На Косово се тагува по Хајризи, кој вчера уби српски полицаец, а денеска е ликвидиран (ВИДЕО) - Канал 5

Балкан

На Косово се тагува по Хајризи, кој вчера уби српски полицаец, а денеска е ликвидиран (ВИДЕО)

Претседателот на општина Србица, Фадиљ Нура соопшти дека музичка вечер е откажана „од почит кон семејството на Фатон Хајризи“, кој денеска беше убиен од српската полиција при обид да го уапси за убиство на полицаец во Лозница.

На Косово се тагува по Хајризи, кој вчера уби српски полицаец, а денеска е ликвидиран (ВИДЕО)

Вицепремиерот и министер за внатрешни работи на Србија Ивица Дачиќ изјави дека албанскиот терорист кој уби еден српски полицаец и рани друг е ликвидиран денеска во Бања Ковиљача, објави Телеграф.

Дачиќ за новинарите на лице место изјави дека убиецот на полицаецот Никола Крсмановиќ испукал вкупно девет куршуми кон српската полиција кога го пронашла, по што бил убиен.

Она што се знае, кога се работи за Фатон, е дека тој пред две децении бил осуден за убиство на рускиот војник на КФОР кај Дреница, дека избегал од воспитно-поправниот дом Смрековница, каде ја издржувал казната, а денеска повторно стана главен тема на медиумите.

Фатон е токму истиот Абанец кој на почетокот на месецот избега од затвор. Како што тогаш пишуваше Телеграф, Фатон во текот на 22-те години на издржување на казната осум пати избегал, а на почетокот на јули по деветти пат побегнал од затвор. Успеал да побегне и од американската база Бондстил.

- И тој е викенд-корисник. Последен пат викендов го искористил од 01 до 03 овој месец. За неговото заминување од институцијата била подготвена преписка и известена е полиција. Во врска со случајот, до завршување на истрагата, вработениот во набљудувачката соба на Ф.Р е суспендиран - стои во соопштението објавено по повод неговото бегство.

Да потсетиме, Фатон Хајризи бил осуден и за вооружен грабеж во Глоговац при што биле повредени четворица членови на косовската полиција.

На 15-годишна возраст, додека одел на училиште, Хајризи разговарал со руски војник, му го зел пиштолот и го убил. Изјавил дека убиството го извршил откако видел дека рускиот војник навредувал некои Албанци. За ова убиство тој е осуден на 27 години затвор. Но, како што самиот Хајризи признал, три дена откако бил испратен во затворот во Митровица, успеал да побегне оттаму. Тоа се случило во 2000 година.

- Јас сум Фатон Хајризи, кој се приклучи на ОВК и отиде во војна како 14-годишен. Јас сум Фатон Хајризи, кој беше активен на север во 2006-2007 година за доброто на оваа земја. Не е нормално, 23 години ме држеа во затвор, денес имам 40 години – се пожали на социјалната мрежа ТикТок за овој случај.

За првото бегство од затвор рече дека го користел прозорецот од бањата во затворот во Митровица. Хајризи потоа беше уапсен од војниците на КФОР. Како што кажа и самиот, по вторпат побегнал од затворот во Приштина, додека еднаш побегнал од воена база. Во 2012 година Хајризи избегал од затворот во Призрен качувајќи се на ѕидот на затворот и преминувајќи ја оградата од бодликава жица. Тој бил уапсен по полициска акција.

Во јули 2007 година, избегал од затворот Дубрава, заедно со уште шест затвореници, осудени за тешки кривични дела. Откако ги поминале затворските огради, ги чекале други лица кои почнале да пукаат кон затворските чувари. По истрагата, уапсени се дел од вработените во затворот Дубрава и некои други лица кои биле осомничени дека помагале во бегството.

Неколку месеци по бегството, во септември 2007 година, во Глоговац имало вооружен грабеж, каде четири вооружени и маскирани лица ограбиле златара и застрелале двајца полицајци и сопственикот на продавницата додека бегале. Вредноста на украденото злато била околу 63.000 евра. Во продолжение на потрагата по бандити, во село Брузник-Вучитрн, полициската патрола се обидела да го запре сомнителниот автомобил. Осомничените од тој автомобил пукале кон полицијата и со огнено оружје раниле двајца полицајци и успеале да избегаат пеш.

YouTube video

Фатон Хајризи денеска беше ликвидиран во Бања Ковиљача, а при ликвидацијата испукал цел шаржер куршуми кон припадниците на српската полиција, одбивајќи да се предаде. Погребот на полицаецот Никола Крсмановиќ, кој беше убиен од Хајзири, ќе се одржи утре, а министерот Дачиќ денеска го посети и ранетиот полицаец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Холандија од следната година ќе мора да прифати баратели на азил од другите држави на ЕУ

Холандија следната година, заедно со другите членки на Европската Унија (ЕУ), ќе мора да прифати одреден број баратели на азил од земјите кои биле изложени на „натпросечен миграциски притисок“ .

Холандија од следната година ќе мора да прифати баратели на азил од другите држави на ЕУ

Холандија следната година, заедно со другите членки на Европската Унија (ЕУ), ќе мора да прифати одреден број баратели на азил од земјите кои биле изложени на „натпросечен миграциски притисок“ оваа година или, наместо тоа, финансиски да придонесе за нивната грижа, објави Европската комисија.

Според предлогот на Комисијата, земјите кои примиле надпросечен број баратели на азил оваа година се Грција, Кипар, Италија и Шпанија, а другите членки на ЕУ треба да им помогнат да го споделат миграцискиот товар, објави NL Times.

Голем број барања за азил се поднесени во Грција и Кипар, додека Италија е прогласена за земја под „миграциски притисок“ поради непропорционално големиот број мигранти кои пристигнале откако биле спасени на море.

Шпанија, од друга страна, се соочи со голем прилив на мигранти ова лето во нејзината северноафриканска енклава Сеута, каде што, според извештаите, десетици илјади луѓе пристигнале по море.

Бугарија, Чешка, Естонија, Хрватска, Австрија и Полска, исто така, во принцип треба да прифаќаат баратели на азил, но овие земји можат да побараат од Европската комисија ослободување или намалување на нивните обврски, наведувајќи го високиот миграциски притисок со кој веќе се соочуваат.

Сепак, Европската комисија утврди дека Холандија, Германија и неколку други земји-членки на ЕУ немаат право да бараат ослободување од обврската за прифаќање баратели на азил.

Комисијата го проценува миграцискиот притисок во секоја земја-членка поединечно, земајќи го предвид бројот на пристигнати мигранти и поднесените барања за азил, како и бруто-домашниот производ (БДП) и населението на секоја земја.

Предлогот на Европската комисија наскоро ќе биде дискутиран меѓу земјите-членки на ЕУ, кои на крајот ќе одлучат за конечниот број баратели на азил што секоја земја ќе мора да ги прифати.

Тагови: Холандија баратели на азил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Лансирањето на ракетата „Артемис II“ предизвика пореметување во атмосферата на Земјата, тврдат научниците

Научниците од Националниот универзитет Ченг Кунг во Тајван тврдат дека лансирањето на ракетата „Артемис II“ предизвикало огромни нарушувања во атмосферата на Земјата што можеле да го нарушат GPS и другите комуникации.

Лансирањето на ракетата „Артемис II“ предизвика пореметување во атмосферата на Земјата, тврдат научниците

Тие велат дека мисијата „Артемис II“, која беше лансирана на 1 април 2026 година, за деветдневно патување околу Месечината, создала дупки во атмосферата на Земјата и предизвикала модулации на шок-акустични и гравитациски бранови, објави списанието „Скај ат Најт“.

„Горењето што го покачува апогејот предизвикало шок бранови и невидено големи нарушувања што се прошириле на 50 степени географска должина низ Северна Америка“, рекоа авторите на студијата.

Тие додадоа дека ова е прв пат една вселенска мисија да произведе три случаи на јоносферски нарушувања над истиот регион за време на последователни орбитални маневри. Фотографија: Танјуг/АП Фото/Крис О'Мира

Иако утврдиле дека самиот настан на лансирање на „Артемис II“ не предизвикал широко распространети прекини на GPS, тие забележале промени во јоносферата што потенцијално би можеле да предизвикаат проблеми за време на идните лансирања на ракети.

„Ваквите пречки би можеле да ги нарушат комуникациите на Земјата, на пример, со попречување на радио сигналите. Исто така, лансирањата на ракети би можеле да влијаат на други технологии на Земјата кои се потпираат на GPS за позиционирање, како што се автомобилите без возач и беспилотните летала“, се вели во студијата.

„Артемис II“ патуваше подалеку од Месечината од која било претходна мисија, користејќи ја гравитационата сила на Месечината за да се катапултира околу неа и да го започне своето враќање кон Земјата.

Ова беше првата мисија со екипаж на Месечината од програмата Аполо и беше клучна пресвртница во плановите на НАСА за воспоставување трајно човечко присуство на површината на Месечината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Во организација на грчката амбасада: Музички спој и традиција од целиот Медитеран пред полна сала во Скопје

Филхармонијата беше домаќин на музички спектакуларчен концерт насловен „Мозаико Медитерано“ на грчката лирска сопранистка Марија Костраки и ансамблот предводен од виолинистот Андонис Сусамоглу.

Во организација на грчката амбасада: Музички спој и традиција од целиот Медитеран пред полна сала во Скопје

Настанот во организација на Амбасадата на Грција понуди уникатен спој на медитерански музички традиции, со посебен фокус на творбите на познатиот композитор Манос Хаѕидакис.

Пред полната голема сала и покрај големиот интерес, концертот помина во преубава атмосфера, воодушевувајќи ја публиката која уживаше во врвните изведби...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер