На Денот на танцот почнува 21. издание на Танц Фест Скопје - Канал 5

Забава

На Денот на танцот почнува 21. издание на Танц Фест Скопје

Како што соопштија организаторите, оваа година, Танц Фест Скопје го става фокусот на врската меѓу танцот и технологијата преку повеќедневна интерактивна поставка во Националната Галерија Чифте Амам – Скопје.

На Денот на танцот почнува 21. издание на Танц Фест Скопје

На Меѓународниот ден на танцот - 29 Април, ќе биде отворено 21. издание на Танц Фест Скопје. Фестивалот ќе почне со читање на домашната порака од Адријана Данчевска Ровчанин, која беше избрана за овогодишна авторка на пораката од Танцовиот одбор на ИТИ Македонија, а воедно ќе биде доделена и наградата „Менада“ на годинашната добитничка – Роксан Стојанов, ѕвезда на Париската опера.

Фестивалот ќе се одвива до 13 мај. Отворањето ќе биде збогатено и со краток перформанс на UCSB Танцова Компанија, од Калифорнија, Санта Барбара, кој е вовед во целосната изведба нивната продукција „Рефракции - гласови на светлината и темнината” која ќе ја видиме на 30 април во МКЦ.

Како што е најавено, кулминација на вечерта ќе биде светската премиера на „Идентитети – будење“, третото и последно дело од трилогијата „Идентитети“, со што ќе се одбележи 45-годишниот јубилеј на уметничката кариера и творештво на Рисима Рисимкин.

Во февруари 2025 година, Рисимкин беше одликувана со престижното француско признание Витез од Редот на уметностите и книжевноста на Франција за нејзиниот значаен придонес во развојот на современиот танц и културата.

Како што соопштија организаторите, оваа година, Танц Фест Скопје го става фокусот на врската меѓу танцот и технологијата преку повеќедневна интерактивна поставка во Националната Галерија Чифте Амам – Скопје.

Во рамки на оваа програма, ќе бидат претставени три клучни проекти. Првиот проект е „Ringside“ - проект кој користи технологија на виртуелна реалност (VR) за снимање и прикажување на изведбите на групи гледачи во опуштена, поинтимна атмосфера преку VR наочари.

Вториот проект е „Stage360“ - нова форма на сценска изведба — виртуелно доживување на претстави преку VR очила, снимени со 360° камера поставена во самото срце на сцената. „Stage360“ создава нов начин на гледање и приближување на современите сценски практики до нова публика.

Ова е иновативно и интерактивно уметничко искуство што гради мост помеѓу минатото и иднината на сценската уметност.

Третиот проект е „LuminAI“ - танц и вештачка интелигенција – интерактивна уметничка инсталација на д-р Милка Трајкова од Институтот за технологија Џорџија, САД. „LuminAI“ е иновативен проект развиен од Georgia Tech, кој овозможува интерактивна импровизација меѓу човекот и вештачката интелигенција преку танц. Учесникот танцува пред екран, додека виртуелниот партнер – воден од AI – ги следи, анализира и им одговара на движењата со свои импровизирани гестови. Проектот ја истражува креативната соработка меѓу телото и алгоритамот, отворајќи нови можности за уметничка експресија и перформанс во дигиталната ера.

-Како и секоја година, програмата на Танц Фест Скопје дава особен фокус на домашните и младите уметници, кои оваа година ќе ги претстават соработките со

Скопје Танцовиот Театар: „Вортекс – Одисеја“ и „Мокументари” – на Адријана Данчевска Ровчанин; „Exo на Баронот“ – на Дејан Битровски; како и соработката

со кореографката Џилда Цесарио од Италија, „Несовршен Превод”, се вели во соопштението за фестивалот.

Фестивалот ќе биде затворен на 13 мај со интерактивната кореографска претстава „Myselves“ на K-Dance, пионери во спојувањето на современ танц и

дигитална уметност. Оваа изведба ја истражува врската меѓу танчерот и неговите повеќе „јас“, инкорпорирајќи автономни и непредвидливи визуелни и

звучни ефекти, кои ги пресликуваат емотивните и психолошките состојби на танчерот преку сензори за движење и оптичка анализа.

Настанот е поддржан од Интерарт и Францускиот институт во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во владата состанок со сите дистрибутери, трговци и маркети – Мицкоски бара да ги намалат цените

По извесниот крај на кризата на блискиот исток и намалувањето на цените на горивата, владата очекува од трговците и маркетите да ги намалат цените, особено на основните прехранбени продукти.

Во владата состанок со сите дистрибутери, трговци и маркети – Мицкоски бара да ги намалат цените

За таа цел, попладнево состанок одржуваат со премиерот Христијан Мицкоски, кој најави дека доколку не наидат на разбирање, ќе преземат мерки.

Пред Владата е Мирјана Мирчевска Јовановиќ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Змија влегла во куќа во Хиподром, нема надлежна служба која може да интервеницира

Стево Станковиќ од скопски Хиподром од вчера има непоканет гостин во неговиот дом. 

Змија влегла во куќа во Хиподром, нема надлежна служба која може да интервеницира

Змија влегла во неговата дневна соба и не може да ја најде. Од вчера змијата седи внатре, а Стево надвор. На помош дошле неговите роднини и соседи, но никој не можел ништо да најде. Тој се јавил на 112, но одтаму му рекле дека треба да бара човек кој се разбира од змии и да ја најде.

Стево ја раскажа неговата мака, па заедно побаравме на 112 совет и помош каде може да се најде помош во ваква непријатна ситуација. Диспечерот не препрати до приватно лице да му помогне на Стево.

Граѓаните многу често на социјалните медиуми објавуваат фотографии и од градски средини каде има змии во близина на зградите и кажауваат дека не знаат каде да се обратат.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седум лица се лишени од слобода од вкупно девет пријави за семејно насилство во последното деноноќие

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Седум лица се лишени од слобода од вкупно девет пријави за семејно насилство во последното деноноќие

На 21.06.2026 во 17:26 часот во Гевгелија, полициски службеници од СВР Струмица-ОВР Гевгелија го лишија од слобода Б.С.(51) од Гевгелија, постпаувајќи по претходна пријава дека во викенд куќа во гевгелиско село физички ја нападнал неговата 50-годишна сопруга, при што ѝ нанел повреди на главата и телото. Лицето е задржано во Полициската станица Гевгелија, а за случајот е известен јавен обвинител од Основното јавно обвинителство Гевгелија.

На 22.06.2026 во 06:50 часот во СВР Скопје, 37-годишна жена пријави дека на 21.06.2026 околу 22:30 часот во домот на нејзините родители на подрачјето на Бит Пазар, нејзиниот сопруг Г.Ј.(31) од Скопје упатувал закани кон неа и нејзиното семејство.

На 22.06.2026 во 01:50 часот во скопско, полициски службеници од СВР Скопје го лишија од слобода Н.И.(73), постапувајќи по претходна пријава дека на 21.06.2026 околу 17:30 часот во домот физички ја нападнал неговата 35-годишна ќерка, при што употребил тврд предмет.

На 21.06.2026 во 13:25 часот во СВР Скопје, 45-годишен маж пријави дека во домот на подрачјето на Карпош бил физички нападнат од неговата сопруга А.П.С.(44), која фрлала и тврди предмети кон него.

На 21.06.2026 во 16:00 часот во Скопје, на подрачјето на Центар, полициски службеници од СВР Скопје ја лишија од слобода Д.С.(37), постапувајќи по претходна пријава дека во домот на подрачјето на Гази Баба физички ја нападнала нејзината 69-годишна мајка.

На 21.06.2026 во 16:25 часот во Скопје, на подрачјето на Ѓорче Петров, полициски службеници од СВР Скопје го лишија од слобода И.С.(44) од Скопје, постапувајќи по претходна пријава од неговата 46-годишна сопруга дека на 20.06.2026 околу 23:30 часот во угостителски објект во скопско, каде што се одржувала семејна веселба, дошол и упатувал закани.

На 21.06.2026 во 14:30 часот во тетовско село, полициски службеници од Полициското одделение Жеровјане го лишиле од слобода М.М.(30) од истото село, кој бил пријавен од негов 61-годишен роднина од селото дека му се заканувал.

На 21.06.2026 во 19:00 часот, полициски службеници од СВР Тетово го лишиле од слобода А.И.(28) од Тетово. Претходно, неговата 51-годишна мајка во СВР Тетово пријавила дека околу 12:00 часот во семејниот дом А.И. почнал агресивно да се однесува и ја кршел покуќнината откако не му дала пари колку што барал. После тоа се заканил со нож на неговата 24-годишна сопруга и физички ја нападнал мајка си.

На 21.06.2026 во 23:50 часот, полициски службеници од СВР Куманово го приведоа М.М.(34) од Куманово, постапувајќи по претходна пријава дека отишол во семејниот дом на неговата 23-годишна поранешна сопруга и се заканувал дека физички ќе ја нападне.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер