Со последните истражувања и откривањето вода на Марс , се погласнис е верувањата дека на планетата има и подземни езера. Според најновите истражувања објавени во научното списание Nature Geoscience, во слоевите под површината на Марс би можело да има молекуларен кислород, главен елемент за развој на животот. Кислородот во таков облик е доволен предуслов за развој на микроорганизми , па дури и за посложени форми на живот.

Најголеми слоеви на молекуларен кислород на Марс има во близина на половите. Пред 3,8 милијарди до 4 милијарди години Марс бил многу послечен на Земјата и ги имал условите за формирање на првите облици на живот.

Имал густа атмосфера, магнетни полиња, вулканска активност , додека водата течела по површината , сметаат научниците. Денес неговата површина е сосема различна . На планетата е пусто и студено со дневни температури од 5 до 10 степени дење до минус 100 до минус 120 степени ноќе. Нема атмосферски притисок , што значи дека и доколку би имало вода на површината , веднаш би испарила.

Со оглед на фактот дека роверите на НАСА може да дупчат само 2 сантиметри под површината на Марс, научниците многу надеж полагаат во возилото Ексо Марс , кое може да дупчи до длабочина од два метра. Т

ој би требало да биде лансиран во 2020 , како заеднички проект на Европската вселенска агенција и на Русија. Научниците се надеваат дека испитувањата со најновиот ровер на Марс ќе бидат насочени кон местата со молекуларен кислород.