На Џордан и соиграчите во тестамент им оставил по 200 долари!! - Канал 5

На Џордан и соиграчите во тестамент им оставил по 200 долари!!

Легендарниот кошаркарски тренер Дин Смит во својот тестамент на сите негови поранешни кошаркари , меѓу кои е и најдобриот кошаркар во историјата Мајкл Џордан ,и оставил по 200 долари.

На Џордан и соиграчите во тестамент им оставил по 200 долари!!
Смит на почетокот на февруари годинава почина во 83 година од животот. Легендарниот тренер најголемите успеси во кариерата ги направи со Универзитетот Северна Каролина , на кој го тренираше и Мајкл Џордан. На клупата на популарните „Тар Хилси“ Смит седеше дури 36 години од 1961 до 1997 година.

Смит во својот тестамент на сите негови поранешни кошаркари им оставил по 200 долари, од само една причина , да одат на вечера во негова чест.
Писмото на екс кошаркарот Данте Калабри се појави на Твите, во него пишува:
View image on Twitter

„Уживај во вечерата, ти посакува тренерот Дин Смит“. Секако чекот од 200 долари бил испратен заедно со писмото.

Според американските медиуми околу 180 кошаркари на Смит добиле писмо , што значи дека легендарниот тренер за кошаркарите со кои минуваше часови и часови на паркетот одвоил 36000 долари.

Ова само го потврдува познатиот факт дека Дин Смит бил тренер што сите го сакале, големиот Џордан дури го сметал за свој втор татко.
-Покрај моите родители, никој немал поголемо внимание на моето воспитување од тренерот Смит. Тој за мене беше повеќе од тренер, мој ментор , мој учител, мој втор татко.. Тренерот беше секога крај мене кога ми беше потребен и го сакав поради тоа. Низ учењето на кошаркарските лекции ме учеше и за многу други работи во животот, изјави Џордан.

Инаку под водство на Смит , Универзитетот Северна каролина освои две национални титули во 1982 и 1993 година . Смит во текот на кариерата како тренер имаше скор од 879 победи и 254 порази, и се повлече од кошарката како тренер со најголем број на победи во историјата на колеџ кошарката.



Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ДЕМАНТ од САНТЕ ПЛУС ГРУП Скопје

Санте Плус Груп Скопје побараа да објавиме демант на веста поврзана со одреден финансиски криминал

ДЕМАНТ од САНТЕ ПЛУС ГРУП Скопје

ПЗУ „Санте Плус Груп“ Скопје реагираше до нашата интернет редакција за неоснованото и неточно поврзување со деветтемина осомничени и со предметната истрага за финансиски криминал. Грешката настана поради ненамерна пермутација на називите на здравствените установи.

Недвосмислено појаснуваме дека ПЗУ „Санте Плус Груп“ Скопје не е установата на која се однесуваат објавените наводи и дека во неа не се вршат операции на очи. Исто така наводите за двојна наплата на здравствени услуги, противправна материјална корист од речиси 4,5 милиони евра и штета на Буџетот од 1,7 милиони евра не се однесуваат на оваа установа.

Јавно ги повлекуваме и се извинуваме за ненамерните невистинити констатации во нашата вест како и за неточните поврзувања на оваа установа со лицата опфатени со истрагата.
Во духот на професионалните новинарски вредности, посочената сторија ќе биде симната од нашата интернет страна.

Канал 5 ТВ Интернет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Трамп, Путин и Си на свечена вечера во Кина

Претседателот на САД, Доналд Трамп, пристигна во Шенжен, Кина, каде што на аеродромот лично го пречека кинескиот претседател Си Џинпинг, што претставува отстапување од вообичаениот протокол. 

Видео: Трамп, Путин и Си на свечена вечера во Кина

Претходно, Си се сретна со рускиот претседател Владимир Путин, а за утре е предвидена трилатерална средба меѓу тројцата лидери во рамките на самитот на АПЕК. Се очекува нуклеарното разоружување да биде една од главните теми.

Американскиот претседател Доналд Трамп и рускиот претседател Владимир Путин пристигнаа на свечена вечера, чиј домаќин е кинескиот претседател Си Џинпинг, во рамките на самитот на АПЕК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тамара Тодевска на 7 декември со голем концерт „25 години љубов“ – над 40 музичари, хор и безвременски хитови на сцената

На 7. декември, со почеток во 20 часот, во Т-Арена, спортскиот центар „Борис Трајковски“, македонската музичка ѕвезда Тамара Тодевска ќе го одржи својот голем солистички концерт „25 години љубов“, со кој одбележува четврт век музичка кариера.

Тамара Тодевска на 7 декември со голем концерт „25 години љубов“ – над 40 музичари, хор и безвременски хитови на сцената

Публиката ја очекува вечер исполнета со музика, емоции и спомени, со песните што одбележаа повеќе генерации, но и со новиот музички материјал од „Кукла жива“ – првиот македонски визуелен албум.

На сцената ќе настапат повеќе од 40 музичари и хор, а целокупната музичка изведба ќе биде под водство на реномираниот диригент и музичар Емин Џијан.

Во тек се интензивните подготовки и проби за концертот, за кој се подготвува посебен музички и сценски концепт, со цел публиката да доживее нешто поинакво од досегашните концертни настапи на Тамара.

„Искрено, многу сум возбудена. Последниве недели речиси целото мое секојдневие е посветено на подготовките за концертот. Заедно со Емин и целиот тим работиме на секој детаљ, затоа што сакам на публиката да ѝ понудиме едно поинакво музичко и сценско искуство. Ќе пееме песни со кои сме растеле заедно, песни што нè потсетуваат на убави моменти, но и нови песни од „Кукла жива“, кои едвај чекам да ги изведам во живо. Ова за мене не е само концерт, туку прослава на сите овие 25 години љубов што ги делам со публиката. Голема благодарност до Канал 5 ТВ која е медиумски партнер на овој настан и даваа поддршка на македонската музика“, вели Тамара.

Концертот „25 години љубов“ ќе биде музичко патување низ различните периоди од кариерата на Тамара Тодевска, со нови аранжмани, богата музичка продукција и бројни изненадувања.

Генерален спонзор на овој музички настан е А1.

Билетите се достапни преку karti.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер