На „Охридско лето“ проекции на филмови од актерското творештво на Емил Рубен - Канал 5

Култура

На „Охридско лето“ проекции на филмови од актерското творештво на Емил Рубен

Во рамки на програмата на „Охридско лето“ денеска ќе бидат прикажани три играни филма од богатото актерско филмско творештво на Емил РУбен, по повод јубилејот 60-години од неговото присуство на филмското платно.

На „Охридско лето“ проекции на филмови од актерското творештво на Емил Рубен
Директорката на Кинотеката на Македонија Мими Ѓоргоска-Илиевска, најавувајќи го вечерашниот филмски маратон укажа на значајноста што и филмската уметност полека станува дел од програмата на нашата најголема и најреномирана културно-сценска манифестација.

- Мошне е значајно што филмската уметност е дел од програмата на „Охридско лето“. Тоа изминатите неколку години го правиме мошне успешно, одбележувајќи значајни јубилеи на македонската кинематографија, но и значајни настани што го потврдуваат нашето филмско наследство, и тоа како неизоставен елемент на културното наследство и културен идентитет на секоја држава, истакна Ѓоргоска-Илиевска.

Емил Рубен оваа година одбележува јубилеј достоен за почит, шест децении од неговото прво појавување на филмското платно, од неговата филмска кариера започната на шестгодишна возраст со улогата во играниот филм „Тие двајцата“, на Жорж Стригин.

- Од моето прво појавување како дете на филм, во тоа дамнешно време се редеа седум-осум филмови, по што следуваше период на моја адолесцентско време кога некако не ме интересираше таа дисциплина. Но, по некој повод влегов во театарот, тука се заразив и после студиите, дипломирањето и ангжманите во театарот, повторно се вратив на филмот, истакна Рубен говорејќи за своите актерски почетоци.

Тој вели дека и самиот како дете и не бил свесен за тоа што значи да се биде актер, да биде важна алка во некој систем.

- Тоа некако ви изгледа како игра, немате чувство на одговорност. Ќе ги слушате упатствата и доколку сте воспитан ќе го остварите она што од вас се бара. Кога ќе осозреете, тогаш е потешко да се носат улогите, тогаш се бараат и комплексностите и слоевитоста на секој од ликовите што го толкувате, рече меѓу другото Рубен.

За тоа како некогаш се снимале филмови и како тоа се прави денес, Рубен вели дека нема некоја голема разлика, освен во начинот на организираноста на самите продукции.

- Порано тоа го правеа професионални филмски работници, кои доколку не работат моментално филм, веднаш изнаоѓаа компродукции и на тој начин ја одржува својата кондиција на некакво високо рамниште. Денес е многу потешко да се изоргнизира екипа за снимање филм, забележа Емил Рубен.
За вечерва се избрани три филмски наслови од три периоди од филмското актерство на Рубен и тоа започнувајќи со „Малиот Човек“ од 1957 година, од перидот кога Рубен како дете ги бележи почетоците на филмската актерска дејност, продолжувајќи со „Истрел“ од 1972 година, што е негова прва главна улога во филм после дипломирањето на академијата во Загреб, се до „Трето полувреме“ од 2012 година, каде ја потврдува својата сеприсатна енергија како искусен актер.

На програмата на „Охридско лето“ за денеска се предвидени уште две содржини - концерт на македонските уметници Нинослав Димов на саксофон со пијано придружба на Маја Поповиќ, како и отворањето на изложбата на фотографии „Настанување - исчезнување“ на „мајсторот на фотографија“ Боро Рудиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Апокалиптични сцени во Италија: Тоскана под вода, возачи заробени во возила, отсечени села (ВИДЕО)

Силна бура ја погоди Тоскана, Италија, каде што обилни врнежи од дожд предизвикаа поплави, лизгање на земјиштето и сериозни проблеми во неколку општини. 

Апокалиптични сцени во Италија: Тоскана под вода, возачи заробени во возила, отсечени села (ВИДЕО)

Во областа Маса Карара, пожарникарите мораа да извршат спасувачка операција за да го извлечат возачот чиј автомобил беше заробен во поплавен подвозник, додека селата Касет и Форно беа целосно отсечени.

Штетата предизвикана од бурата сè уште се проценува, а италијанската Служба за цивилна заштита издаде предупредувања за вкупно девет региони. Црвено предупредување е издадено за Тоскана, додека портокалово временско предупредување е на сила во Емилија-Ромања и Лигурија.

Драмата се одвиваше во среда, 11 ноември, кратко по 19 часот, кога пожарникарите интервенираа на Виа Лонгобарда во областа Маса Карара. Возач беше заробен во својот автомобил во поплавен подвозник, а спасувачките екипи успеаја да го извлечат. Потоа човекот беше однесен во болница.

Поради ризикот од ново поплавување на реката Фригидо, дополнителна бариера беше поставена во Маса преку ноќ за да се зајакнат нејзините брегови и да се спречат понатамошни поплави.

Ситуацијата е особено тешка во населбите Касете и Форно, кои беа отсечени по лизгањето на земјиштето. Жителите разменуваат информации меѓусебно на социјалните мрежи, при што некои предупредуваат за зголемувањето на нивото на водата на реката Фригидо и ризикот од нови поплави.

„Нивото на реката е застрашувачко и продолжува да расте. Следните неколку часа не се добри. Се надеваме на најдоброто за луѓето и нивните домови“, напиша еден од локалните жители.

Околу 100 луѓе мораа да ги напуштат своите домови поради вонредната состојба.

Од синоќа, пожарникарите интервенираа во дури 24 одделни случаи поради поплавени подрачја, паѓање дрвја врз автомобили и бројни лизгања на земјиштето.

Обилните дождови особено ја погодија областа Лунџиана. Во градот Тресана помеѓу четири и осум часот наутро, наврнаа 76 милиметри дожд. Ситуацијата е дополнително комплицирана од фактот дека земјата веќе беше натопена од врнежите од дожд од претходниот ден.

Во Кардосо, во областа Алта Версилија, врнеше континуирано повеќе од 24 часа, при што во текот на ноќта беа регистрирани 82 милиметри врнежи. Нешто помалку дожд наврна во градовите Форновалоско, Стачием и Барга.

За разлика од најпогодените подрачја, ситуацијата е поповолна по должината на реката Серхио, во градовите Борго, Моцано, Лука, Сан Џулијано Терме и Вецано. Поплавниот бран помина околу 6 часот наутро, додека засега нема поголеми проблеми по должината на реката Арно.

Сепак, дополнителни врнежи од дожд се очекуваат во наредните часови во северозападна Тоскана.

Во Сан Џулијано Терме, куќите лоцирани во поплавната рамнина на реката Серхио беа евакуирани рано наутро. Активиран беше и општинскиот оперативен центар, што е стандардна постапка во областите за кои се прогласени црвени и портокалови предупредувања.

Тагови: вода Тоскана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нова афера во ФИФА: Во игра се милијарди долари, домашна помошничка и врските со Трамп

Претседателот на ФИФА, Џани Инфантино, е под истрага на Службата за внатрешни приходи на САД (IRS) поради сомнение дека нелегално вработил домаќинка во неговата вила во Мајами, платена од фудбалската организација. 

Нова афера во ФИФА: Во игра се милијарди долари, домашна помошничка и врските со Трамп

Според британските медиуми, Инфантино наводно користел врски во администрацијата на Доналд Трамп за да ја обезбеди својата работна дозвола пред Светското првенство во 2026 година.

Доколку обвинувањата се покажат како точни, ФИФА би можела да го изгуби својот привилегиран статус како непрофитна организација во САД и да плати неколку милијарди долари даноци.

Што се случува?

Инфантино престојувал во вилата во Мајами од јуни 2025 до 2026 година пред турнирот што се одржува во Соединетите Американски Држави. Се сомнева дека тој вработил триесетгодишна асистентка која била на платниот список на ФИФА за лични потреби во тој дом.

Се вели дека таа добивала плата од светската фудбалска организација, но работела исклучиво во домот на Инфантино за него и неговата партнерка, Лина. Портпаролот на ФИФА ги негираше обвинувањата. „Прашањата за личниот и приватниот живот на претседателот на ФИФА се негова приватна работа. Сепак, за да се избегне каква било двосмисленост, трошоците за домашниот персонал ги сноси лично претседателот на ФИФА“, рече тој.

Сепак, британскиот „Телеграф“ се повикува на интерно писмо од јануари 2026 година и наведува дека подружницата „Фифа (Америкас) Инк.“ ѝ исплатила на асистентката целосна плата од 1 август 2024 година до 31 октомври 2025 година. Овој договорен однос сега ќе биде детално истражен од американските даночни власти.

Поврзаност со администрацијата на Трамп

Асистентката, државјанка на Никарагва, пристигнала во САД со работна дозвола како дел од програмата за бегалци, но ѝ се заканувала со депортација откако администрацијата на Трамп ги заостри правилата за имиграција во 2025 година.

Според англиските медиуми, Инфантино продолжил да ја вработува во вилата речиси една година без регулиран статус. Во исто време, тој барал начини да стигне до кругот на Трамп преку соработници за да ѝ ги обезбеди потребните документи.

Карлос Кордеиро, десна рака на Инфантино во САД и член на работната група за Светското првенство во 2026 година, наводно бил задолжен за директен контакт со администрацијата. По неговата интервенција, никарагванската жена добила дозвола за легална работа во јануари 2026 година.

Можни финансиски последици

Тужбата против Инфантино ја поднесе Абед Ајуб, адвокат специјализиран за имиграциско право. Ајуб предупредува дека докажувањето на вината може да ја чини ФИФА нејзиниот статус на непрофитна организација во САД.

Губењето на овој привилегиран статус би имало сериозни финансиски последици. Наместо целосно ослободување од данок, ФИФА би морала да плати 21 процент корпоративен данок во САД за приближно 15 милијарди долари што се очекуваат од Светското првенство.

Таквиот финансиски удар значително би ги намалил средствата доделени на 211-те национални асоцијации членки на ФИФА. Исто така, се поставува прашањето дали скандалот ќе го загрози реизборот на Инфантино на претседателските избори во март 2027 година, на кои тој се сметаше за фаворит.

Тагови: Доналд Трамп ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Се урна воен хеликоптер во Турција- нема информации за жртви

Воен хеликоптер С-70 се урна и се запали во турскиот град Малатја, објавија локалните медиуми.

Се урна воен хеликоптер во Турција- нема информации за жртви

Според Ројтерс, откако се слушнал силен тресок во близина на контејнерската населба Саманкој, воениот хеликоптер се урнал и се запалил.

На местото на настанот во источна Турција пристигнале пожарникари, медицински служби и екипи за пребарување и спасување, додека полицијата презела безбедносни мерки во поширокото подрачје.

Сè уште нема прецизни информации за бројот на лица во воениот хеликоптер, ниту за нивната здравствена состојба.

Тагови: турција хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер