На конкурсот за годишните награди на ДПМ за 2025-та пријавени 53 наслови - Канал 5

Култура

На конкурсот за годишните награди на ДПМ за 2025-та пријавени 53 наслови

Друштвото на писателите на Македонија (ДПМ) информира дека на конкурсот за петте годишни награди за најдобри објавени дела во 2025-та се пријавени вкупно 53 наслови. 

На конкурсот за годишните награди на ДПМ за 2025-та пријавени 53 наслови

За изборот ќе одлучуваат жири-комисии, а наградените ќе бидат соопштени во февруари.

За наградата „Стале Попов“ на ДПМ за најдобро прозно дело објавено во 2025 г. се пријавени 17 дела:

1. „Раскази од Бостон“ од Марија Воденска („2-ри август“ – Штип)

2. „С(удба)та“ од Филип Георгиевски („Бата прес милениум“)

3. „Стројникот“ од Јован Дамјановски („Панили“)

4. „Винка“ од Весна Дамчевска Илиевска („Индиго – хаб“)

5. „По линијата“ од Петре Димовски („Дијалог“)

6. „Околу три по полноќ“ од Димитрие Дурацовски („Арс Ламина“)

7. „Ќе помине и моќта“ - Ирена Јурчева („ТРИ“)

8. „Романот за Чарли Офтика - Туркачот“ од Трајче Кацаров („Панили“)

9. „Каде леташ, Јулија?“ од Хана Корнети („Или-или“)

10. „Единаесет проверени начини како да ја заебеш љубовта“ од Драгана Лукан Николоски („Чудна шума“)

11. „Светото светило“ од Мирче Б. Нешовски („Менора“)

12. „Зара Зарина“ од Лилјана Пандева („ПНВ публикации“)

13. „Кривата Дијана“ од Фросина Пармаковска („Арс Ламина“)

14. „Арагон“ од Михајло Свидерски („Антолог“)

15. „Неколку тишини подоцна“ од Ана Стојаноска („Полица“)

16. „Три Марии“ од Оливера Ќорвезироска („Арс Ламина“)

17. „Повратник со две лица“ - Ивица Челиковиќ („ТРИ“)

За наградата „Ацо Шопов“ на ДПМ за најдобра поетска збирка објавена во 2025 г. конкурираат 16 дела:

1. „Царски рез на небото“ од Даниела Андоновска-Трајковска („Матица“)

2. „Ноември“ од Игор Анѓелков („Или-или“)

3. „Скршена тишина“ од Елизабета Бандиловска („Бата прес милениум“)

4. „Пеколот е мало место“ од Тихомир Јанчовски („Макавеј“)

5. „Сите сите песни Паф“ од Жарко Кујунџиски („Антолог“)

6. „Со една четка два зајака“ од Владимир Мартиновски („Арс Ламина“)

7. „Часови без часовник“ од Владимир Мартиновски („Арс Ламина“)

8. „Арабеска“ од Милчо Мисоски („Антолог“)

9. „Видение на седумте реки: сенки и морници“ од Зоран Пејковски („ПНВ публикации“)

10. „Чувари на малите нешта“ од Ана Пејчинова („Или-или“)

11. „Сина синкопа“ од Билјана Станковска (Дијалог)

12. „Поетиката на водите“ од Мирјана Стојановска („НОВА“ – Битола)

13. „Живи рани, мелем песни“ од Габриела Стојаноска (самиздат)

14. „Избор, порта на животот“ од Јусуф Сулејман („Макавеј“)

15. „Записи на идниот старец“ од Братислав Ташковски („Макавеј“)

16. „Вообразби (лирски етиди од некој друг свет)“ од Бранко Цветкоски („Макавеј“)

Во конуренција за наградата „Ванчо Николески“ на ДПМ за најдобра книга за деца и млади објавена во 2025 г. се 13 наслови:

1. „Градина полна латици“ од Иван Антоновски („Светулка“)

2. „Домот на пастрмката“ од Александра Велинова („Едука Мак“)

3. „Тринаесеттиот“ - Лидија Димковска („ТРИ“)

4. „Мали приказни за големи сонувачи“ од Владо Димовски („Поинтер“)

5. „Илина и тајните на Бабин заб“ од Хана Корнети („Или-или“)

6. „Никогаш збогум“ од Александар Кујунџиски („Антолог“)

7. „Џинџуџе“ од Ермис Лафазановски („Арс Ламина“)

8. „Облачиња со сини очиња“ од Ели Маказлиева („Едука Мак“)

9. „Поучни сказни и шарени приказни“ од Ели Маказлиева („Едука Мак“)

10. „Ние животните и вие децата“ од Љубинка Мијал Донева („Едука Мак“)

11. „Стапка по стапка, од Дојран до Попова Шапка“ од Васил Мукаетов („Панили“)

12. „Додо, вонземјанинот и мачорот“ од Фросина Пармаковска (самиздат)

13. „Орден и значки“ од Стојан Тарапуза („Панили“)

За наградата „Димитар Митрев“ на ДПМ за најдобра книга критика/есеистика објавена во 2025 г. конкурираат четири дела:

1. „Филмско око“ од Игор Анѓелков („Или-или“)

2. „Час по незадолжителна лектира“ од Весна Мојсова-Чепишевска („Матица“)

3. „Враќањето на Орфеј“ од Сузана В. Спасовска („Полица“)

4. „Книжевни созвучја и огледала“ од Елизабета Шелева („Сивејан“)

За наградата „Мост“ на ДПМ, која се доделува на најдобра книга објавена на некој од јазиците што ги зборуваат заедниците во Македонија, за 2025 година конкурираат три наслови:

1. „Embsuame Paskajore” („Инфинитивна поука“) од Ахмет Селмани („Академска мисла“)

2. „Pronicanje tišine” („Проникнување на тишината“) од Љерка Тот Наумова („Академска мисла“)

3. „Atdheu: burrë pa grua” („Татковината: маж без жена“) од Каљош Челику (Сојуз на писатели Албанци на Македонија)

ДПМ соопшти дека во претстојните денови, јавноста ќе може да чита кратки извадоци од пријавените дела на официјалните Фејсбук- и Инстаграм- страници на Друштвото на писателите на Македонија.

За изборот на книгите што ќе бидат наградени дела одлучуваат анонимни тричлени жири-комисии. ДПМ посочува дека тие се избрани од членовите на Управниот одбор на ДПМ со тајно гласање и нивните членови работат самостојно и незвисно.

-Како и досега, изборот на добитничките дела се одвива во неколку фази: прво ќе бидат објавени полуфиналисти, а потоа и делата што ќе влезат во финалниот избор. Објавувањето на победниците е предвидено за 10 февруари, а врачувањето на признанијата на наградените традиционално ќе се одржи на 13 февруари, кога ДПМ ќе одбележи 79 години од основањето, наведува писателската асоцијација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран соопшти дека постигнал договор со Оман за рута за превоз низ Ормутскиот теснец

Иран соопшти дека постигнал договор со Оман за рута за превоз низ Ормутскиот теснец.

Иран соопшти дека постигнал договор со Оман за рута за превоз низ Ормутскиот теснец

Портпаролот на иранското министерството за надворешни работи не даде дополнителни детали за договорот, за кој рече дека е „во завршна фаза“.

Сепак, предупреди дека договорот со Оман нема да гарантира безбедна пловидба низ теснецот, тврдејќи дека безбедноста останува засегната од американската блокада на иранските пристаништа.

САД и Оман не коментираа за предлогот.Откако САД и Израел го нападнаа Иран во февруари, Техеран во голема мера го блокираше Ормускиот теснец низ кој обично минува околу една петтина од светската нафта и течен природен гас.

Пред два дена Трамп предупреди дека Иран ќе биде „многу силно погоден“ ако теснецот не се отвори „многу брзо“.

Неговите коментари дојдоа откако високи американски претставници изјавија дека разговорите напреднале за да се овозможи потенцијално продолжување на испораките, иако Иран тврди дека не преговара со САД и оти нема планови да го стори тоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Винисиус по понудата од реал ги избриша сите објави на Инстаграм

Бразилецот, Винисиус Жуниор ја избриша целата содржина од својот профил на Инстаграм само неколку часа откако Реал Мадрид наводно му понуди нов, подобрен договор.

Винисиус по понудата од реал ги избриша сите објави на Инстаграм

Актуелниот договор на Бразилецот истекува за помалку од една година, а преговорите за продолжување на соработката траат со месеци, па неговата иднина во клубот сè уште е неизвесна.

