Инцидентот се случил во средата околу 2.50 часот во градот Гвајакил, според началникот на локалната полиција Едисон Родригез, пренесува Мирор.
Се претпоставува дека 26-годишниот бек им кажал на властите дека се сокрил под неговиот кревет кога наводно слушнал како разбојниците му ја пробиваат влезната врата со чекан. Фудбалерот ѝ рекол на полицијата и дека откако погледнал низ прозорецот забележал луѓе како „заминуваат со сив пик-ап“.
Според полициските извештаи, при влегувањето во нивната куќа, осомничените прво прашале каде е Родригез, а потоа ги киднапирале сопругата и петгодишниот син на фудбалерот. Родригез ѝ рекол на полицијата дека не добил никакви заканувачки пораки пред инцидентот.
Прогласена вонредна состојба
Гвајакил, главниот град на провинцијата Гуајас и местото на инцидентот, е во вонредна состојба од јануари 2024 година поради прогласен „внатрешен вооружен бунт“.
Ова не е прв случај на киднапирање во населбата Мучо Лоте 2. Имено, на 6 јануари се случило насилно киднапирање кое ја шокираше локалната заедница. Оттогаш на социјалните мрежи се појавија видеа од обидот за киднапирање.
За време на инцидентот во јануари, сопственикот на продавницата бил однесен од вооружени лица, му ја скршиле вратата, а потоа го претепале. Локалните извори тврдат дека жртвата наводно платила 10.000 долари за да биде ослободен, иако напаѓачите првично барале 50.000 долари.