предупреди Черевко.

И покрај подобрите врнежи од дожд и зголеменото земјоделско производство, милиони луѓе сè уште не можат да си дозволат храна, а годините конфликт, суша и економски тешкотии ја ослабнаа способноста на семејствата да се справат со кризата, рече таа.

„Но, една добра жетва по неколку години суша не може да ја поправи штетата“, додаде таа.

Черевко, исто така, предупреди дека ограничувањата наметнати врз жените и девојчињата ја влошуваат кризата, повикувајќи се на проценките на УНИЦЕФ дека Авганистан би можел да изгуби до 20.000 наставнички и 5.400 здравствени работници до 2030 година ако продолжат сегашните ограничувања.

Таа повика на итна хуманитарна помош пред зимата, со континуирани инвестиции во земјоделството, вработувањето, здравствената заштита и економските можности за жените.

Тагови: Авганистан глад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер