Причината за таквите пулсирања не е позната , велат научниците.
Ова откритие е само едно од неколкуте изненадувачки прелиминарни загатки од возилото InSight на НАСА. Од слетувањето на Црвената планета во ноември 2018 година, InSight собира информации за геологијата на планетата, така што научниците можат подобро да ги разберат внатрешните случувања и еволуцијата. Ландерот ја мери температурата на кората, ги доловува звуците на земјотресите и ја мери јачината и правецот на магнетното поле на Марс.
Наодите беа презентирани минатата недела преку серија интересни презентации на заедничката средба на Европскиот Конгрес за планетарни науки и на Американското астрономско друштво.
Покрај невообичаените магнетни пулсирања, податоците за земјиштето покажуваат дека Марсовата кора е многу помоќна, во магнетна смисла, отколку што се очекуваше. Покрај тоа, InSight забележа дека Марс има многу необичен електрично спроводлив слој, дебел околу 4 километри, кој се наоѓа длабоко под површината на планетата. Постои можност дека ова е всушност глобален резервоар на проточна вода.
Поточно, на Земјата подземните води можат да бидат содржани во песок, земја и карпи.
„Не треба да нè изненадува да најдеме вакво нешто на Марс“, рече Јани Радебау, научник од универзитетот Бригам.
Ландер InSight покажа дека магнетното поле во близина на неговата локација се менува од време на време. Ваквата флуктуација е позната како магнетно пулсирање, објаснува Метју Филингним, физичар од универзитетот Беркли и член на научниот тим на InSight.
Овие се флуктуации во јачината или насоката на магнетното поле кои не се невообичаени сами по себе. Тие се случуваат на Земјата и на Марс и се предизвикани, меѓу другото, од ситуацијата во горниот атмосферски слој и дејството на сончевиот ветер.
Она што е навистина чудно е што овие осцилации на Марс се случуваат на полноќ (по локално време), како да се одредени од невидлив ноќен часовник.
Иако научниците не можат со сигурност да утврдат што ги предизвикуваат овие мистериозни пулсирања, една од претпоставките е мешањето на сончевиот ветер и глобалниот магнетен меур.