На денешен ден - Канал 5

Живот

На денешен ден

5 април 2026

На денешен ден

1588.- Роден е Томас Хобс, англиски филозоф, продолжувач и систематизатор на класичниот англиски емпиризам. Познат е по максимата „Човек на човека му е волк“. Напишал многу дела меѓу кои се „Левијатан“, „За политичкото тело“. Умрел на 4 декември 1679 година.

1654.- Со мирот во Вестминстер (централен дел на Лондон) завршила првата Англо-холандска војна. Со победата врз Холандија, Англија ја скршила холандската надмоќност на море.

1794.- Гилотиниран бил Жорж Дантон, француски револуционер, противник на монархијата во Француската буржоаска револуција. Тој бил жртва на јакобинскиот терор. Роден бил на 6 октомври 1759 година.

1827.- Роден е англискиот хирург Џозеф Листер, основач на антисептичката медицина, кој во 1867 година прв ја вовел антисепсата во хирургијата. Подоцна се применети усовршени методи, но во хирургијата и сега се користи неговиот принцип дека бактериите не смеат да се присутни на местото каде што е извршена операција.

1900.- Роден е американскиот филмски актер Спенсер Трејси, исклучителен толкувач на низа карактерни улоги, прв актер кој две години една по друга добил Оскар за филмовите „Храбриот капетан“ во 1937 и „Град на момчиња“ во 1938 година. Други филмови: „Бес“, „Седмиот крст“, „Цитадела“, „Старецот и морето“, „Нирнбершкиот процес“, „Погоди кој доаѓа на вечера“.

1908.- Роден е австрискиот диригент Херберт фон Карајан, еден од најпознатите диригенти на 20 век кој со децении доминираше на светската музичка сцена, изведувајќи го со жестока емотивност, изразена фантазија и прецизност големиот оперски и концертен репертоар. Врвно ниво достигнал диригирајќи со Берлинската филхармонија и со оркестарот на Виенската државна опера.

1908.- Родена е американската филмска актерка Рут Елизабет Дејвис, позната како Бет Дејвис, која снимила повеќе од 80 филмови и остварила низа големи драмски улоги, главно играјќи несреќни и лоши жени. Настапила во филмовите „Опасна“, „Џезабел“, „Елизабета и Есекс“, „Хуарез“, „Се за Ева“, „Свадбен ручек“ и други.

1916.- Роден е американскиот филмски актер Грегори Пек. Играл во филмовите „Двобој на сонце“, „Случајот Парадин“, „Џентлменски договор“, „Снеговите на Килиманџаро“, „Празник во Рим“, „Моби Дик“, „Арабеска“ и други.

1955.- Британскиот премиер Винстон Черчил поднесол оставка на функцијата. Неговото премиерско место го наследил шефот на британската дипломатија Ентони Идн.

1987.- Во Скопје умрела Калипсо Налча, прва жена - професионална артистка во Македонија. Родена била во Битола, во 1915 година.

1989.- Полската влада го легализирала опозицискиот работнички синдикат „Солидарност“.

1995.- Израел го лансирал првиот шпионски сателит „Офек 3“.

1999.- Властите во Либија ги предале двајцата Либијци осомничени дека во декември 1988 година ја предизвикале експлозијата на американскиот патнички авион „Боинг 747“ над местото Локерби во Шкотска, при што загинале 270 лица.

2005.- Умрел американскиот писател Сол Белоу, добитник на Нобеловата награда за литература и еден од најзначајните американски писатели на 20 век. Тој пишувал за ликови кои водени од лични кризи преку бројни преиспитувања и сомневања се обидуваат да дојдат до сопствената вистина во светот на модерните вредности. Негови познати дела се „Херцог“, „Хендерсон, кралот на дождот“, „Равелштајн“ и други.

2006.- Умел американскиот уметник од руско потекло Ален Карпов, кој го востановил хепенингот како уметничка форма на изразување. Во 1959 година во галеријата Рејбен во Њујорк го одржал првиот хепенинг под името „18 хепенинга во шест дела“.

2008.- Умрел американскиот актер Чарлс Картер, познат како Чарлтон Хестон. Филмови: „Десетте заповеди“, „Бен Хур“ (Оскар), „Јулиј Цезар“, „Агонија и екстаза“, „Ел Сид“ (Оскар), „Мајор Денди“, „Планетата на мајмуните“, „Земјотрес“.

2012.- Во Салцбург, на 76-години, умрел Фердинанд Александар Порше, внук на основачот на „Порше“ и дизајнер кој го осмисли класичниот спортски модел „911“. Фердинанд Александар Порше бил на чело на студио за дизајн „Порше“ во почетокот на 1960-тите, кога компанијата го развила популарниот модел „911“ кој и е нејзин симбол. Фердинанд Александар Порше во семејниот бизнис се вклучил уште како дете, поминувајќи го времето во работилницата на дедо му и во студиото за дизајн.

2022.- На 61-годишна ворзаст почина Владимир Богоев, новинар, еден од основачите и долгогодишен уредник на весникот „Дневник“. Новинарската кариера ја започна во „Вечер“ во 1988 година, каде што работеше до основањето на „Дневник“ во 1996 година. Во „Дневник“ работеше прво како уредник, а потоа и како помошен главен уредник. По формирањето на Медиа принт Македонија, како заедничка компанија на „Дневник“, „Утрински весник“ и „Вест“ беше составен дел од менаџерскиот тим.

Тагови: на денешен ден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ѕвезда на OnlyFans се расплака: Мора да се вратам дома без сопругот (ВИДЕО)

Австралиската инфлуенсерка и креаторка на содржини на платформата OnlyFans, Микаела Теста, објави дека нејзиното барање за американска зелена карта не е одобрено, поради што мора да се врати во Австралија. 

Ѕвезда на OnlyFans се расплака: Мора да се вратам дома без сопругот (ВИДЕО)

Одлуката на имиграциските власти значи дека Теста ќе мора привремено да биде одвоена од својот сопруг, американскиот бодибилдер Максвел Краузе.

Таа ја сподели веста во емотивно видео на TikTok, кое беше прегледано повеќе од милион пати за краток временски период. Заедно со видеото на кое плаче, 26-годишната девојка објави и предупредување: „Омажи се за странец на свој ризик“. Таа објасни дека го снимила видеото за да ги спречи шпекулациите за евентуално распаѓање на нивниот брак.

„Ако ме видите на летот за Австралија во следниот влог, тоа не е затоа што се случило нешто лошо, туку затоа што не ми ја одобрија зелената карта“, рече таа во видеото. „Не можам ни да опишам како се чувствувам. Морам сама да се качам на авион за Австралија, а сум во брак со овој човек и не можам да бидам со него“.

Компликации со визата

Потоа Теста ги објасни имиграциските проблеми со кои се соочува двојката. Таа рече дека поради сè построгите правила и ограничувања при влегување во одредени земји, тие морале да одлучат каде да живеат.

„Луѓето не сфаќаат колку документација има“, забележа таа. Проблемот се појавил откако Краузе, според неа, ги искористила можностите за привремен престој во Австралија.

„Последниот пат кога влеговме во Австралија, тој бил задржан на границата поради чести влегувања. Макс ги искористил сите достапни австралиски визи, вклучително и работна виза за одмор. Немал повеќе опции“, објасни таа.

@mikaelatesta ♬ original sound - Mikaela Testa

Бидејќи Краузе повеќе не можел едноставно да влезе во Австралија, двојката решила да се фокусира на својот престој во Соединетите Држави. „Не можев да се справам со постапката за влез на Макс во Австралија и мојот за САД во исто време. Моравме да избереме една земја и се одлучивме за Америка“, објасни таа.

Во видеото, таа ги замолила своите следбеници за поддршка додека чекаат на конечната одлука. „Можеби наскоро ќе добиеме лоши вести. Ве молиме испратете ни позитивна енергија и среќа, мислам дека навистина ќе ми требаат.“ Подоцна во коментарите, таа разјасни што се случило за време на постапката: „Имавме разговор за зелена карта и ни се чини дека не поминало добро.“

Свадба на Хаваи

Проблемите со престојот во САД се појавија кратко по нивната свадба на Хаваи. Двојката имаше интимна и ненајавена церемонија, а Теста носеше винтиџ фустан за таа пригода, за кој плати 30 долари.

Иако се надеваа дека по свадбата ќе можат да го решат прашањето за нејзиниот престој во САД без поголеми проблеми, постапката не заврши како што очекуваа. Теста сега мора да се врати во Австралија, додека нејзиниот сопруг ќе остане во САД.

Тагови: OnlyFans сопругот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија.

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија, пред да го продолжи своето патување до крајбрежјето Амалфи, каде што ќе помине неколку дена на одмор во Равело, објавува „Матино“.

Меркел претходно пристигна на аеродромот Каподикино во Неапол, од каде, придружувана од обезбедувањето, се упати по автопатот преку Помпеја и Салерно до крајбрежјето Амалфи. На излезот за Кава де Тирени, таа одлучи да направи кратка пауза во супермаркетот, кој се наоѓа недалеку од наплатната рампа.

„Љубезна, топла и пристапна“

Нејзината посета ги изненади вработените и клиентите. Асунта Ламберти, вработена во одделот за деликатеси, беше првата што ја препозна поранешната германска канцеларка.

„Изгледа како госпоѓа Меркел“, извика таа, сè уште во неверица додека сечеше сувомеснато месо. Нејзината претпоставка беше потврдена од секретарката и преведувачот на политичарот.

Вработената подоцна ја опиша Меркел како љубезна, топла и пристапна личност. Поранешната канцеларка помина некое време разгледувајќи наоколу и купувајќи производи, поздравувајќи ги оние што ја препознаа.

YouTube video

Локални специјалитети во кошничката

Сепак, таа беше особено импресионирана од речиси празните полици, особено во одделот за овошје и зеленчук. Недостатокот на одредени производи беше поврзан со штрајк на камионџиите, а Меркел праша за причините за намалената понуда.

Нејзината кошничка содржеше и локални специјалитети, вклучувајќи неколку пакувања тестенини Граниано и моцарела од биволско потекло, карактеристични производи на гастрономската традиција на Кампанија.

По купувањето, Меркел ги поздрави присутните и го напушти супермаркетот, каде што ја чекаше возило, пред да продолжи по патот кон нејзината дестинација на брегот на Амалфи.

Тагови: Ангела Меркел супермаркет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Данска прв пат во својата историја купува прецизни ракети со долг дострел- Русија со жестока реакција

Членката на НАТО, Данска, вчера соопшти дека се согласила да ги набави своите први прецизни ракети со долг дострел, во обид на нордиската земја да ја зајакне својата безбедност и да ја одврати Русија од агресија во Европа.

Данска прв пат во својата историја купува прецизни ракети со долг дострел- Русија со жестока реакција

Членката на НАТО, Данска, вчера соопшти дека се согласила да ги набави своите први прецизни ракети со долг дострел, во обид на нордиската земја да ја зајакне својата безбедност и да ја одврати Русија од агресија во Европа, што предизвика осуда од Москва.

Данскиот министер за одбрана, Јепе Брус, изјави дека новите ракетни системи ќе ги зајакнат капацитетите на Данска и ќе ѝ овозможат да изврши напади „зад непријателските линии“ доколку биде нападната.

„Се наоѓаме во сериозна и влошувачка безбедносна ситуација и затоа ја зајакнуваме нашата одбрана и ја зголемуваме нашата борбена моќ“, изјави Брус пред новинарите.

Руската амбасада во Копенхаген во писмена изјава изјави дека целта на ракетната политика на Данска е конфронтација со Москва и предупреди на „неизбежни катастрофални последици“.

„Копенхаген е зафатен од опасни заблуди дека купувањето офанзивно, високопрецизно, оружје со долг дострел, кое претставува воена закана за нуклеарна сила, ќе помогне во зајакнувањето на безбедноста и одбраната на Данска“, соопшти амбасадата.

Данска минатата година објави планови за набавка на офанзивно оружје со долг дострел за да се спротивстави на воената закана на Русија за Европа, што предизвика остар одговор од Москва.

Премиерката Мете Фредериксен потоа ја повика војската да „купува, купува, купува“ ново оружје, по години намалување на воениот буџет, во промена на политиката предизвикана од војната на Русија во Украина.

Данска вчера соопшти дека се согласила да купи ракети „Антем“, произведени од американската одбранбена компанија „Ковенант“ во Германија, како и ракети „Џоинт Страјк“ за своите борбени авиони „Ф-35“, произведени од норвешката компанија „Конгсберг“ (KOG.OL).

Брус не кажа колку ракети нарачала Данска или колку ќе плати за нив.

Тагови: Данска ракети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер