На „Охридско лето“ вечер посветена на композиторот Томислав Зографски - Канал 5

Култура

На „Охридско лето“ вечер посветена на композиторот Томислав Зографски

Со изведба на дела на македонскиот композитор Томислав Зографски, во исполнение на домашни уметници, вечерва во рамки на „Охридско лето“ ќе биде одбележана 80-годишнината од раѓањето на Зографски, еден од основположниците на македонската композиторска школа.

На „Охридско лето“ вечер посветена на композиторот Томислав Зографски
Концертот е закажан за 21 часот во катедралната црква „Света Софија“, а делата на Зографски ќе ги исполнуваат флејтистот Страшо Темков, мецосопранот Ирена Кавкалевска, обоистката Марина Арсова, младите надежни солисти на виолина Бојан Илкоски и Ѓорѓи Петровски, како и пијанистката Анастасија Грговска. Дел од концертот ќе биде и квартетот што го носи името на Зографски.

Селекторот на музичката програма на фестивалот Гордана Јосифова-Неделковска за вечерашниот концерт истакна дека е во рамки на заложбите за вметнување на македонското музичко творештво во фестивалските програми.

- Организираме авторски концерти, настојуваме делата на нашите композитори да звучат во изведбата како на македонските уметници, така и солистите и ансамблите од странство. Овој пат авторската вечер му е посветена на еден од најзначајните македонски музички творци Томислав Зографски, со што фестивалот се вклучува во одбележувањето на 80 години од неговото раѓање„, изјави Јосифова-Неделковска.

Томислав Зографски (1934 – 2000) е еден од основоположниците на македонската композиторска школа, дипломец на Музичката академија во Белград. Од 1967 година до крајот на својот живот бил професор на Факултетот за музичка уметност во Скопје. Зографски е композитор кој во шеесеттите години на дваесеттиот век меѓу првите ги внел карактеристиките на неокласицизмот во македонската музика. Освен тоа, кон крајот на шеесеттите години во некои од неговите дела се присутни тогаш најсовремените композиторски постапки на европската авангарда. Благодарение на неговиот широк творечки интерес кој не запира само на овие две веќе спомнати сфери, тој ја збогатува македонската музика со повеќе од 160 дела од сите музички жанрови. Неговите дела се изведувани во повеќе музички центри во светот, со реномирани оркестри и диригенти. Покрај творечката, значајна е и неговата педагошка дејност.

Имено, Томислав Зографски, како педагог на ФМУ во Скопје, оформил една цела класа помлади, а денес меѓународно афирмирани композитори. Добитник е на две награди за животно дело: државната награда „11 Октомври” и Наградата на Сојузот на композиторите на Македонија „Трајко Прокопиев”, како и на голем број значајни награди за одделни композиции и за филмска музика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Библија, Куран и „Мајн Кампф“ биле пронајдени во станот на терористот од Париз

Импровизирана експлозивна направа со гасни боци е пронајдена во станот на 39-годишен осомничен во пукотница во францускиот департман Ивлин во близина на Париз, во која загина едно лице, а петмина беа ранети, соопштија извори блиски до истрагата. 

Библија, Куран и „Мајн Кампф“ биле пронајдени во станот на терористот од Париз

Истражителите, исто така, пронајдоа копија од книгата на Адолф Хитлер „Мојата борба“, како и Библија и Куран за време на претресот, објавија BFM TV и дневниот весник Le Monde.

Маж пукал во неколку луѓе од автомобил во Ивлин, во западниот париски регион, во петокот, а подоцна бил уапсен во градот Коањер, соопштија француските власти.

Пет други лица се ранети во нападот, од кои тројца се тешко повредени. Меѓу нив имало и 12-годишно девојче. Идентитетот на жртвата сè уште не е познат, а француските медиуми известуваат само дека станува збор за 26-годишен маж.

Францускиот претседател Емануел Макрон ја опиша пукотницата како „пресвртница“ и го осуди нападот како чин извршен под влијание на расистичка идеологија. Тој ги повика граѓаните да не се повлекуваат од идеите што се сè пораспространети и можат да го оправдаат таквото насилство.

Според француското Национално обвинителство за борба против тероризмот (PNAT), осомничениот Кевин Т. не е регистриран во базата на податоци S, која вклучува лица кои претставуваат потенцијална закана за националната безбедност, но е познат на полицијата по претходни кривични дела.

Осомничениот е уапсен во Коињер од страна на припадници на Бригадата за борба против криминалот (BAC).

Тагови: Париз терорист

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Бекам започна со бизнис што носи милиони- дневно заработува огромни суми

Сер Дејвид Бекам докажа дека може да го пренесе својот успех надвор од фудбалскиот терен во светот на бизнисот. 

Бекам започна со бизнис што носи милиони- дневно заработува огромни суми

Поранешниот ас на Манчестер Јунајтед заработува околу 17.250 фунти дневно од своите парфеми, производи за после бричење и други луксузни брендови.

Според финансиските извештаи, неговиот бизнис минатата година остварил приход од 6,3 милиони фунти, од кои 5,4 милиони фунти биле профит. Компанијата има 7,9 милиони фунти во готово, додека нејзината актива се проценува на 10,4 милиони фунти.

Еден од најпознатите производи од неговата колекција е парфемот „Instinct“, а во понудата се вклучени и „Classic Blue“, „True Instinct“, „Bold Instinct“ и „Classic Homme“. Цените на производите за после бричење се движат од 12 до 50 фунти.

- Секој што го запознал Дејвид знае колку добро мириса, па затоа не е изненадувачки што неговите парфеми се толку популарни. Тој почнал да ги произведува во 2000-тите и е многу горд на нив. „Се чини дека неговите обожаватели сакаат да мирисаат како него“, рече еден од неговите пријатели.

Парфемите и другите луксузни производи на Бекам се управувани од Seven Global LLP, а неговиот бизнис ја вклучува колекцијата Eyewear by David Beckham. Тој соработувал и со познати брендови како што се Breitling, Armani, Gillette и Biotherm Homme.

Во финансискиот извештај се наведува дека неговиот глобален комерцијален и лиценцирачки бизнис генерира значајни резултати и обезбедува долгорочен приход.

За разлика од бизнис империјата на Дејвид, модниот бренд на неговата сопруга Викторија Бекам неодамна оствари профит за прв пат по 18 години.

Тагови: Дејвид Бекам

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Меланија разговарала и со Путин и со Зеленски, Трамп ја испофали: Подобра е од професионалец (ВИДЕО)

Меланија Трамп навести дека може лично да отпатува во Украина, а воедно му се заблагодари и на папата Лав XIV за неговата поддршка.

Меланија разговарала и со Путин и со Зеленски, Трамп ја испофали: Подобра е од професионалец (ВИДЕО)

Меланија Трамп навести дека може лично да отпатува во Украина, а воедно му се заблагодари и на папата Лав XIV за неговата поддршка, во услови на контроверзии околу улогата што ја играше поглаварот на Римокатоличката црква во преговорите за локален прекин на огнот, објавува „Њујорк пост“.

„Ќе видиме“, изјави првата дама на САД за „Њујорк пост“ во саботата, кога беше прашана дали би отпатувала во земјата разорена од војна, на што Доналд Трамп додаде:

„Тоа може да се случи“.

Меланија Трамп за прв пат јавно проговори за прекинот на огнот за кој тврди дека посредувала меѓу Русија и Украина, а кој се однесува на градот Олешки, кој се соочува со глад и хуманитарна катастрофа.

Првата дама откри дека разговарала и со рускиот претседател Владимир Путин и украинскиот претседател Володимир Зеленски како дел од нејзините активности.

„Разговаравме. Потпишавме договор“, откри таа.

Претседателот Трамп, кој се обидува да посредува во долгорочен прекин на огнот меѓу двете земји, рече дека неговата сопруга работи подобро од неговите официјални претставници Стив Виткоф и Џаред Кушнер.

„Таа е поуспешна од нашите професионалци“, рече Трамп, насмевнувајќи се.

Тој не ја исклучи можноста да ја испрати да се придружи на разговорите.

„Мислам дека таа во моментов работи подобро од професионалците. Таа има прекин на огнот. Станува збор за деца, луѓе и стари лица“, рече американскиот претседател.

Олешки, во регионот Херсон, е на работ на хуманитарна катастрофа. Градот, на околу пет милји од линијата на фронтот, има околу 2.000 жители, претежно деца и стари лица, кои се принудени да јадат трева за да преживеат.

Меланија Трамп ја изненади јавноста во петокот објавувајќи дека посредувала за локален прекин на огнот во градот, за да можат жителите да бидат евакуирани, а хуманитарната помош да може да стигне до оние на кои им е потребна.

Нејзиниот ангажман беше дочекан со меѓународни пофалби, но во саботата се појавија прашања за улогата на папата Лав XIV, откако беше објавено дека и тој разговарал со Зеленски и Путин, повикувајќи ги да се согласат на прекин на огнот. Неговите разговори се одржаа неколку дена пред првата дама да објави дека е постигнат договор.

Тагови: Доналд Трамп Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер