На небото се случува спектакл, последен пат виден во средниот век - Канал 5

Технологија

На небото се случува спектакл, последен пат виден во средниот век

Вљубениците во sвезденото небо во понеделникот вечерта имаа можност да гледаат и снимаат вистинско астрономско задоволство - одличното порамнување на Јупитер и Сатурн што многумина го нарекуваат Божиќна sвезда.

На небото се случува спектакл, последен пат виден во средниот век

Такво ретко усогласување се случило пред 800 години, а следното ќе се случи во 2080 година. После тоа, Јупитер и Сатурн толку блиску ќе се дружат во 2400 година.

Усогласувањето или спој е израз што се користи за да се опише очигледната близина на вселенските тела на небото. Двете тела не се навистина блиски, но изгледаат така од гледна точка на луѓето на Земјата.

Гигантските планети Јупитер и Сатурн полека се приближуваат една кон друга од летото, а меѓу 16 и 25 декември навидум ќе бидат толку близу што ќе изгледаат како единствена точка со силен сјај.

Многу астрономи веруваат дека овој спој има врска со библиската приказна за раѓањето на Исус Христос. Имено, како што забележал Јоханес Кеплер во 17 век, сличен спој се случил во 7 п.н.е. и би можел да има астрономско потекло за приказната за Витлеемската sвезда која ги водела мудреците.

Така, некои ќе се прашуваат што може да ни се случи кога планетите ќе се усогласат. Одговорот е – воопшто ништо. Барем не заради усогласувањето.

Иако за време на спојот небесните тела се чини дека се близу едни до други, тоа е само измама создадена од дводимензионалниот поглед на универзумот. Во реалноста, планетите сè уште се во просек оддалечени едни од други (нивното растојание зависи од орбитите во кои се движат) како порано. Само за нас од Земјата изгледа дека тие стојат прилично блиску затоа што нашите очи не можат да ја регистрираат длабочината, односно вистинското растојание меѓу нив во тродимензионален простор.

Поради оваа измама, се чини како да се наредени неколку планети на мал дел од небото, додека во реалниот простор тие се уште се многу далеку.

Не е ни чудо што во далечното минато, кога немало телескопи и кога астрономијата како наука била сè уште во зачеток, луѓето верувале дека усогласувањето на планетите укажува на некој судбоносен настан. Ова се многу ретки настани и логично е дека древните цивилизации, кои немале увид во вистинската природа на планетите, сметале дека ова има некое посебно значење.

"Како и да е, овие две планети многу ретко се усогласуваат, тоа се случува на секои 20 години или така. Но, овој спој е посебен затоа што се чини дека планетите стојат една до друга", рече неодамна астрономот Патрик Хартиган од Универзитетот Рајс. .

„Ако сакавме да бидеме сведоци на уште поблиско усогласување помеѓу Јупитер и Сатурн, ќе мораше да се вратиме на 4 март 1226 година“, рече тој.

"На 21 декември овие два гиганти ќе бидат најблиску и ќе изгледаат како двојна планета. Ќе бидат распоредени само на 1/5 од дијаметарот на полна месечина", додаде Хартиган.

Многу блиска врска помеѓу Јупитер и Сатурн, слична на оваа, се случила и на 16 јули 1623 година. Но, во тоа време не било толку јасно видливо бидејќи од перспектива на Земјата, се движеле во правец на Сонцето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион полн со патници добил дојава за бомба, извршил принудно слетување

Авион што летал од Лондон кон Варшава денес извршил вонредно слетување на аеродромот „Варшава-Модлин“, откако било пријавено присуство на експлозивна направа во леталото. 

Авион полн со патници добил дојава за бомба, извршил принудно слетување

Ова доведе до затворање на аеродромот, соопштија аеродромските власти.

Авионот слетал во Модлин во 10:01 часот со 181 лице во него, изјави Адам Шабловски, портпарол на аеродромот „Варшава-Модлин“, пренесува „TVN24“.

Тој додаде дека во моментов се очекува пристигнување на екипи за деактивирање експлозивни направи.

Авионот првично требало да слета на аеродромот „Варшава-Шопен“, но бил пренасочен кон Модлин.

Според соопштението од аеродромот, тревога била прогласена во 9:54 часот, откако била пријавена закана за бомба на летот од лондонскиот аеродром „Хитроу“ кон аеродромот „Варшава-Шопен“.

Во моментот на слетувањето, во авионот имало 3,7 тони гориво.

„По слетувањето, леталото беше упатено кон посебно одредена зона, каде што ќе остане до донесување на натамошни одлуки и добивање упатства од надлежните органи, вклучително и екипите за деактивирање експлозивни направи“, се наведува во соопштението.

Аеродромот „Варшава-Модлин“ останува затворен до понатамошно известување, додека властите ја истражуваат пријавената закана и преземаат мерки за да се осигура безбедноста на сите присутни на аеродромот. „Безбедноста на патниците, екипажот и аеродромскиот персонал во моментов е приоритет“, се вели во соопштението, при што се додава дека информациите за евентуални промени во ситуацијата и за повторното воспоставување на воздушниот сообраќај ќе бидат објавени дополнително.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: 50 години Општина Центар, половина век историја, развој и визија за иднината

Општина Центар денеска одбележува 50 години од своето постоење. Јубилејот е повод да се потсетиме на нејзиниот развој, но и да ги истакнеме промените и резултатите со кои Центар продолжува да се развива како современо урбано јадро на Скопје.

Герасимовски: 50 години Општина Центар, половина век историја, развој и визија за иднината

„Среќен сум и горд што токму во мојот градоначалнички мандат го одбележуваме овој голем јубилеј. Центар има богато минато, силен урбан дух и голема иднина што заедно ја градиме. Во изминатите пет години работевме општината да биде посовремена, подостапна, потранспарентна и поблиску до секој граѓанин. Општина во која секој е добредојден, секој глас се слуша и секој денар се вложува одговорно“, истакнува градоначалникот Горан Герасимовски.

Во мандатот на Герасимовски се реализираа низа значајни проекти во образованието, детската заштита, спортот, инфраструктурата и услугите за граѓаните. Изградена е градинката „Пролет“, со капацитет за 173 деца, обновена е спортската сала „Работнички“, реконструирани се улици, доградени училишта и подобрени условите за образование и престој на најмладите.

Паралелно, општината инвестира во зелената и енергетската трансформација, обновливите извори на енергија, нови паркови и зелени површини, како и во програми за поддршка на учениците, младите, повозрасните и лицата со попреченост.

„Секој проект има своја приказна, но сите имаат иста цел – подобар Центар за сите генерации. Особено ми значи довербата што граѓаните ми ја дадоа за втор мандат. Тоа е обврска да продолжиме уште посилно, со нови идеи, амбициозни проекти и конкретни резултати. Верувам дека најголемата вредност на една општина се луѓето и условите што им ги создава за живот“, додава Герасимовски.

Центар останува општина со силен урбан идентитет, препознатлива по својата динамика, културно наследство и континуирани вложувања во современи урбани решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Продолжуваат градежните активности за изградба на новиот мост преку реката Луда Мара

Со засилено темпо продолжуваат градежните активности за изградба на новиот мост преку реката Луда Мара во село Марена.

Јанчев: Продолжуваат градежните активности за изградба на новиот мост преку реката Луда Мара

Проектот е во напредна фаза на реализација, а градежните работи на терен се одвиваат со континуиран напредок.

Инвестицијата е во вредност од 12 милиони денари, обезбедени преку финансиска поддршка од Министерството за транспорт.

➡️ Новиот мост ќе располага со:

✔️ Две коловозни ленти

✔️ Тротоари од двете страни

✔️ Вкупна ширина од 8,5 метри

Со реализацијата на овој значаен инфраструктурен проект ќе се овозможи побезбедно и поефикасно одвивање на сообраќајот, подобра поврзаност и современи услови за сите учесници во сообраќајот.

Продолжуваме со инвестиции во модерна и безбедна патна инфраструктура, за подобар квалитет на живот на сите граѓани!- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер