МВР тврди дека по извршените проверки во системот за гранична контрола било утврдено дека Михаилова, која е на СТОП листата, нема евидентиран излез од територијата на Македонија, вакви проверки се направиле и во Бугарија и резултатот бил ист – легален влез нема. Последен премин, според потатоците, Михаилова направила во септември 2025 година, од Бугарија кон Македонија. Михаилова, е под мерки на претпазливост, односно одземени и се и македонскиот и бугарскиот пасош и има забрана за напуштање на престојувалиштето, а за спроведување на истите е задолжено ОВР Кочани.

-МВР изврши проверки во системот за гранична контрола, при што е утврдено дека за лицето Ива Михајлова, за кое е во сила активна судска забрана, не е евидентиран излез од територијата на Македонија. Дополнително, преку Заедничкиот контакт-центар со Република Бугарија извршени се проверки и од страна на бугарската гранична полицијам од каде што е добиена информација дека за наведеното лице нема евидентиран легален влез на територијата на Р. Бугарија,- Гоце Андреевски – Портпарол на МВР.

Веста за заминувањето на Михаилова ја соопштија утрово бугарските медиуми, за кои и итаа и нејизниот адвокат Николај Димитров дадоа повеќе изјави.. И двајцата тврдат дека поминале на легален премин со македонска и бугарска лична карта, иако тие документи не се валидни за премин на македонско-бугарската граница. Не кажуваат ниту на кој премин поминале, но велат дека граничните службениците биле коректни.

-Сосема легално, преку граница си дојдовме, заедно со мојот адвокат вчера. Сега ни претстои да влеземе во болница и следува лечење,- Ива Михаилова – Обвинета.

-Преку граничен контролен пункт, си извадивме документи и поминавме, на луѓето од македонска страна им беше потполно јасно дека тоа е Ива Михаилова и никој ништо не ни кажа и тргнавме. Министерството за надворешни работи не е должно да знае, министерството си работи по дипломатски пат, нашиот пат не е многу дипломатски, но во случајот требаше да се дејствува по овој начин. Ќе има ли последици? Нема поголеми последици од тоа да биде без адекватно лечење,- Николај Димитров – адвокат на Ива Михаилова.

Сепак, оваа верзија на Михаилова и нејзиниот адвокат не ја потврдуваат ниту бугарските инситуции... Министерот за внатрешни работи Демерџиев вели планираат да ја испрашаат како се нашла во Бугарија..

-Ќе бидат преземени дејствија да биде извршен распит и да се види, кога, каде и како ја поминала границата и сите други околности, и дали има потреба од нејзино обезбедување, и ако има, ќе биде обезбедена,- Иван Демерџиев – Министер за внатрешни на Бугарија.

Ова не е прв пат член на семејството Михаилови да ја напушти Македонија пред да се соочи со правдата. Во Бугарија избега и нејзиниот татко, Симеон Михаилов, кој е осуден на 12 и пол години затвор во случајот „Детонатор“ за обид за убиство, насилство и злосторничко здружување. Дали ќе се врати, допрва ќе одлучела и Ива Михаилова.

-Знаете ли колку време ќе останете? Во Бугарија? Не знам, не можам да кажам. Мислите ли да се вратите во Македонија? Ќе проценам во иднина. Имате ли некаков страв дека ризикувате? Не, се е легално и нормално и добро, штом сме тука се е во ред,- - Ива Михаилова – Обвинета.

Ива Михаилова беше меѓу главните теми и на средбата помеѓу министрите за надворешни Муцунски и Петрова – Чамова изминатиот четврток, но бугарската министерка вели дека тие како институција немаат врска со ваквиот потег на обвинетата.

На таа средба, како што беше соопштено, било договорено единствено да се овозможи бугарски лекари да дојдат во Македонија и да дадаат мисење за здравствената состојба на Михаилова.

Таа тврди дека мора да се лекува во Бугарија поради повредите кои ги добивала во тешката сообрајаќана несреќа, во која е обвинета за тешки дела против безбедноста на луѓето и имотот во сообраќајот, откако едно лице го загуби животот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна Гора досега привремено затвори 18 поглавја.

Ивановиќ рече дека ова е одлична вест за европската интеграција на Црна Гора.

Како што наведе, со затворањето на три поглавја денес, Црна Гора ќе биде еден чекор поблиску до целта да стане 28-ма членка на ЕУ до 2028 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

-Приемот на високо ниво на лице против кое се води судска постапка испраќа сериозно погрешна порака. Националната припадност и поседувањето друго државјанство не смеат да служат како заштита од одговорност пред надлежните институции. Секој има право на правично судење. Никој нема право на изземање од законите.

Од Република Бугарија, како членка на Европската унија, очекуваме постапување во согласност со основните европски принципи: почитување на судските постапки, соработка меѓу надлежните институции и еднаквост пред законот. Постапките што создаваат впечаток на институционална заштита од судска одговорност се неспоиви со тие принципи. Владеењето на правото не смее да биде селективно, ниту да зависи од националната припадност на поединецот. – реагирааат о МНР и велат дека за развојот на случајот, ќе ги информираат меѓународните партнери, особено институциите на Европската унија и Советот на Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.