Арсенал внимателно ја следи ситуацијата и се надева дека би можел да ја искористи можноста за трансфер, пишува Goal.com.

Фудбалерот и клубот мора да донесат одлука бидејќи договорот на Винисиус истекува следното лето. Доколку тој не потпише продолжување, Реал Мадрид мора да го продаде во овој преоден рок за да избегне тој да си замине без обештетување.

Преговорите се интензивираа во вчера, кога во Мадрид пристигна агентот на Винисиус, Мајкл Јормарк. По средбата се појавија информации дека клубот ја подобрил својата понуда. Главни пречки за договорот остануваат барањата на играчот во однос на платата и правата за користење на неговиот лик.

Само неколку часа по состанокот, Винисиус целосно го исчисти својот профил на Инстаграм. Тој ја отстрани профилната слика, како и сите објави и зачувани „стори“ приказни (highlights), вклучително и фотографиите од натпреварите на Реал Мадрид и на бразилската репрезентација.

Неговиот профил, кој го следат околу 64 милиони луѓе, сега е сосема празен. Засега нема официјално објаснување за овој потег.

Овој потег предизвика поделени реакции меѓу навивачите на Реал. Некои стравуваат дека тоа е знак за негово заминување, додека други се надеваат дека станува збор за маркетинг-кампања пред најавата за нов договор.

Во меѓувреме, Арсенал не крие дека е заинтересиран за бразилскиот напаѓач. Интересот е толку голем што играчите на Арсенал дури и се распрашувале кај раководството на клубот за можноста за негово доаѓање. Преговорите меѓу Винисиус и раководството на Реал ќе продолжат во наредните денови.

Шампионот на Англија пак Арсенал во овој период не седи со скрстени раце и се обидува да го придобие контроверзниот фудбалер со голем и скап договор.

Арсенал го предизвикува Винисиус со огромен договор .Според порталот UOL, Арсенал сака да го привлече Винисиус со договор што би му донел заработка од 24 милиони евра по сезона – зголемување од околу 5 милиони евра во однос на неговата моментална плата.

Тагови: Арсенал Винисиус Жуниор Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Талогот во СДС, кој денес печали поени и глуми грижа за граѓаните, со години молчеше за небезбедната вода во Гостивар

Граѓаните на општина Гостивар со години, додека на власт беше предавничката СДС, пиеја небезбедна вода.

ВМРО-ДПМНЕ: Талогот во СДС, кој денес печали поени и глуми грижа за граѓаните, со години молчеше за небезбедната вода во Гостивар

И додека гостиварчани се труеја со загадена вода за пиење, талогот на СДС, кој денес глуми загриженост, само за да ќари некој беден политички поен, со години молчеа.

Иако тогаш направените анализи, во повеќе наврати во гостиварскиот водовод, утврдија небезбедна вода за пиење и со присуство на зголемен број на колиформни бактерии, никој од тогашната власт на СДС, ниту Филипче, ниту пак нивните локални коалициски партнери не излегол со предупредување да не се користи водата.

За ваквата состојба постојат документи, кои, изминатите денови ги споделивме со јавноста и во нив јасно се покажува дека надлежните институции, во време на власт на СДС, располагале со информации за небезбедна вода во повеќе населени места.

Наместо да преземат мерки за да изнајдат решенија и да ги информираат граѓаните, тогашните власти без никаква грижа на совест дека можат да го загрозат здравјето на граѓаните, ги оставија гостиварци да пијат вода која не ги задоволува условите за питка вода.

Имајќи го предвид ваквиот институционалниот и партискиот молк, прашуваме со кое лице и кредибилитет сега бараат одговорност за нешто со години не го решиле, ниту реагирале предавничката СДС и на Венко Филипче?

Наместо сега да креираат хистерија и врз здравјето на граѓаните да печалат поени, треба јавно да излезат и да одговорат зошто додека СДС била власт, не ги известиле граѓаните за наодите од анализите и колку од тие случаи биле целосно отстранети?

Тоа се истите луѓе кои со години беа власт и ништо не направија, денес да се претставуваат како да немаат никаква одговорност за состојбите што ги оставиле зад себе.

Таквиот театар на талогот и остатокот во СДС и Венко Филипче, не поминува, граѓаните заслужуваат одговори зошто ништо не направиле додека ја имаа целата власт и институционална моќ во нивни раце.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер