На Ѓоковиќ му е скршено срцето поради затворската казна на Бекер - Канал 5

Тенис

На Ѓоковиќ му е скршено срцето поради затворската казна на Бекер

Најдобриот светски тенисер Новак Ѓоковиќ за прв пат реагира на  затворската казна за Борис Бекер.

На Ѓоковиќ му е скршено срцето поради затворската казна на Бекер

Новак и Борис соработуваа од 2014 до 2016 година, а Србинот во тој период од три години освои шест од можните 12 Грен слем титули.

Новак изјави дека „срцето му е скршено“ откако Бекер бил осуден на две и пол години затвор. Германецот беше прогласен за виновен по четири точки од обвинението според Законот за несолвентност и мора да отслужи најмалку половина од казната зад решетки.

„Срцето ми е скршено поради него.Тој ми е долгогодишен пријател,тренер 3-4 години.Тој е некој што го сметам за близок во животот и некој кој многу придонел за мојот успех во кариерата.Не знам што да кажам повеќе од тоа. Како другар ми е жал за него. Само се надевам дека ќе го помине овој период во затвор и дека кога ќе излезе ќе може да се врати во нормалниот живот. Не знам дали „нормално“ е вистинскиот збор бидејќи тоа се работи што го менуваат животот. Толку долго во затвор. Се молам за него, се надевам дека работите ќе бидат добри во однос на неговото здравје, неговото ментално здравје, бидејќи тоа ќе биде најпредизвикувачкиот дел. ", објави Ѓоковиќ.

Бекер е осуден за криење на голем имот, вклучително и речиси 800.000 евра, 75.000 акции во технолошка компанија и некои од неговите најценети тениски титули, вклучително и два трофеи на Вимблдон. Бекер бил должен да го пријави целиот свој имот откако пред пет години банкротирал.

По стечајот во 2017 година, шесткратниот победник на Грен слем турнирот ја предаде бурмата, но ја сокри сопственоста на куќа вредна 1,5 милиони евра во Германија, заем од 750.000 евра што го добил од банка во Лихтенштајн и акции во една од фирмите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Диего Симеоне испиша историја во шпанскиот фудбал

Шпанскиот фудбалски гигант, Атлетико Мадрид го совлада Леванте со 2:0 во 11 коло од Ла Лига и привремено го презеде врвот на табелата, но натпреварот беше одбележан со историско достигнување на предводникот на популарните „јорганџии“ Диего Симеоне.

Диего Симеоне испиша историја во шпанскиот фудбал

Аргентинскиот стручњак ја оствари својата 344-та лигашка победа на клупата на „јорганџиите“, со што се израмни со легендарниот Луис Арагонес на врвот на вечната листа на најуспешни тренери во историјата на шпанското првенство.

Атлетико триумфираше на гостински терен со головите на Алехандро Грималдо во 28-мата минута и Џулијано Симеоне во 62-рата минута.

Податокот дека Симеоне стигнал до 344 победи на само 565 натпревари звучи особено импресивно, додека на Арагонес му биле потребни дури 756 натпревари за истиот учинок.

Тагови: Атлетико Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Затекнати пијани малолетници во угостителски објект во Карпош, еден завршил на токсикологија

Осум лица биле приведени отако полициски службеници кои постапувале по претходно добиени сознанија за точење на алкохол на малолетници во угостителски објект во Карпош каде затекнале малолетни лица во видно алкохолирана состојба .

Затекнати пијани малолетници во угостителски објект во Карпош, еден завршил на токсикологија

-Во полициската станица Карпош при извршеното алкотестирање кај сите осум лица било утврдено присуство на алкохол во организмот. Едно лице кое било присутно во угостителскиот било пренесено на Клиниката за токсикологија при комплексот клиники „Мајка Тереза“ за укажување лекарска помош

По целосно документирање на случајот, ќе следува соодветен поднесок по член 204 од Кривичниот законик – „точење алкохолни пијалаци на малолетници“, информира МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Демонстрации и во Швајцарија-барикади, судири со полиција..

Синоќа, во Цирих и Базел, Швајцарија избија немири за време на неодобрени демонстрации, при што демонстрантите палеле барикади и се судириле со полицијата.

Демонстрации и во Швајцарија-барикади, судири со полиција..

Во Цирих, неколку стотици луѓе се собрале во близина на улицата Лангштрасе и плоштадот Хелветија.

Според градската полиција, демонстрантите почнале да се собираат околу 22:30 часот, а некои од нив носеле маски за Ноќта на вештерките. Учесниците на неодобрениот протест направиле барикади од контејнери за ѓубре, електрични тротинети и други предмети, а потоа ги запалиле.

Според полициското соопштение, група насилни демонстранти ги нападнале полициските службеници со пиротехнички средства, камења и шишиња.

Полицијата одговорила со употреба на водени топови, солзавец и гумени куршуми. Во споредните улици дошло до нови судири со полицијата.

Оштетени биле прозорци и инвентар, вклучително и прозорците на станицата за јавен превоз „Штауфахер“ (Stauffacher), како и излозите во близина на плоштадот „Хелветија“ (Helvetia). На улицата „Цвинглиштрасе“ (Zwinglistrasse) бил запален автомобил.

Нешто по полноќ, група демонстранти нападнала и полициска патрола, која била повикана да интервенира поради повредено лице.

Полициското возило било оштетено, а полицајците морале да застанат на страна пред да успеат да му помогнат на повредениот тинејџер.

Од полицијата изјавија дека интервенциите биле дополнително отежнати од бројни набљудувачи, од кои некои фотографирале пред луѓе што активирале пиротехнички средства или пред запалени барикади. Ситуацијата главно се смири околу 01:30 часот по полноќ. Висината на причинетата материјална штета сè уште не е утврдена.

Тагови: демонстранти Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер