На Марс е снимена чудна карпа со облик на крофна (ФОТО) - Канал 5

Технологија

На Марс е снимена чудна карпа со облик на крофна (ФОТО)

На 22 јуни, роверот Perseverance на НАСА фотографираше мистериозна карпа во облик на крофна од само 100 метри во делтата на кратерот Језеро на Марс.

На Марс е снимена чудна карпа со облик на крофна (ФОТО)

За жал, научниците не му наредиле на роверот да се приближи до објектот и да собере примерок, па засега не се знае точниот состав и потеклото на оваа марсовска „крофна“.

"Не можам да кажам со апсолутна сигурност дека не се работи за метеорит. Само дека е многу, многу малку веројатно. Имено, во овој регион во кој се наоѓаме, има многу карпи со издлабена внатрешност", изјави астрогеологот Џим Рајс од Државниот универзитет во Аризона, како што објави Си-Ен-Ен.

На овој простор најмногу се среќаваме со седиментни песочници, карпи стари неколку милијарди години. „Тие беа предизвикани од поплави во големата долина на реката Неретва, од која целата вода, камења и талог пристигнаа во оваа област. Оваа карпа веројатно е донесена од друго место“, смета Рајс.

Веројатно некои читатели, заедно со веста за необичната карпа, ги изненадија и имињата како долината на Неретва, со оглед на тоа дека станува збор за Марс. Не грижете се, не е погрешен превод. Имено, Perseverance слета во кратерот Језеро, кој го добил името по едно село во Босна и Херцеговина. Тоа е вдлабнатина широка 45 километри која се наоѓа на северната хемисфера на Марс.

Подрачјата во близина на кратерот го добиле и името по реките кои течат низ БиХ. Така, веднаш до местото на слетување е долината Неретва, која всушност го претставува пресушеното корито на древна река. Југозападно од кратерот Језеро се наоѓа долината Уна, а на север е долината Сава.

Инаку, роверот за прв пат ја забележал карпата на 15 април, кога ја снимил од околу 300 метри.

Што се однесува до необичната форма, Рајс рече дека се работи за карпа поголема од 25 сантиметри и дека во неа најверојатно имало уште една карпеста формација која со текот на времето еродирала, по што настанала оваа карактеристична шуплина.

Тој додаде дека причината за оваа форма на крофна може да биде и ветерот кој постепено се проширил и ги зголемил малите дупки или шуплини во карпата. Со него не се согласува планетарниот научник Паскал Ли од институтот СЕТИ, кој верува дека сепак може да биде метеорит со оглед на тоа што Марс се наоѓа во близина на астероидниот појас.

„Постојат помали камења и фрагменти околу карпата, така што можеби станува збор за метеорит кој се распаднал при ударот. Во тој случај, оваа форма на крофна е создадена откако го еродирала послабиот материјал во карпата“, вели Ли.

„Исто така, можно е оваа карпа од сосема различен дел на Марс да е фрлена од голем удар на астероид. Би препорачал на Perseverance да отстапи од сегашниот тек за да провери што точно е ова“, додаде тој. Но, се чини дека тоа нема да се случи, имајќи предвид дека Perseverance веќе патува во спротивна насока кон други, поголеми карпи од кои има намера да собира примероци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер