Ирец со секира уништил американски воен авион, вреден 60 милиони долари- му се заканува долгогодишна казна затвор (ВИДЕО)
2Ирец со секира уништил американски воен авион, вреден 60 милиони долари- му се заканува долгогодишна казна затвор (ВИДЕО)
3Пејач на свадба ја прекина песната за да му одржи лекција на пијан гостин: Покажи малку почит! (ВИДЕО)
МакедонијаНа ГП Богородица за излез од државата се чека околу 45 минутиИнтензитетот на сообраќај на патните правци надвор од градските средини е зголемен.СОСТОЈБА: Сообраќајот на државните патишта се одвива непречено, по суви коловози. ФРЕКВЕНЦИЈА: Интензитетот на сообраќај на патните правци надвор од градските средини е зголемен. На ГП Богородица за излез од државата време на чекање е околу 45 минути, а на останатите гранични премини од македонска страна нема подолги задржувања за влез и излез од државата. ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. ИЗВЕСТУВАЊЕ: Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод. СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона. ЗАБРАНА ЗА ТЕШКИ ТОВАРНИ ВОЗИЛА: Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот. Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот. Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта. На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот. Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите. Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока. РАБОТИ НА ПАТ: Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата. Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности. Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности. Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт. Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај. На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна). Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите. Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Тагови: АМСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЗдравјеКако музиката може да го ублажи чувството на болка – истражување врз 204 лицаШто открила студијата?Нова студија, чии наоди се објавени во списанието “Frontiers in Pain Research”, покажува дека вашата лична плејлиста би можела да биде решение за намалување на болката при инјектирање, пренесува “The Healthy”. Што открила студијата? Во студијата учествувале 204 лица кои биле подложени на магнетна резонанца (МР) на мозокот, 'рбетот или главата и вратот. Секој од овие прегледи бара поставување на канила (тенко цевче што се става во вена) за да се аплицира контрастно средство. Пред постапката, пациентите биле поделени во четири групи. Една група слушала Сонатата К. 448 од Моцарт, за која претходни истражувања покажале дека има терапевтски својства. Втората група слушала музика по сопствен избор, третата група слушала музика за релаксација слично на онаа што се пушта во спа-центрите, додека четвртата, контролната група, не слушала ништо. Музиката се пуштала пред, за време на поставување на канилата, на 30 секунди по поставувањето на канилата и на 2 минути по поставување на канилата. Пациентите од групата што слушала музика по сопствен избор, сами ги избирале изведувачите или песните. Изборот бил разновиден: од поп-хитови, како „Someone Like You“ на Адел и „Smooth Criminal“ на Мајкл Џексон, до рок и инди-класици, како „Hells Bells“ на AC/DC и „Pompeii“ на групата Bastille. Меѓу другите застапени жанрови биле класичната музика, R&B, реге музиката, електронската и народната музика. Истражувачите им понудиле на учесниците визуелна скала за проценка на болката, од 0 до 10. Пациентите ја оценувале болката пред и за време на поставување на канилата, потоа 30 секунди по поставување на канилата и повторно, две минути по завршување на постапката. „Иако убодот со игла е мала интервенција, нивото на болка може значително да варира од човек до човек“, изјавил главниот автор на студијата, Андреј Кристинел Драгнеа од Универзитетската болница во Цирих. „Во современата медицина, лекарите се стремат не само кон успешна дијагноза и лекување, туку и кон тоа постапката на пациентот да му предизвика што е можно помала непријатност.“ Како музиката влијае на болката Истражувањето покажало дека учесниците кои слушале музика по свој избор пријавиле значително помала болка на 30 секунди и на две минути по поставување на канилата, во споредба со оние кои не слушале ништо. Музиката на Моцарт покажала поскромни придобивки. Иако по две минути се забележал тренд кон намалување на болката, резултатите не биле статистички значајни. Сепак, кај пациентите кои слушале Моцарт, а кои веќе чувствувале болка пред почетокот на процедурата, ублажувањето на болката било поизразено. Групата што имала најголема корист од музиката се состоела од поединци кои ги слушале своите омилени песни и пријавиле болка уште пред вметнување на канилата, но почувствувале помала болка во моментот на убод со иглата. Од друга страна, кај групата што слушала музика за релаксација не било забележано статистички значајно намалување на болката. Се чини дека звуците за смирување кои се идеални за време на масажа или јога не се толку ефикасни за ублажување на болката предизвикана од игли. „Музиката за релаксација обично се карактеризира со бавно темпо, мала јачина на звукот и отсуство на изразена динамика“, објасни Гарсија Алзамора, главниот автор на студијата. „Овие карактеристики веројатно довеле до тоа пациентите да престанат да ја забележуваат музиката, што објаснува зошто не дошло до ублажување на болката.“ Зошто омилената музика помага Според истражувачите, музиката што ни е позната може да биде особено ефикасна бидејќи го одвлекува вниманието од непријатното искуство. Тие исто така сугерираат дека музиката може да влијае на природните процеси во телото за ублажување на болка, истовремено намалувајќи го стресот и вознемиреноста – иако оваа теорија не била директно тестирана во студијата. Сепак, научниците заклучуваат дека слушањето на омилените песни може да биде едноставен и евтин начин за ублажување на непријатноста при помали медицински зафати. Потребни се дополнителни истражувања за да се утврди дали музиката има исто дејство и при поинвазивни зафати, но овие наоди нудат одредена утеха за секој што чувствува страв од средба со игла.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиНа бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45
ЖивотМажите со големо его често ги прават овие 5 работиАко ги забележите овие особини, бидете спремни да се одбраните.Начинот на кој некој се однесува за време на разговор, открива многу за неговиот карактер. Особено кога ќе дојде до несогласување, критика или ситуација во која би требало да ја признае својата грешка. Додека едни се спремни да го сослушаат соговорникот и да преземат одговорност, други ќе направат речиси сè за да ја избегнат непријатната вистина. Пет обрасци на однесување на мажите со изразено его и проблематичен однос кон жените Замислете дека се обидувате да разговарате со партнерот за нешто што ве повредило, а тој одеднаш почнува да зборува за сосема друг проблем. Наместо одговор на конкретно прашање, вие добивате нова расправа во која одеднаш се правдате. Според психолозите, ваквото свртување на вниманието може да биде начин да се избегне одговорност. Штом лицето сфаќа дека би можело да се соочи со последиците на своите постапки, се обидува да го промени текот на разговорот. Во овој случај, најдобро е да го вратите разговорот на првобитната тема, наместо да се впуштите во бескрајно докажување. Ве обвинуваат за нешто што самите го прават Еден особено непријатен образец на однесување е префрлањето на сопствените постапки и несигурност на друга личност. Мажот кој се однесува неискрено, може да ја обвини партнерката за непочитување, додека некој што користи други лица за лична корист може токму ним да им ги припише истите намери. Ваквото однесување може да послужи како начин да се сврти вниманието од сопствените постапки. Наместо да разговарате за она што некој го направил, вие сте принудени да докажувате дека обвинувањата што ги навел не се точни. Намалување на вашиот проблем во споредба со други Кога ќе се обидете да укажете дека одредено однесување не е во ред, одговорот понекогаш може да биде дека и други жени го прават истото или дека и мажите имаат сопствени проблеми. Секако, ваквите тврдења може да бидат точни, но проблемот настанува кога таквите аргументи се користат исклучиво за да се избегне разговор за конкретната ситуација. Ваквото изедначување на проблемот често служи за намалување на туѓото искуство, па наместо разбирање и барање решение, разговорот се претвора во натпревар за тоа кому му е потешко. Ве убедува дека претерувате и ги доведува во прашање вашите чувства Еден од најпроблематичните обрасци се јавува кога личноста се обидува да ве увери дека вашите реакции се неразумни, дури и кога имате оправдана причина за незадоволство. Ако се побуните поради навреда, лицето може да ве обвини дека сте премногу чувствителни. Ако одлучите да го прекинете разговорот, може да ви тврди дека со вас нешто не е во ред. Таквото однесување особено загрижува кога се повторува и кога другата личност почнува да се сомнева во сопственото расудување. Во тој случај не станува збор за обично несогласување, туку за емоционална манипулација. Очекуваат вие да ги решавате проблемите што лично сами ги создале Последниот образец на однесување се однесува на избегнувањето одговорност. Наместо да се обидат да го променат однесувањето, одделни мажи очекуваат жените постојано да го поправаат односот, да го смират конфликтот и да најдат решение. Така товарот од одржување на односот или комуникацијата се префрла на една личност, додека другата не покажува спремност да ги преиспита сопствените постапки. Во вакви ситуации, психолозите советуваат да се постават јасни граници и да не прифаќате разговор во кој одговорноста постојано ви се префрла вам. Секако, ниедна од овие постапки не докажува дека некој е лоша личност, ниту дека ваквото однесување е својствено исклучиво за мажите. Сепак, кога се повторуваат овие обрасци и ве оставаат со чувство на вина, збунетост или исцрпеност, може да бидат знак дека таквиот однос не е здрав. Понекогаш е поважно да препознаете дека разговорот нема смисла, отколку по секоја цена да се обидувате да бидете сфатени, пишува Yourtango.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СудбинаМајмун нападна жена среде улица и крвнички ја изгриза (Вознемирувачко видео)Жителите на комплексот Инфиниум Флетс во Индија се соочија со сериозен проблем откако агресивен мајмун нападна жена пред нејзиниот дом на 13 ноември, каснувајќи ја повеќе пати.Жртвата претрпе сериозни повреди, додека снимките од безбедносните камери ги забележаа драматичните моменти и предизвикаа страв кај другите жители. Повреди на телото Вознемирувачката снимка го прикажува дивото животно како одеднаш ја напаѓа жената, која не направи ништо за да го испровоцира. Мајмунот ја каснува повеќе пати, додека таа вреска и се обидува да се одбрани. Таа претрпе длабоки повреди на телото, поради што веднаш беше однесена во блиската болница, каде што доби медицинска помош, објавува Дејли Стар. Жителите велат дека веќе некое време се справуваат со мајмуни во комплексот, а најновиот напад повторно го отвори прашањето за безбедноста на жителите. Сериозен проблем Снимката оттогаш се појави на социјалните мрежи и предизвика бројни дискусии за присуството на мајмуни во станбените области. Соседите велат дека нападот толку многу ги исплашил луѓето што жените и малите деца сега се плашат да ги напуштат своите домови. Според нив, зголеменото присуство на мајмуни во урбаните средини стана сериозен проблем, но властите сè уште не презеле никакви конкретни чекори за да го решат. Агресивниот мајмун подоцна бил фатен од службеници на Шумскиот оддел, што исто така било снимено со камера.Тагови: жена мајмун Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter