На денешен ден - Канал 5

Живот

На денешен ден

21 март 2026.

На денешен ден

- Светски ден на поезијата

- Ден на пролетта

1556.- Кентерберијскиот надбискуп Томас Кренмер бил запален како еретик за време на римокатоличката реакција на кралицата Мери Прва. Како главен застапник на верската реформа во Англија вовел литургија на англискиот јазик и го составил „Општиот молитвеник“ на англиски.

1685.- Во Ајзенах е роден Јохан Себастијан Бах, германски композитор, еден од најголемите композитори во историјата на музиката. Бил познат како виртуоз на оргули. Тој го довел до совршенство барокот, усовршувајќи ги и продлабочувајќи ги дотогашните средства на музичкиот израз. Се смета дека неговите "Голдберг-варијации" за инструменти со калвиши и жици претставуваат ремек-дело. Умрел во Лајпциг, на 28 јули 1750 година.

1806.- Роден е мексиканскиот државник Бенито Пабло Хуарес, по потекло од селско индијанско семејство, кој како претседател го донесол законот за одвојување на црквата од државата и спровел низа мерки значајни за социјалниот и економскиот развој на земјата. Во текот на француската интервенција од 1861 до 1867 година ја предводел борбата за независност на земјата.

1829.- Во земјотресот што ја зафатил Шпанија загинаа 6.000 луѓе.

1839.- Во селото Крево, Псковско, е роден Модест Петрович Мусоргски, руски композитор, претставник на руската национална школа, застапник на реалистичкиот правец, член и најславен творец на композиторската „Група на петмина“. Поважни дела му се оперите „Борис Годунов“, „Хованшчина“, „Сорочински саем“, клавирската композиција „Слики од изложбата“ и други. Умрел во Санкт Петербург, на 28 март 1881 година.

1871.- Канцеларот Ото фон Бизмарк ја отворил првата седница на Рахјстагот (собранието) на новосоздаденото Германско царство.

1884.- Во Франција биле легализирани синдикатите.

1913.- Во Луковдол, Горски Котор, е роден Иван Горан Ковачиќ, хрватски поет, есеист, новинар, полемичар, преведувач и борец во НОВ. Автор бил на потресната поема „Јама“ во која ги прикажува воените пустошења и злосторства. Убиен бил за време на Втората светска војна, кон средината на јули 1943 година.

1917.- Бољшевиците го уапсиле рускиот цар Николај Втори и го принудиле да абдицира. Царот, сите членови на неговото семејство и послугата, по наредба на Ленин биле ликвидирани, а потоа и искасапени во Екатеринбург (подоцна Свердловск) во јуни 1918 година.

1936.- Во Париз умре Александар Константинович Глазунов, руски композитор, изразит симфоничар, еден од последните следбеници на руската национална школа. Компонирал претежно програмска музика, симфониски песни, симфонии, балети, камерна и солистичка музика. Најпознати му се делата „Стенка Рјазин“, „Рајмонда“ и други. Роден е во Санкт Петербург, на 10 август 1865 година.

1947.- Во зимскиот спортски центар Попова Шапка се одржал Првиот шарпланински смук, најстара спортска меѓународна манифестација во Македонија. Се натпреварувале триесеттина смучари од Унгарија, Романија, Бугарија и од СФР Југославија. Победил Унгарецот Петер Силко.

1960.- Во Сао Паоло е роден Аиритон Сена, еден од најголемите возачи на автомобилското натпреварување во светот на „Формула 1“. Загинал за време на трката во Имола, Италија, на 1 мај 1994 година.

1963.- Затворен бил злогласниот затвор „Алкатраз“ во заливот Сан Франциско.

1973.- На вонредното заседание на Советот за безбедност на Обединетите нации во Панама, САД и ставиле вето на резолуцијата со која се барало на Панама Вашингтон да и го врати назад суверенитетот врз зоната на Панамскиот канал.

1975.- Комунистичката влада на водачот на пучистите во Етиопија потполковникот Менгисто Хаиле Маријамо соопшти дека е укинато 3.000 години старото царство. Последниот цар Хаиле Селаси, иако бил симбол на борбата за слобода, најбрутално бил убиен, а на јавноста и било соопштено дека умрел од природна смрт.

1994.- Владата на Република Македонија донесла одлука за пристапување на Република Македонија кон Постојаниот комитет за информирање за индустриска сопственост на Светската организација за интелектуална сопственост.

1997.- Претседателите на Русија и САД, Борис Елцин и Бил Клинтон, на самитот во Хелсинки дале согласност за намалување на нуклеарните арсенали на двете земји.

1997.- Умрел Ежен Гилвик, француски поет со висока меѓународна репутација, добитник на „Златниот венец“ на Струшките вечери на поезијата во 1976 година. Автор е на триесеттина книги поезија, разговори, драмски преводи и други. Роден бил во Карнак, во 1907 година.

1998.- Умрела руската балерина Галина Сергеевна Улјанова, водечка балерина во „Бољшој театарот“ по Втората светска војна. Дебитирала во 1928 година во театарот „Киров“, по што набрзо станала прва балерина на „Бољшој театарот“. Прекрасно ги толкувала водечките рољи во балетите „Лебедово езеро“, „Заспаната убавица“, „Оревокршачка“, „Жизел“, „Пеперутка“, „Ромео и Јулија“. На крајот на играчката кариера станала балетски педагог во кореографската школа на „Бљшој театарот“.

1998.- Во Скопје било одржано Основачкото собрание на политичката партија Демократска алтернатива. За претседател бил избран д-р Васил Тупурковски.

2000.- Поглаварот на Римокатоличката црква папата Јован Павле Втори допатувал во прва официјална посета на Израел.

2004.- Во судирот на непалските трупи со маоистичките бунтовници загинаа најмалку 500 бунтовници и 18 војници и полицајци.

2007.- Најмалку 31 лице го загубиле животот во одроните на земјиштето предизвикано од обилните дождови во пакистанскиот дел на Кашмир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. јуни 2026 година

Дневен хороскоп за среда, 24. јуни 2026 година.

Дневен хороскоп за 24. јуни 2026 година

Рак 22.6-22.7.

Љубов

Тоа што во моментов има празнина или дистанца во вашите лични односи , денеска ќе биде заборавено по разговор со ваш близок пријател.

Кариера

Вашите колеги денеска ќе ве насмеат , зашто ќе ве натераат да решавате една загатка , а вие сакате да бидете детектив.

Здравје и совет

Тргнете се настрана и средете си ги мислите.

Лав 23.7-22.8.

Љубов

Во своето љубовно секојдневие ќе внесувате сосема оригинални идеи , а најверојатно со ручек или вечера за двајца.

Кариера

Оние кои работат креативна работа ќе бидат многу современи во својот израз и идеите. И натаму ве заморуваат шефовите.

Здравје и совет

Прифатете ги предизвиците.

Девица 23.8.-23.9.

Љубов

Вашата чувствителност денеска ќе биде зголемена , а другата страна ќе биде расположена за експериментирање во љубовта.

Кариера

Малку ќе недостига за да добиете алергија на шефот. Обидете се барем во мислите да се оддалечите од него.

Здравје и совет

Нервоза и замор.

Вага 24.9.-23.10

Љубов

Можеби саканата личност ќе ве изненади со еден предлог , кој на вас ќе делува како мал шок.

Кариера

Вашите надредени би можеле пред вас да претставатеден предлог што е малку чуден . Првин размислете , а потоа расправајте за него .

Здравје и совет

Победувате со издржливоста.

Шкорпија 24.10-22.11.

Љубов

Може да очекувате исполнет љубовен ден. Дури и ако сте сами , би можеле одлично да се забавувате.

Кариера

Можни се мали недоразбирања во соработката и при вербалните договарања. Фантазијата ќе ви овозможи да допрете до суштината.

Здравје и совет

Не морате се да откриете.

Стрелец 23.11.-21.12.

Љубов

Како што ќе минува денот , ќе забележувате дека вашиот личен живот добива нов сјај и се враќа во рамнотежа.

Кариера

Можно е да заминете на службено патување што не сте го очекувале , а кое ќе ви донесе радост.

Здравје и совет

Не треба да жалите по она што поминало.

Јарец 22.12.-20.1.

Љубов

Нервозата и напнатоста поради недоразбирањата во личните односи може да ги елиминирате со чиста есенција на љубов без зборови- со нежност.

Кариера

Во главата малку ќе ги проанализирате сите теми поврзани со работата , но нема да носите заклучоци.

Здравје и совет

Бидете пример за помладите од вас.

Водолија 21.1.-19.2.

Љубов

Веројатно е се подобро поврзување со спротивниот пол , а особено со некој кој не е од вашата околина.

Кариера

Се наоѓате во минлива фаза на зголемена чувствителност , па дури и редовните напори на кои сте навикнати , ќе ви предизвикаат тешкотии.

Здравје и совет

Потсетете се што е тоа што го сакате.

Риби 20.2.- 20.3.

Љубов

Не се знае кој денеска ќе биде потажен- вие или вашата најсакана личност. Не е ден за анализи , туку за утеха и толеранција.

Кариера

Ќе дојде до деловна кореспонденција , што ќе ве замори. Станува збор за многу напорен начин на изразување.

Здравје и совет

Потребна ви е релаксација.

Овен 21.3-20.4.

Љубов

Емотивност , нежност , чувство на препознавање на оние скриени суптилни нивоа во односите- Сето тоа ќе го доживеете денеска.

Кариера

Можни се проблеми во привршување на покуси фази при работењето. Ќе мора да бидете попрецизни.

Здравје и совет

Веќе ништо не може да ве изненади.

Бик 21.4- 20.5.

Љубов

Ги имате сите адути вос воите раце. Потребно е само да зборувате за она што ви лежи на срце.

Кариера

Некои ќе се затекнат на интересен состанок на кој ќе има сешто- од неморални понуди до морализирање и филозофирање.

Здравје и совет

И натаму чувствувате замор.

Близнаци 21.5.-21.6.

Љубов

Барањата за внимание од еден член на вашето семејство , накусо ќе ве оддалечи од саканата личност.

Кариера

Во работата денеска ќе внесете чувства. Некои ќе бидат наклонети и кон драматизирање.Направете исчекор и опуштете се.

Здравје и совет

Внимавајте на грлото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Жена лови риба на плажа, кога наеднаш се издигна огромен бран и ја „проголта“ (ВИДЕО)

Ова е застрашувачкиот момент кога жена која ловела риба на плажа во Калифорнија била однесена во морето од моќен, ненадеен бран.

Жена лови риба на плажа, кога наеднаш се издигна огромен бран и ја „проголта“ (ВИДЕО)

Бе Кадоте, 47-годишна жителка на Пацификот, ловела риба на плажата јужно од Пацифик Мол кога бранот ја удрил, соборувајќи ја од нозе и влечејќи ја околу 30 стапки од брегот, објавува Њујорк пост.

Снимките од безбедносните камери го забележале драматичниот момент кога Кадоте била однесена во разбрануваното море.

„Се чувствував како да ме вртат во машина за перење“, изјави таа за АБЦ.

Таа го опиша бранот како сосема неочекуван и рече дека веднаш сфатила во каква опасност се наоѓа.

„Едноставно ме проголта. Знаев токму тогаш дека доаѓа по мене. Си одам. Ќе ме однесе. Нема шанси да се извлечам од ова“, рече таа.

Додека моќната вода ја однесе подалеку од брегот, Кадотова одлучи да не се бори против огромната сила на брановите, туку да ја препушти својата судбина на повисока сила.

„Ги затворив очите и се помолив: Боже, ако ова е твоја волја, разбирам, но те молам не дозволувај да го напуштам мојот син“, рече таа.

По неколку минути во вода, Кадотова успеа да се врати на површина. Рибарите во близина веднаш ѝ притрчаа на помош, ѝ фрлија конец и ја извлекоа назад на брегот.

„Ви благодарам што го ризикувавте вашиот живот за да го спасите мојот“, им рече таа по спасувањето.

Набрзо пристигнаа службите за итни случаи и ја пренесоа во болница во Сан Франциско, каде што беше лекувана од хипотермија и состојба опишана како „синдром на океански шок“ или повреди предизвикани од силно фрлање од брановите.

Ваквите ненадејни бранови, познати како „подмолни бранови“, се особено опасни бидејќи се појавуваат без предупредување и можат да ги однесат луѓето далеку од брегот пред да можат да реагираат.

Таа сега се опоравува дома. Неодамна се пријавени и други спасувања на океанот.

YouTube video

Овие бранови се особено чести по должината на крајбрежјата со стрмни, длабоки падови, вклучувајќи делови од северозападниот дел на Пацификот и северна Калифорнија.

„Помолните бранови“ се обично големи крајбрежни бранови кои можат да се искачат многу повисоко на плажата отколку што се очекуваше. Тие се тешки за предвидување и можат да удрат дури и во мирни, сончеви денови со мало или без никакво предупредување.

Некои истражувачи проценуваат дека околу три од секои 10.000 бранови на море достигнуваат овој опасен статус.

Тагови: плажа риба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужас во Унгарија: Полицијата откри морничава колекција кај болнички портир, призна дека јадел човечко месо

Националното биро за вонредни ситуации на Унгарија го истражува шокантниот случај на маж од Будимпешта осомничен за нелегално користење човечки тела откако полицијата пронашла неколку човечки тела на неговиот имот.

Ужас во Унгарија: Полицијата откри морничава колекција кај болнички портир, призна дека јадел човечко месо

Одделот за заштита на животот на Националниот институт го отвори случајот откако властите добија информации за портир кој работел во болница во Будимпешта, кој наводно складирал делови од човечки тела на своето работно место и дома, пренесе Телеграф.

Истрагата откри дека тој имал голем интерес за анатомија и патологија и редовно дисецирал животни. Полицијата се сомнева дека делумно ги добил човечките останки преку својата работа, а исто така ископал тела од напуштени гробишта во Словачка и Унгарија.

Според властите, човекот не ја криел својата чудна страст, раскажувајќи им на семејството и пријателите за тоа, па дури и фотографирајќи ја својата колекција.

Полицијата го уапсила човекот во Будимпешта на 17 јуни, а потоа претресла неколку имоти и возила поврзани со него. За време на претресот, запленети се компјутери, лаптопи, мобилни телефони и разни уреди за складирање податоци.

Полицијата соопшти дека за време на претресот се пронајдени неколку човечки останки. Меѓу запленетите предмети беа полнето човечко лице и кожа, коски ставени во куфер, комплетна потколеница, човечки мозок, надлактица и неколку черепи.

Пронајден е и орган складиран во тегла, кој моментално се испитува за да се утврди дали е од човечко или животинско потекло.

Запленетите остатоци ќе бидат испитани од судски експерти, кои исто така ќе бидат одговорни за утврдување на нивното потекло и извор.

Признал дека јадел човечко месо

Мажот е осомничен за кривично дело нелегална употреба на човечко месо. Според полицијата, тој признал дека го сторил кривичното дело за време на испрашувањето.

Во своето сведочење, тој рекол дека бил особено привлечен од делови од човечкото тело и дека претходно подготвувал разни јадења од нив и ги јадел.

По испрашувањето, тој бил приведен, а потоа судот наредил да биде ставен под кривичен надзор.

Истрагата е сè уште во тек. Властите моментално се обидуваат да го утврдат точното потекло на запленетите човечки остатоци.

Во зависност од исходот од истрагата, бројот на кривични дела за кои се товари човекот може подоцна да се прошири.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер